ԱՀԿ ղեկավար․ նոր համավարակի բռնկումն անխուսափելի է

Նոր պաթոգենի ի հայտ գալն ու տարածումը կարող է բերել նոր համավարակի բռնկման, որը համարժեք կլինի COVID-19-ի համավարակի հետեւանքներին։ Այս մասին հայտարարել է Առողջապահության համաշխարհային կազմակերպության ղեկավար Թեդրո Ադան Գեբրեյեսուսը՝ Նյու-Յորքում ընթացող ՄԱԿ Գլխավոր Վեհաժողովի ընթացքում ուենցած ելույթի ժամանակ։ Դա, ըստ ԱՀԿ ղեկավարի, կարող է էլի լինել ռեսպիրատորային պաթոդեն։ Նա ասել է, որ նոր համավարակն անխուսափելի է։ Խնդիրը այս դեպքում միայն ժամանակի հետ է կապված, թե երբ այն կբռնկվի։

«Գիշերը ինձ արթուն պահող վախերից մեկն այն է, որ կարող է ի հայտ գալ [նոր] շնչառական հարուցիչ։ Եվ դա, իր հերթին, կարող է հանգեցնել COVID-ի պատճառած հետևանքներին նման հետևանքների», - ասել է նա Նյու Յորքում ՄԱԿ-ի Գլխավոր ասամբլեայի ժամանակ տեղի ունեցած մամուլի ասուլիսում։

Ըստ Գեբրեյեսուսի՝ նոր համավարակը անխուսափելի է. դա ընդամենը ժամանակի հարց է։ «Հաջորդ համավարակը «եթե»-ի հարց չէ, այլ «երբ»-ի», - ընդգծել է նա։ ԱՀԿ ղեկավարը նշել է, որ Կոնգոյի Դեմոկրատական ​​Հանրապետությունում շարունակվող Էբոլայի համաճարակը «հիշեցում է, որ բռնկումը կարող է սկսվել ցանկացած վայրում, ցանկացած ժամանակ և սպառնալիք ներկայացնել ոչ միայն տեղական համայնքների, այլև հարևան երկրների և ամբողջ աշխարհի համար»։

Հետևեք մեզ՝ այստեղ