Եթե ընտրակաշառք կար, չեղարկեիք ընտրության արդյունքները․ Հարությունյանը՝ իշխանությանը
««Ուժեղ Հայաստան» դաշինքը միշտ դատապարտել է կաշառք տալու առհասարակ գաղափարը»,- այս մասին մամուլի ասուլիսի ընթացքում հայտարարեց «Ուժեղ Հայաստան» խմբակցության պատգամավոր Հարություն Հարությունյանը՝ այնդրադառնալով ընտրակաշառք բաժանելու հետ կապված մամուլի հրապարակումներին։
Նա շարունակեց․ «Եթե, օրինակ, իշխանությունն այդքան վստահ էր, որ ընդդիմադիր ուժը ընտրակաշառք բաժանելով է քվե ստացել, ոչինչ իրեն չէր խանգարում միանալ մեր խմբակցության անունից ներկայացված դիմումին և պնդել, որպեսզի ընտրության արդյունքները չեղարկվեն և նոր ընտրություն նշանակվի։ Նման պահանջ չներկայացնելը, ինքնին հուշում է, հիմնավորում է այն կանխավարկածը, որ իշխանությունը բոլորից լավ գիտի, որ ինքը ունի լեգիտիմության դեֆիցիտ։ Նրանք չունեն այն ընտրողների զանգվածը, որը նախկինում ունեին»։
Հարությունյանի դիտարկմամբ՝ նույնիսկ ընտրախախտումների պարագայում իշխանությանը վստահել է ընտրության արդյունքներով 50 %-ից քիչ մարդիկ։
«Սա նշանակում է, որ իրենք նույնիսկ ձայնագողության արդյունքում ունեն լուրջ լեգիտիմության դեֆիցիտ։ Ընտրակաշառքը դատապարտել ենք և դատապարտում ենք»,- հավելեց քաղաքական գործիչը։
Ինչ վերաբերում է ընտրակաշառքի հետ կապված ձայնագրությունների հանրային հարթակ ներթափանցմանն, ապա պատգամավորը վստահաբար պնդեց, որ այդ ամենի հետ «Ուժեղ Հայաստան» դաշինքը որևէ առնչություն չունի։
«Չկա մեղադրական դատական ակտ, լինելու դեպքում առնվազն պետք է հիմնավորվի, որ «Ուժեղ Հայստան» դաշինքն է այդ գումարը տվել կամ ինչ-որ մեկն ասել՝ տարեք տվեք, որ գան մեզ քվեարկեն։Հակառակ դեպքում՝ ձայնագրության մասով պնդել, որ կա ընտրակաշառք,դա իրավական աբսուրդ է։ Կա՞ր ընտրակաշառք՝ չեղարկեիք ընտրության արդյունքները»,- հայտարարեց քաղաքական ուժի ներկայացուցիչը։
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
Բիզնեսի և հանքարդյունաբերության առաջնորդներից Մարկ Կուտիֆանին երրորդ Mining Armenia Forum-ի գլխավոր ...
ՀՀ իշխանությունը ԵՄ-ի հետ հարաբերություններում առաջնորդվում է երկակի ստանդարտներով․ Աննա Կոստանյան
Michelin-ի գաղտնի տեսուչները Հայաստանում. ո՞վ կարող է արժանանալ առաջին աստղին. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Քաղաքական «մարտեր առանց կանոնների». «Փաստ»
Մենք վերջ կդնենք Փաշինյանի զիջողական քաղաքականությանը. տեսանյութ
Երբ ջնջվում է... ոգին. «Փաստ»
Հայաստանի հանքարդյունաբերական ֆորում 2026. «Ռեսուրսներից՝ հնարավորություններ»
Մեղրիում ՔՊ-ի թեկնածուն երևանաբնակ է. ինչպե՞ս կարձագանքեն տեղացիները. «Փաստ»