Tashir Arena-ում այսօր խառը մենամшրտերի միջազգային մեծ երեկո է. հնարավորության հարթակ՝ նաև հայ մարզիկների համար

Այսօր Երևանում՝ Tashir Arena-ում, տեղի կունենա խառը մենամարտերի միջազգային մեծ երեկո։ Մրցաշարի գաղափարը պարզ է և հավակնոտ՝ Հայաստանի լավագույն երիտասարդ մարտիկները՝ աշխարհի տարբեր երկրների ուժեղ մրցակիցների դեմ։

Վանդակ դուրս կգան մարզիկներ, որոնք այսօր արդեն համարվում են հայկական MMA-ի ամենահեռանկարային անուններից և վաղը կարող են ձևավորել մեր սպորտի նոր սերունդը։ Նրանց մրցակիցները կլինեն մարտիկներ Ռուսաստանից, Վրաստանից, Ղազախստանից, Ուզբեկստանից, Իրանից և այլ երկրներից;

Կազմակերպիչները նշում են՝ ունեն հայկական սպորտը զարգացնելու, բարձրացնելու նպատակ, մրցաշարը հնարավորություն է հայ մարտիկների համար ելույթ ունենալ Հայաստանում։

Armat Fight show կազմակերպությա ղեկավար, MMA մարտիկ Արմեն Գուլյանի խոսքով,  իրենք Հայաստանում հարթակն են ստեղծում, որ երիտասարդ, հեռանկար ունեցող մարտիկները կարողանան իրենց ներկայացնել, այնուհետև արդեն միջազգային մեծ մրցաշարերում ներկայացնել Հայաստանը։ 

Առաջին քայլն արդեն արված է

Առաջին ARMAT Fight Show (AFS) մրցաշարի ժամանակ մեր հիմնական նպատակներից մեկը Հայաստանի տարբեր ակումբներից ու մարզերից ուժեղ և հեռանկարային մարզիկների բացահայտումն էր։ Այդ մրցաշարը հնարավորություն տվեց տեսնելու, թե ովքեր են պատրաստ հաջորդ մակարդակին անցնելու և իրենց ուժերը փորձելու արդեն ավելի լուրջ պրոֆեսիոնալ մրցակցության մեջ։ Այժմ ARMAT Fight Show-ը (AFS) և ORION Fight Club-ը (OFC) միավորում են ուժերը՝ այս մարզիկների համար ստեղծելով շարունակական մրցակցային հարթակ։
Խոսքը միայն մեկ մրցաշարի մասին չէ։ Մեր նպատակը համակարգ ստեղծելն է, որտեղ հայ մարզիկը կունենա պարբերաբար մենամարտելու, ուժեղ միջազգային մրցակիցների հետ փորձ ձեռք բերելու և իր պրոֆեսիոնալ կարիերան զարգացնելու հնարավորություն՝ առանց Հայաստանից դուրս մշտապես նոր շանսեր փնտրելու։

Նոր սերնդի ուժեղ անունները
Մրցաշարի առանցքային մասնակիցներից մեկը կլինի Սուրեն Պետրոսյանը՝ փորձառու մարզիկ, «Наше Дело»-ի նախկին չեմպիոն։ Իր նախորդ մենամարտում նա հաղթել է Alash Pride-ի չեմպիոնին և ցույց տվել, որ պատրաստ է մրցել բարձր մակարդակի ընդդիմության հետ։ Վանդակ կմտնի նաև Սերգո Ալեքսանյանը՝ առաջին ARMAT Fight Show (AFS) մրցաշարի Գրան պրիի հաղթողը։ Նա երիտասարդ է, տիտղոսակիր և այն մարզիկներից մեկը, ում հետ կապվում են հայկական MMA-ի ապագայի մեծ սպասելիքներ։ Մրցաշարին կմասնակցի նաև Դավիթ Խաչատրյանը, ով մարզվում և ներկայացնում է Lion Heart թիմը։ Նրա համար այս մրցաշարը հնարավորություն է նոր քայլ կատարելու պրոֆեսիոնալ կարիերայում և ավելի լայն լսարանի առաջ իրեն ցույց տալու։ Քարդում կլինի նաև Հովհաննես Նագաբեդյանը՝ թայբոքսինգում մեծ փորձ և տիտղոսներ ունեցող մարզիկ, ով այժմ իր ճանապարհն է շարունակում MMA-ում։ Այս անուններով քարդը չի սահմանափակվում։ Հանդիսատեսը կտեսնի նաև առաջին ARMAT Fight Show (AFS) մրցաշարի այլ հաղթողների և մրցանակակիրների, ինչպես նաև Հայաստանի ու արտերկրի բազմաթիվ ուժեղ մարզիկների։

Ոչ միայն մրցաշար, այլ մեծ իրադարձություն
AFS × OFC-ն նախատեսված է ոչ միայն որպես սպորտային մրցաշար, այլ որպես մեծ իրադարձություն հայկական մարտարվեստների և մեդիա դաշտի համար։
Երեկոյին ներկա կլինեն հայտնի մարտիկներ, սպորտի, շոու-բիզնեսի, մեդիայի և այլ ոլորտների ճանաչված ներկայացուցիչներ։

Հյուրերի թվում կլինեն Էդուարդ Վարդանյանը, Ժորա Այվազյանը, Արեն Ակոպյանը և հայկական մարտարվեստների բազմաթիվ այլ հայտնի դեմքեր։