Մաս­նա­գետ­նե­րը լուրջ ռիս­կեր են տես­նում առա­ջին հայ­տի հա­մընդ­հա­նուր գե­րա­կա­յու­թյան առու­մով

Բուհերի ընդունելության քննությունների թեման շարունակում է թեժ մնալ: Մասնավորաբար. բարձր միավորներով բուհ չընդունված դիմորդներն ու նրանց ծնողներն իրենց իրավունքներն ու պատկան մարմինների համապատասխան որոշումները վիճարկելու են դատական կարգով: 

Առաջին հայտի գերակայության սկզբունքի հետ կապված կարծիքները տարբեր են, հիմնականում մասնագետները գտնում են, որ դա սկզբունքորեն վատ գաղափար չէ, սակայն առկա են խնդիրներ որոշման ընդունման ժամկետների և իրազեկման հետ: 

Մյուս կողմից՝ «Փաստի» հետ զրույցում կրթության մի շարք փորձագետներ նշել են, որ պետպատվերի պարագայում առաջին հայտի գերակայությունը շատ նորմալ է, պետությունը լիարժեք իրավունք ունի որոշել,  թե պետական բյուջեից ինչպես է իրականացնում ֆինանսավորումը: Սակայն համընդհանուր, նաև վճարովի համակարգի համար առաջին հայտի գերակայությունը մտահոգություններ ու ռիսկեր է առաջ բերում: 

«Այս դեպքում, երբ, ինչպես փորձը ցույց տվեց, ուսանողը կարող է դիմել ու ոչ մի տեղ չընդունվել, դիմորդը պետք է ամեն ինչ անի՝ երաշխավորված շատ բարձր միավոր ստանալու համար: 

Այստեղ առկա է երկու հիմնական խնդիր՝ կրկնուսույցների «ինստիտուտի» նոր զարթոնքի հավանականություն և ընդունելության քննությունների կոռուպցիոն ռիսկ: Այնինչ, այս ռիսկերը նախկինում տեսանելիորեն նվազել էին»,-մեզ հետ զրույցում մասնավորաբար ասաց կրթության փորձագետներից մեկը: