Միկել Արտետան դարձել է երկրորդ ամենաբարձր վարձատրվող մարզիչն աշխարհում

Միկել Արտետան Լոնդոնի «Արսենալի» հետ գործող պայմանագիրը երկարաձգելուց հետո դարձել է երկրորդ ամենաբարձր վարձատրությամբ մարզիչն աշխարհում: Նոր պայմանագրով իսպանացու տարեկան աշխատավարձը կազմում է 23,6 միլիոն եվրո, հաղորդում է SalaryLeaks-ը:

Այդ ցուցանիշով Արտետային գերազանցում է միայն սաուդյան «Ալ Հիլյալը» գլխավորող իտալացի Սիմոնե Ինձագին, որը ստանում է տարեկան 26 միլիոն եվրո:

Լավագույն հնգյակում են նաև արգենտինացի Դիոգե Սիմեոնեն («Աթլետիկո», 23,5 միլիոն եվրո), իսպանացի Լուիս Էնրիկեն (ՊՍԺ, 20 միլիոն եվրո) և պորտուգալացի Ժոզե Մոուրինյոն («Ռեալ Մադրիդ», 12 միլիոն եվրո):

Հիշեցնենք, որ Միկել Արտետայի նոր պայմանագիրը նախատեսված է մինչև 2030 թվականի ամառը: Նա 2019 թվականից է գլխավորում «Արսենալը», որի հետ նվաճել է արդեն 5 տիտղոս:

Հետևեք մեզ՝ այստեղ