Իրանի գերագույն առաջնորդն ու խորհրդարանի խոսնակը քննարկել են ԱՄՆ-ի և Իսրայելի հետ հակամարտությունը
Իրանի գերագույն առաջնորդ Մոջթաբա Խամենեին՝ երկրի խորհրդարանի խոսնակ Մոհամադ Բաղեր Ղալիբաֆի հետ հանդիպման ընթացքում քննարկել է ԱՄՆ-ի և Իսրայելի հետ հակամարտությանն առնչվող հարցեր։ «Արմենպրես»-ի հաղորդմամբ՝ այս մասին հայտնել է Իրանի գերագույն առաջնորդի գրասենյակը։
Նշվում է, որ հանդիպման ընթացքում անդրադարձ է կատարվել ռազմական հակամարտությունում իրավիճակի զարգացմանը, ինչպես նաև դրա տնտեսական և հոգեբանական բաղադրիչներին։
Ավելի վաղ Իրանի նախագահ Մասուդ Փեզեշքիանը նույնպես տեղեկացրել էր երկրի առաջնորդի հետ իր շփումների մասին։ Հարկ է նշել, որ միջազգային լրատվամիջոցների տեղեկացմամբ՝ Մոջթաբա Խամենեին այդ պաշտոնին մարտի սկզբին ընտրվելուց հետո չի հայտնվել հանրության առաջ։
Հատկանշական է, որ Խամենեիի և ԱՄՆ-ի հետ բանակցություններում իրանական պատվիրակության ղեկավար Ղալիբաֆի հանդիպումը տեղի է ունեցել Իրանի և ԱՄՆ-ի միջև լարվածությունը թուլացնելու նպատակով միջնորդների գործադրած ջանքերի, ինչպես նաև նոյեմբերի սկզբին ամերիկյան կոնգրեսի ընտրություններից հետո ռազմական գործողությունների հնարավոր վերսկսման վերաբերյալ մտահոգությունների պայմաններում։
ԱՄՆ-ն ու Իսրայելը այս տարվա փետրվարի 28-ին հարվածել էին Իրանի տարածքում գտնվող թիրախներին։ Իրանական կողմը հասցրել էր պատասխան հարվածներ։ Հունիսի կեսերին Թեհրանն ու Վաշինգտոնը ստորագրել էին ռազմական գործողությունները դադարեցնելու հուշագիր, սակայն հետագայում կրկին հարվածներ էին փոխանակել։ Այս հակամարտությունը մնում է չկարգավորված։
Հետևեք մեզ՝ այստեղ
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Michelin-ի գաղտնի տեսուչները Հայաստանում. ո՞վ կարող է արժանանալ առաջին աստղին. «Փաստ»
Մենք վերջ կդնենք Փաշինյանի զիջողական քաղաքականությանը. տեսանյութ
Երբ ջնջվում է... ոգին. «Փաստ»
ՀՀ իշխանությունը ԵՄ-ի հետ հարաբերություններում առաջնորդվում է երկակի ստանդարտներով․ Աննա Կոստանյան
Բիզնեսի և հանքարդյունաբերության առաջնորդներից Մարկ Կուտիֆանին երրորդ Mining Armenia Forum-ի գլխավոր ...
Քաղաքական «մարտեր առանց կանոնների». «Փաստ»
Հայաստանի հանքարդյունաբերական ֆորում 2026. «Ռեսուրսներից՝ հնարավորություններ»
Գորիս համայնքի ապագան սկսվում է քո ընտրությունից. Քվեարկի՛ր «Ապրելու քվե» դաշինքի օգտին