ՎՏԲ-Հայաստան Բանկը կորպորատիվ հաճախորդներին առաջարկում է ազատ միջոցների կառավարման արդյունավետ լուծումներ

ՎՏԲ-Հայաստան Բանկի կորպորատիվ հաճախորդների համար նախատեսված պրոդուկտների շարքում ներկայացված են երեք ավանդներ՝ միջոցների տեղաբաշխման տարբեր պայմաններով։ Այս լուծումներն ընկերություններին հնարավորություն են տալիս ընտրել ժամանակավորապես ազատ իրացվելիության կառավարման առավել հարմար ձևաչափ՝ հաշվի առնելով իրենց ֆինանսական խնդիրներն ու բիզնեսի կարիքները։

Կորպորատիվ հաճախորդներին հասանելի են «Դասական բիզնես», «Ունիվերսալ բիզնես» և «Համալրվող բիզնես» ավանդները։ Միջոցների տեղաբաշխումը հնարավոր է ՀՀ դրամով, ռուսական ռուբլով և եվրոյով։

«Դասական բիզնես» ավանդը հարմար է այն ընկերությունների համար, որոնք պատրաստ են ժամանակավոր ազատ միջոցները տեղաբաշխել որոշակի ժամկետով և չեն նախատեսում համալրել կամ հանել գումարներ մինչև ավանդի ժամկետի ավարտը։

Եթե բիզնեսի համար կարևոր է միջոցների կառավարման ճկունությունը, ապա համապատասխան լուծում կարող է հանդիսանալ «Ունիվերսալ բիզնես» ավանդը։ Այն հնարավորություն է տալիս եկամուտ ստանալ տեղաբաշխված միջոցներից՝ պահպանելով դրանք կառավարելու հնարավորությունը՝ ընթացիկ ֆինանսական խնդիրներին համապատասխան։

Ընկերություններին, որոնք նախատեսում են աստիճանաբար ավելացնել տեղաբաշխված միջոցների ծավալը, առաջարկվում է «Համալրվող բիզնես» ավանդը։ Վերջինս հնարավորություն է տալիս կատարել անսահմանափակ թվով համալրումներ։ 

«Կորպորատիվ հաճախորդների համար կարևոր է ոչ միայն պահպանել իրացվելիությունը, այլև արդյունավետ օգտագործել ազատ դրամական միջոցները։ ՎՏԲ-Հայաստան Բանկի ավանդային լուծումներն ընկերություններին հնարավորություն են տալիս ընտրել համապատասխան գործիք՝ կախված նրանից՝ նախատեսում են արդյոք որոշակի գումար տեղաբաշխել ֆիքսված ժամկետով, թե ցանկանում են պահպանել միջոցների կառավարման լրացուցիչ ճկունություն», - նշել  է ՎՏԲ-Հայաստան Բանկի Գլխավոր տնօրենի- Տնօրինության նախագահի տեղակալ Եվգենի Մոտովիլովը։

Բոլոր երեք ավանդների համար միջոցների տեղաբաշխման նվազագույն գումարը կազմում է 200 հազար ՀՀ դրամ, 400 եվրո կամ 20 հազար ՌԴ ռուբլի։ Տեղաբաշխման ժամկետը՝ 30-ից մինչև 730 օր։ Տոկոսադրույքը կախված է ավանդի արժույթից և տոկոսները ստանալու ընտրված եղանակից՝ ամսական կամ ժամկետի ավարտին։

Առավելագույն տոկոսադրույքը կազմում է տարեկան 9,7%՝ ՀՀ դրամով միջոցները տեղաբաշխելու և տոկոսները ժամկետի վերջում ստանալու դեպքում (տարեկան եկամտաբերություն՝ 9,27%)։

Ավանդների մանրամասն պայմաններին կարելի է ծանոթանալ ՎՏԲ-Հայաստան Բանկի կայքում, Բանկի ցանկացած մասնաճյուղում կամ զանգահարելով Կոնտակտային կենտրոն՝ 87 87 հեռախոսահամարով։

Բանկը վերահսկվում է ՀՀ ԿԲ կողմից: