«Համահայկական ճակատ» շարժման առաջնորդի շնորհավորական ուղերձը Հայաստանի Անկախության օրվա առթիվ
Եղբայրներ և քույրեր, սիրելի՜ հայեր
«Համահայկական ճակատ» շարժման անունից և անձամբ իմ կողմից ջերմորեն շնորհավորում եմ Հայաստանի ժողովրդին և աշխարհի բոլոր հայերին Հայաստանի Հանրապետության Անկախության օրվա առթիվ։
Այս տարի մենք նշում ենք Հայաստանի Հանրապետության անկախության վերականգնման 35-ամյակը։ Երեսունհինգ տարի առաջ հայ ժողովուրդը վերահաստատեց իր պատմական իրավունքը՝ ինքնուրույն որոշելու իր Հայրենիքի ճակատագիրը, կառուցելու սեփական պետությունը և պատասխանատվություն կրելու նրա ապագայի համար։
Անկախությունը ձեռք է բերվել պայքարի, զոհողությունների և սերունդների աշխատանքի շնորհիվ։ Դրա պահպանումն ու պետականության ամրապնդումը մեր ընդհանուր ազգային պարտքն են։
Այսօր մենք պետք է անկեղծորեն գնահատենք պետության առջև ծառացած մարտահրավերները։
Քաղաքական բևեռացումը, հասարակական վստահության անկումը և պետական ինստիտուտների թուլացումը պահանջում են համախմբում՝ ազգային շահերի շուրջ։
Մեր խնդիրն է ամրապնդել Հայաստանի պաշտպանունակությունը, զարգացնել տնտեսությունն ու մարդկային ներուժը, վերականգնել վստահությունը պետական ինստիտուտների նկատմամբ և պաշտպանել մեր ազգային շահերը։
Հայաստանի ապագան չի որոշվում այսօրվա դժվարություններով։ Հայ ժողովուրդն ունի ուժ, գիտելիք և կամք՝ մեր երկիրը դարձնելու ուժեղ, անվտանգ, զարգացած և հարգված պետություն։
Անկախության 35-ամյակը ոչ միայն անցած ճանապարհը հիշելու, այլև ապագան կերտելու հնարավորություն է։ Վստահ եմ, որ միասին կարող ենք հաղթահարել փորձությունները, վերականգնել հասարակության միասնությունը և ամուր հիմք ստեղծել պետականության նոր վերելքի համար։
Շնորհավորում եմ ողջ հայ ժողովրդին՝ Հայաստանում և Սփյուռքում։ Թող մեր Հայրենիքը լինի ուժեղ, խաղաղ, անվտանգ և բարեկեցիկ։
Աստված պահապան Հայաստանին և հայ ժողովրդին։
«Համահայկական ճակատ» շարժման առաջնորդ
գեներալ-մայոր Արշակ Կարապետյան
«Սարսափ ու խայտառակություն․ ասեմ՝ ինչից հետո են բանակում անընդհատ մահեր լինում»․ պահեստազորի սպա
Նոյեմբերի 3/4-ին 36 ժամ ջուր չի լինելու
Վերջին «տանիքն» էլ են վերցնում. ինչպես են լրատվամիջոցին մտցրել փակուղի. «Փաստ»
Փողոցային «ռազբորկաներ» ԱԺ-ում. իշխանության սադրանքն ու նյարդային ջղաձգումները. «Փաստ»
Երկսայր սուր. «հարմարավետության» ու հարկային հոսքերի կենտրոնացվածության խորացման արանքում. «Փաստ»
Արցախի պատմությունը մեզ սովորեցնում է, որ խաղաղության համաձայնագրի համար անհրաժեշտ է մեկից ավելի երա...
«Մի քանի համայնքում տեղի ունեցած ընտրությունների արդյունքները չի կարելի ուղենիշ համարել քաղաքական վա...
Պոպուլիզմի տնտեսական գինը. Հայաստանում խոշոր բիզնես անելը դառնում է «բարձր ռիսկային». «Փաստ»
Իշխանական «ցանցը» պետական ապարատում. ում մերձավորներն են ստացել ազդեցիկ պաշտոններ և միլիոններով աշխա...
Ինչպես միշտ. ՔՊ-ն իր սովորական «ռեպերտուարի» մեջ է. «Փաստ»