Բարձր ախորժակի պատճառները․ Ինչո՞ւ եք անդադար ցանկանում ուտել
Եթե դուք անդադար ուտելու ցանկություն ունեք, ուշադրություն դարձրեք ձեր սննդակարգին․ ստանո՞ւմ է արդյոք ձեր օրգանիզմն անհրաժեշտ սննդարար նյութերը մթերքի միջոցով։ Եթե ձեր սննդակարգը կարելի է վստահաբար անվանել քիչ թե շատ առողջ, չափից շատ ուտելու պատճառները պետք է փնտրել այլ տեղում։
Տրամադրության խանգարումներ
Ախորժակի ոչ նորմալ բարձրացումը կարող է լինել լուրջ դեպրեսիվ խանգարման նշան, համարում է ամերիկացի հետազոտող, Վանդերբիլթի համալսարանի հոգեբանության դոցենտ Դեւիդ Շլունդթը։ Նրա խոսքով՝ դեպրեսիա ունեցող մարդիկ սովորաբար չեն վերահսկում սննդի օգտագործումն ու ուտում են ավելին, քան իրականում կարիք ունեն։
Քնի պակաս
Լաֆբորո համալսարանից (Մեծ Բրիտանիա) գիտնականների հետազոտությունը ցույց է տվել, որ մարդիկ, որոնց պարբերաբար չի հաջողվում բավարար քնել, ունեն մարմնի քաշի ավելի բարձր ինդեքս, քան նրանք, ովքեր քնում են օրական 6-8 ժամ։ Քնի պակասը, մասնագետների խոսքով, ազդում է հորմոնների վրա, այդ թվում՝ լեպտինի եւ գրելինի վրա, որոնք կարգավորում են ախորժակը։ Այդ երկու հորմոնների հարաբերակցության խախտումը կարող է առաջացնել բարձր ախորժակ։
Նախաճաշի բացթողումը
Նախաճաշը համարվում է սննդի ամենակարեւոր ընդունումը, եւ դա պատահական չէ։ Առավոտյան նախաճաշն «արագացնում» է նյութափոխանակության գործընթացներն օրգանիզմում, իսկ դրա բացթողումը կարող է հանգեցնել ամբողջ օրվա ընթացքում քաղցի արտասովոր զգացողությանը։
Սթրես
Սթրեսը նույնպես կարող է ստիպել ձեզ ավելի շատ ուտել, հատկապես քաղցրավենիք եւ բարձր կալորիականություն ունեցող մթերք։ Այդ երեւույթը կոչվում է էմոցիոնալ շատակերություն։
Սննդակարգում սպիտակուցի եւ ճարպի պակաս
Ճարպակալման հարցերով բրիտանացի փորձագետ Ջուլի Բերնարը պնդում է, որ սննդակարգում սպիտակուցի եւ առողջ ճարպերի պակասը կարող է դառնալ մշտական քաղցի պատճառ, եթե անգամ մարդն օրվա ընթացքում օգտագործում է բավարար չափով կալորիաներ։
Մանրաթելերի պակաս սննդակարգում
Սննդակարգում մանրաթելերի պակասը նույնպես կարող է առաջացնել բարձր ախորժակ․ մանրաթելը դանդաղ է քայքայվում աղեստամոքսային տրակտում, ինչը նպաստում է արյան մեջ գլյուկոզայի առավել կայուն մակարդակի։ Դրա ավելացումն, իր հերթին, մեծացնում է քաղցի զգացումը։
Չափազանց քիչ ածխաջրեր սննդակարգում։
Արագ ածխաջրերը (սպիտակ հաց, մակարոնեղեն, քաղցրավենիք եւ այլն) առաջացնում են էներգիայի ավելացում, որն արագ այրվում է ինսուլինի պատասխան սինթեզի պատճառով, որն օգնում է կարգավորել արյան մեջ գլյուկոզայի մակարդակը։ Արագ ածխաջրեր օգտագործելուց կարճ ժամանակ անց դուք կրկին կզգաք քաղց։
Արյան մեջ գլյուկոզայի բարձրացված մակարդակ
Արյան մեջ գլյուկոզայի բարձր մակարդակը նպաստում է ինսուլինից դիմակայունության, որը թուլացնում է ախորժակի վերահսկողությունը։ Եթե սնունդ ընդունելուց կարճ ժամանակ անց կրկին ցանկանում եք ուտել, եւ դա կրում է պարբերական բնույթ, դա կարող է լինել նախադիաբետի կամ շաքարային դիաբետի նախանշան։
Եկեղեցին վերականգնվել է իր սկզբնական ճարտարապետական ոճին համապատասխան․ Հիքմեթ Հաջիևը տեսանյութ է հրա...
Ադրբեջանական կողմից նախապատրաստվել և առաջ են մղվում անհիմն ու արհեստական թեզեր․ փորձագետ
Տարադրամի փոխարժեքները մայիսի 2-ին
Մոսկվայում մայիսի 9-ին կայանալիք Հաղթանակի շքերթը կանցկացվի առանց ռազմական տեխնիկայի շարասյան
Սամվել Ալեքսանյանը 350 հազար կիլոգրամ գոմեշի միս է ներկրելու Հնդկաստանից․ Կառավարությունից աջակցությ...
Որպես Փաշինյանին օգնություն Ալիևն ուզում է մինչև ընտրություն գերիների մի մասին վերադարձնել. Hraparak
Թափանցիկության բացակայություն՝ ադրբեջանական պատվիրակության այցի շուրջ. «Ժողովուրդ»
ՊԵԿ-ը բացահայտել է խոշոր չափերի` կանխիկ 72,6 մլն ռուսական ռուբլու ներկրման դեպքեր
Թուրքիայում ԱՄՆ դեսպանը ողջունում է Հայաստան-Թուրքիա համատեղ աշխատանքային խմբի հանդիպումը
Մեքսիկայում ձերբակալել են թմրաբարոնի, որին բռնելու համար ԱՄՆ-ն 5 միլիոն դոլար էր խոստացել