Ուկրաինան ԱՄՆ-ին է փոխանցել բանակցությունների առաջարկները. Զելենսկի
Ուկրաինայի նախագահ Վոլոդիմիր Զելենսկին հայտնել է, որ Ուկրաինան Աբու Դաբիում կայանալիք եռակողմ հանդիպմանն ընդառաջ բանակցությունների հնարավոր արդյունքների վերաբերյալ իր առաջարկներն արդեն փոխանցել է ամերիկյան կողմին։
Զելենսկին այս մասին հայտարարել է NB8 ձևաչափի գործընկերների հետ քննարկումից հետո՝ շնորհակալություն հայտնելով Էստոնիայի, Ֆինլանդիայի, Լիտվայի, Դանիայի, Իսլանդիայի, Լատվիայի, Նորվեգիայի և Շվեդիայի ղեկավարներին՝ Ուկրաինային աջակցելու և սկզբունքային հարցերի շուրջ միասնական դիրքորոշում ունենալու համար։
Նրա խոսքով՝ քննարկման ընթացքում անդրադարձ է կատարվել Աբու Դաբիում նախատեսված եռակողմ հանդիպման նախապատրաստական աշխատանքներին։ Վերջին օրերին այդ ուղղությամբ զգալի աշխատանք է կատարվել․ Բրյուսելում տեղի է ունեցել հանդիպում՝ ՆԱՏՕ-ի և եվրոպացի գործընկերների մասնակցությամբ, ինչպես նաև կայացել են Զելենսկու շփումները ԱՄՆ նախագահի ներկայացուցիչների հետ։ Բանակցային խմբերը մշտական կապի մեջ են։
«Մենք կարծում ենք, որ Էմիրություններում հանդիպումը պետք է կոնկրետ արդյունքներ տա։ Բանակցությունների հնարավոր իրական արդյունքների վերաբերյալ մեր առաջարկներն արդեն փոխանցվել են ամերիկյան կողմին»,- նշել է Ուկրաինայի նախագահը։
Զելենսկին ընդգծել է նաև, որ Եվրոպայի անվտանգության հարցերը պետք է քննարկվեն եվրոպական երկրների մասնակցությամբ, որոնք հավասարապես արժանի են անվտանգության հուսալի երաշխիքների։
Նա շնորհակալություն է հայտնել գործընկերներին՝ Ռուսաստանի դեմ Ուկրաինայի պատերազմը հնարավորինս շուտ ավարտելուն ուղղված իրական դիվանագիտությունը առաջնահերթություն համարելու համար։
Ուկրաինայի նախագահը գործընկերներին տեղեկացրել է նաև ձմռանն ընդառաջ երկրի կարիքների, մասնավորապես՝ էներգետիկ ոլորտում աջակցության և հակաօդային պաշտպանության համակարգերի անհրաժեշտության մասին։
Զելենսկին նշել է, որ կողմերը կշարունակեն համակարգել գործողությունները և համաձայնեցնել իրենց ընդհանուր դիրքորոշումները։
Հետևեք մեզ՝ այստեղ
«Սարսափ ու խայտառակություն․ ասեմ՝ ինչից հետո են բանակում անընդհատ մահեր լինում»․ պահեստազորի սպա
Նոյեմբերի 3/4-ին 36 ժամ ջուր չի լինելու
Վերջին «տանիքն» էլ են վերցնում. ինչպես են լրատվամիջոցին մտցրել փակուղի. «Փաստ»
Փողոցային «ռազբորկաներ» ԱԺ-ում. իշխանության սադրանքն ու նյարդային ջղաձգումները. «Փաստ»
Երկսայր սուր. «հարմարավետության» ու հարկային հոսքերի կենտրոնացվածության խորացման արանքում. «Փաստ»
Իշխանական «ցանցը» պետական ապարատում. ում մերձավորներն են ստացել ազդեցիկ պաշտոններ և միլիոններով աշխա...
«Մի քանի համայնքում տեղի ունեցած ընտրությունների արդյունքները չի կարելի ուղենիշ համարել քաղաքական վա...
Պոպուլիզմի տնտեսական գինը. Հայաստանում խոշոր բիզնես անելը դառնում է «բարձր ռիսկային». «Փաստ»
Ինչպես միշտ. ՔՊ-ն իր սովորական «ռեպերտուարի» մեջ է. «Փաստ»
«Ուժեղ Հայաստան» խմբակցության ղեկավար Նարեկ Կարապետյանը է Սիսիանի Շաքի համայնքում ադրբեջանցու կրակոց...