Ուիթքոֆը հայտարարել է Մոսկվայում և Կիևում բանակցություններից հետո գրանցված առաջընթացի մասին
Ուկրաինական հակամարտության կարգավորման հարցում առաջընթաց է գրանցվել՝ Մոսկվայում և Կիևում ԱՄՆ նախագահի հատուկ բանագնաց Սթիվ Ուիթքոֆի և ամերիկյան առաջնորդի փեսա Ջարեդ Քուշների բանակցություններից հետո։ Այս մասին Ուիթքոֆը հայտնել է X-ի իր էջում։
«Զգալի առաջընթաց է գրանցվել, այդ թվում՝ լրացուցիչ եռակողմ հանդիպումների անցկացման շուրջ համաձայնության հարցում»,- գրել է նա։
Նրա խոսքով՝ Կիև այցի ընթացքում ամերիկացի բանակցողներին են միացել Մեծ Բրիտանիայի, Ֆրանսիայի և Գերմանիայի պատվիրակությունները՝ հակամարտության դիվանագիտական լուծման ուղղությամբ համատեղ աշխատանք կատարելու համար։ Նա ընդգծել է, որ ԱՄՆ նախագահ Դոնալդ Թրամփը խաղաղության հասնելու համար գործադրում է բոլոր ջանքերը։
Սեպտեմբերի 5-ին Քուշներն ու Ուիթքոֆը Մոսկվայում հանդիպել են Վլադիմիր Պուտինի հետ։ Ռուսաստանի նախագահի օգնական Յուրի Ուշակովը հայտնել է, որ նրանց զրույցը տևել է ավելի քան երեք ժամ և եղել է բովանդակալից, կառուցողական ու չափազանց անկեղծ։
Սեպտեմբերի 6-ին ամերիկացի բանակցողները Կիևում հանդիպել են Ուկրաինայի նախագահ Վոլոդիմիր Զելենսկու հետ։ Զրույցի ընթացքում նրանք հայտարարել են, որ ցանկանում են մինչև ձմեռ հասնել հակամարտության կարգավորման շուրջ բանակցություններում առաջընթացի։
Հետևեք մեզ՝ այստեղ
Յունիբանկը մեկնարկել է նոր ակցիա «U-Teenager». գլխավոր մրցանակը՝ ամառային դասընթաց արտերկրի լավագույ...
Մեր զորակցությունն ու աջակցությունն ենք հայտնում Գագիկ Ծառուկյանին և նրա ընտանիքին․ Խաչիկ Ասրյան
Արցախի թեման մնացել է խոսքերի մակարդակում․ ինստիտուտներ չկան, պատասխանատուներ՝ նույնպես. Էդմոն Մարու...
Ոչ միայն քաղաքական է, այլև աշխարհաքաղաքական. «Փաստ»
Արցախցիների պահանջը՝ իրենց տներ վերադառնալու, ոչ մի կերպ առիթ չի կարող դառնալ պատերազմ հրահրելու. Ան...
ԶՊՄԿ-ում աշխատելը՝ կայունության, զարգացման և նոր հնարավորությունների մասին
50% աղքատություն՝ արցախցիների շրջանում․ «բարեկեցություն» բառով իրականությունը չեք փոխի․ Արեգա Հովսեփ...
Ծանր վիճակ՝ վտանգավոր միտումներով. «Փաստ»
Եկող տարի մենք ունենալու ենք գյուղմթերքի դեֆիցիտ. Հրայր Կամենդատյան
Հայաստանում կան շատ պայծառ մարդիկ, որոնց հետ միասին պետք է վեր հանենք մեր երկիրը. Աննա Կոստանյան