Ռոնալդինյոն 11 տարվա դադարից հետո վերադառնում է մեծ ֆուտբոլ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Բրազիլական ֆուտբոլի լեգենդ Ռոնալդինյոն 46 տարեկանում պատրաստվում է վերադառնալ պրոֆեսիոնալ ֆուտբոլ։ Նա միացել է Իտալիայի Սերիա C-ում հանդես եկող «Ռավեննա» ակումբին՝ վերջին պաշտոնական հանդիպումից 11 տարի անց, հայտնում է Reuters-ը։

2002 թվականի աշխարհի չեմպիոնը և 2005 թվականի «Ոսկե գնդակի» դափնեկիրը Իտալիա է ժամանել օգոստոսի 20-ին և ներկայացվել «Ռավեննայի» երկրպագուներին։ Ռոնալդինյոն դարձել է նաև ակումբի բաժնետեր և ներգրավվելու է թիմի զարգացման նախագծում։

Միևնույն ժամանակ դեռ վերջնականապես պարզ չէ, թե որքան հաճախ նա խաղադաշտ դուրս կգա։ Ռոնալդինյոն հայտարարել է, որ այդ որոշումը կախված է գլխավոր մարզչից և ակումբի ղեկավարությունից, սակայն չի բացառել խաղալու հնարավորությունը։ Նրա նպատակներից մեկը կարիերայի 300-րդ գոլը խփելն է։

Ռոնալդինյոյի վերջին պաշտոնական հանդիպումը եղել է 2015 թվականին բրազիլական «Ֆլումինենսեի» կազմում։ «Ռավեննայի» ղեկավարությունը հույս ունի, որ լեգենդար ֆուտբոլիստի ներկայությունը ոչ միայն կմեծացնի ակումբի ճանաչելիությունը, այլև կօգնի թիմի՝ իտալական ֆուտբոլի բարձրագույն մակարդակներ վերադառնալու ծրագրին։

Հետևեք մեզ՝ այստեղ