ԱՄՆ-ը սպառնում է պատժամիջոցներով Իրանի հետ առևտուր անող երկրներին․ հիմնական թիրախը կարող է լինել Չինաստանը

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

ԱՄՆ վարչակազմը պատրաստվում է խստացնել տնտեսական ճնշումն Իրանի նկատմամբ՝ զգուշացնելով, որ Թեհրանի հետ, մասնավորապես՝ իրանական նավթի առևտուրը շարունակող երկրները կարող են հայտնվել երկրորդային պատժամիջոցների տակ, գրում է CNN-ը։

ԱՄՆ ֆինանսների նախարար Սքոթ Բեսենթը հայտարարել է Իրանի նկատմամբ «տնտեսական D-Day»-ի մասին՝ ընդգծելով, որ Վաշինգտոնը մտադիր է սահմանափակել Իրանի եկամտի հիմնական աղբյուրները։ Թեև նա ուղղակիորեն չի նշել Չինաստանի անունը, վերլուծաբանների գնահատմամբ՝ նոր քաղաքականության հիմնական փորձությունը հենց Պեկինի հետ հարաբերություններն են լինելու։

Չինաստանը շարունակում է մնալ իրանական նավթի խոշորագույն գնորդը։ Reuters-ի տվյալներով՝ Իրանից Չինաստան նավթի մատակարարումները 2026 թվականի օգոստոսին կազմել են օրական շուրջ 534 հազար բարել՝ հուլիսի 823 հազար բարելի դիմաց։ Միևնույն ժամանակ տարվա սկզբին այդ ծավալները հասել էին օրական մոտ 1,58 մլն բարելի։

Պեկինը հայտարարել է, որ դեմ է ԱՄՆ-ի միակողմանի և երկրորդային պատժամիջոցներին և անհրաժեշտության դեպքում կձեռնարկի միջոցներ իր տնտեսական շահերը պաշտպանելու համար։ Չինաստանի դիրքորոշումը կարող է զգալիորեն բարդացնել Վաշինգտոնի փորձերը՝ ամբողջությամբ կտրելու Իրանը արտաքին ֆինանսական և առևտրային հոսքերից։

Բեսենթը նաև պարզաբանել է, որ ԱՄՆ-ը առայժմ փորձում է գործընկեր երկրների հետ աշխատել դիվանագիտական ճանապարհով՝ նրանց հնարավորություն տալով դադարեցնել Իրանի հետ համապատասխան գործարքները։ Նրա խոսքով՝ անմիջապես խոշոր տնտեսությունների նկատմամբ պատժամիջոցների կիրառումը կարող է լուրջ հետևանքներ ունենալ համաշխարհային ֆինանսական համակարգի համար։

Հետևեք մեզ՝ այստեղ