Անընդունելի է զոհվածների հիշատակի օրը համերգ հեռարձակել. Ավետիք Չալաբյան
«Հայաքվե» ընդդիմադիր շարժումը նոյեմբերի 3-ին բողոքի ակցիա է անցկացրել Հայաստանի Հանրային հեռարձակողի խորհրդի շենքի դիմաց։
Շարժման համակարգող Ավետիք Չալաբյանը հայտնել է, որ Հանրային հեռարձակողի խորհրդին նամակ է փոխանցվել՝ խորհրդի նախագահ Վասակ Դարբինյանի և Հայաստանի Հանրային հեռուստաընկերության գործադիր տնօրեն Հովհաննես Մովսիսյանի անհապաղ հրաժարականի, ինչպես նաև Հանրային հեռուստաընկերության հեռարձակման քաղաքականությունը վերանայելու ու այն հանրության շահերի հուն վերադարձնելու պահանջով։
Չալաբյանը հավելել է, որ նամակն ստորագրել է ավելի քան 300 հասարակական գործիչ։ Նա հիշեցրել է, որ սեպտեմբերի 27-ին Հանրային հեռուստաընկերությունը չի լուսաբանել «Եռաբլուր» զինվորական պանթեոնում տեղի ունեցած իրադարձությունները և, նրա գնահատմամբ, դիտավորյալ ժամանցային համերգ է հեռարձակել՝ ավելի սաստկացնելով այն ցավը, որն այդ օրն իր հետ բերում է հայ ժողովրդին։ Նա համոզմունք է հայտնել, որ դա ոչ տեղին որոշում էր, որը վիրավորանք դարձավ հարազատներ ու տուն կորցրած հազարավոր ընտանիքների համար, ուստի սոսկ ներողություն խնդրելը բավարար չէ։ Ընդդիմադիր գործչի խոսքով՝ իշխանությունները փորձում են ջնջել ժողովրդի հիշողությունը և իրենց վրայից մաքրել խայտառակ պարտության խարանը, սակայն իրականությունը դրանից չի փոխվում։
«Բացի այդ, ողջ հայ հանրության կողմից ֆինանսավորվող Հանրային հեռուստաընկերությունը հանդես չի գալիս ամբողջ հասարակության անունից, ինչպես պահանջում է օրենքը, այլ գործում է որպես գործող վարչակարգի կուսակցական հեռուստաալիք՝ կողմնակալ հեռարձակում իրականացնելով և՛ ընտրություններից առաջ, և՛ դրանց ընթացքում, և՛ խորհրդարանի գործունեությունը լուսաբանելիս։ Հանրային հեռուստաընկերությունը վերածվել է իշխանությունների քարոզչափողի։ Ամեն ինչ ներկայացվում է այնպես, կարծես իշխող «Քաղաքացիական պայմանագիր» կուսակցությունը միակ ուժն է Հայաստանում, որը ճիշտ քաղաքական գիծ է վարում»,- ընդգծել է Չալաբյանը։
Նա հիշեցրել է, որ ընտրությունները լուսաբանելիս Հանրային հեռուստաընկերությունը բացահայտ քարոզչություն է իրականացնում հօգուտ իշխանությունների։ «Հաղորդավար Պետրոս Ղազարյանի մասնակցությամբ հաղորդումներում բացահայտ կողմնակալ վերաբերմունք է դրսևորվում։ Եթերը ծառայում է իշխանամետ թեզերի առաջմղմանը, իսկ այլախոհների դիրքորոշումը ենթարկվում է մանիպուլյացիայի։ Բացի այդ, Հանրայինի եթերը տրամադրվում է այնպիսի անձանց, որոնք պառակտում են մտցնում երկրի հոգևոր կյանքում և նպատակաուղղված հարվածում են Հայ Առաքելական եկեղեցուն ու ազգային համերաշխությանը»,- հավելել է Ավետիք Չալաբյանը։
Նրա խոսքով՝ եթե Հանրային հեռարձակողի խորհուրդն այս պահանջներին լրջությամբ չվերաբերվի, ապա «Հայաքվե» շարժումը կդիմի հետագա օրինական քայլերի։
«Սարսափ ու խայտառակություն․ ասեմ՝ ինչից հետո են բանակում անընդհատ մահեր լինում»․ պահեստազորի սպա
Վերջին «տանիքն» էլ են վերցնում. ինչպես են լրատվամիջոցին մտցրել փակուղի. «Փաստ»
Նոյեմբերի 3/4-ին 36 ժամ ջուր չի լինելու
Փողոցային «ռազբորկաներ» ԱԺ-ում. իշխանության սադրանքն ու նյարդային ջղաձգումները. «Փաստ»
Երկսայր սուր. «հարմարավետության» ու հարկային հոսքերի կենտրոնացվածության խորացման արանքում. «Փաստ»
Արցախի պատմությունը մեզ սովորեցնում է, որ խաղաղության համաձայնագրի համար անհրաժեշտ է մեկից ավելի երա...
Ինչպես միշտ. ՔՊ-ն իր սովորական «ռեպերտուարի» մեջ է. «Փաստ»
Պոպուլիզմի տնտեսական գինը. Հայաստանում խոշոր բիզնես անելը դառնում է «բարձր ռիսկային». «Փաստ»
Իշխանական «ցանցը» պետական ապարատում. ում մերձավորներն են ստացել ազդեցիկ պաշտոններ և միլիոններով աշխա...
«Մի քանի համայնքում տեղի ունեցած ընտրությունների արդյունքները չի կարելի ուղենիշ համարել քաղաքական վա...