Հայաստանի և Ռուսաստանի հարաբերությունները գնալով ավելի են խզվելու․ Էդմոն Մարուքյան
Էդմոն Մարուքյանը տելեգրամյան իր ալիքում գրում է․
Իրավիճակի վերլուծությունը ցույց է տալիս, որ Ռուսաստանը Հայաստանի նկատմամբ էներգակիրների ոլորտում ավելի խիստ գնային քաղաքականություն է նախապատրաստում։ Եվ եթե Ռուսաստանը Հայաստանի համար բարձրացնի գազի գինը, ակնհայտ է, որ Հայաստանը դիմելու է Եվրամիությանը՝ ֆինանսական աջակցություն ստանալու և գազի գինը սուբսիդավորելու համար։ Իմ տեղեկություններով՝ այդ հարցն արդեն քննարկվել է․ Եվրամիությունն արդեն տեղեկացված է խնդրի մասին և պատրաստ է տրամադրել այդ աջակցությունը, թե որքան ժամանակով՝ դա այլ հարց է։
Դրան զուգահեռ իշխանությունները սկսելու են ադրբեջանական գազի լեգիտիմացման գործընթացը՝ այն հանրությանը մատուցելով որպես ընդունելի այլընտրանք։ Արդյունքում շատ հավանական է, որ մենք Եվրոպայի օրինակով շարունակենք գնել նույն ռուսական գազը, բայց արդեն Ադրբեջանից և, բնականաբար, ավելի թանկ գնով։
Սկզբնական շրջանում Եվրոպան ֆինանսապես կաջակցի Հայաստանին՝ էներգետիկ ճգնաժամի հետևանքները մեղմելու համար։ Սակայն այդ աջակցությունը մշտական չի լինելու, և ի վերջո բեռը մնալու է Հայաստանի տնտեսության վրա։
Ակնհայտ է, որ այսօր առկա տնտեսական ցուցանիշները սկսելու են նվազել։ Ի վերջո, մեր արտադրանքի մրցունակության հիմքում ընկած գլխավոր գործոններից մեկը էներգառեսուրսների մատչելիությունն է։
Այս համատեքստում կարևոր է ընդգծել նաև ատոմակայանի գործոնը, որի հետագա շահագործումը նույնպես հարցականի տակ է դրվել։ Վերջերս Ալիևը հայտարարեց ատոմակայանի փակման անհրաժեշտության մասին, իսկ Ադրբեջանի հետ հարաբերություններում ՀՀ իշխանությունների որդեգրած մոտեցումը հաշվի առնելով՝ կարելի է ենթադրել, որ ատոմակայանի փակման հարցն արդեն ներառված է նրանց անելիքների ցանկում։
Ամուլսարի «սպանդը». ուրացման, էկոլոգիական հանցագործության և պետականության դեմ դավադրության մանիֆեստ
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
Էրեբունուց Երևան դարձած մեր մայրաքաղաքը երբեք Էրիվան չի դառնալու. Սամվել Կարապետյան
Քաղաքաշինության ներկան և զարգացման հեռանկարները․ Երևանում կայացել է Կառուցապատողների հայկական ասոցիա...
Երևանի համար հնարավոր է հաստատել խաղաղություն առանց զիջումների. «Ուժեղ Հայաստան»
ՏԻՄ ընտրություններում կուսակցական բաղադրիչը ոչ մի նշանակություն չունի. Մենուա Սողոմոնյան
1 զոհ, 1 վիրավոր, մաhացածը վարորդներից մեկի կինն է․ բախվել են «MERCEDES»-ն ու «NISSAN»-ը
Հայաստանի արդարադատության հրաշքը. երբ ներդրողը դառնում է մեղադրյալ, իսկ պարտքը՝ հանցագործության պատմ...
Ամուլսարի հանքի բացման մասին․ «Պայքարը պայքար չկա ու իրականում երբևէ էլ չի եղել». Հայկ Մարտիրոսյան