Սեպտեմբերի 5-ին «Նարեկացի» արվեստի միությունը նշեց իր 17-րդ ամյակը
Միջոցառումը մեկնարկվեց Արարատյան հայրապետական թեմի Էրեբունի համայնքի հոգևոր հովիվ Տեր Զգոն քահանա Աբրահամյանի Տերունական աղոթքով:
Միջոցառման համերգային մասն ազդարարեց «Նարեկացի» նվագախումբը (գեղ. ղեկավար` ՀՀ վաստակավոր արտիստ Արտեմ Խաչատուր):
Երաժշտական կատարումներով հանդես եկան նաև «Նուբար» հայ ավանդական երգի-պարի խումբը (գեղ. ղեկավար՝ Լուսինե Նազարյան), «Նովա» ժողովրդական նվագարանների անսամբլը (գեղ. ղեկավար՝ ՀՀ մշակույթի վաստակավոր գործիչ Հովիկ Սահակյան, դիրիժոր՝ Հելբերտ Ասատրյան), երգիչ Արման Առաքելյանը, և Կարին ավանդական երգի-պարի խումբը (գեղ․ ղեկավար՝ ՀՀ մշակույթի վաստակավոր գործիչ Գագիկ Գինոսյան):
Ելույթի խոսքով հանդես եկան ՀՀ արվեստի վաստակավոր գործիչ Դանիել Երաժիշտը, «Նուբար» հայ ավանդական երգի-պարի խմբի գեղ. ղեկավար Լուսինե Նազարյանը, ՀՀ մշակույթի վաստակավոր գործիչ Գագիկ Գինոսյանը, «Նարեկացի» արվեստի միության հիմնադիր Նարեկ Հարությունյանը:
«Ինձ համար շատ դժվար է խոսել այսօր. ընդամենը օրեր առաջ մենք պետք է նշեինք «Նարեկացի» արվեստի միության Շուշիի մասնաճյուղի 15-ամյակը, բայց, անկախ այս ողբերգություններից, մենք պարտավոր ենք շարունակել մեր առաքելությունը՝ Աստծո օրհնությամբ»,- նշեց Նարեկ Հարությունյանը:
Միջոցառման ավարտին Նարեկ Հարությունյանը «Նուբար» հայ ավանդական երգի-պարի խմբին՝ գեղ. ղեկավար Լուսինե Նազարյանի գլխավորությամբ, հանձնեց խորհրդանշական նվեր:
«Նարեկացի» արվեստի միությունը ունի ավանդույթ, ըստ որի, մշակույթում մեծ ավանդ ունեցող արվեստագետներին տալիս ենք «Հայ մշակույթի դեսպան» կոչումը: Այս կոչման համար մենք ունենք նաև խորհրդանշական նվեր՝ փոքրիկ խաչքար, որի վրա փորագրված է «Նարեկացի» արվեստի միության պատկերանշանը, այսինքն՝ հավատը և արվեստը մեկտեղված են»,- նշեց Նարեկ Հարությունյանը:
Վեհափառ Հայրապետի աջը համբուրելու համար Զավենիչի արդարացումները չեն ընդունվել. «Իրավունք»
Ալաշկերտի դպրոցի պահակը դպրոցից կատարել է եվրոպական արտադրության դռների գողություն
Եգիպտական ռազմական ինքնաթիռը Հայաստանի օդային տարածքն օգտագործել է Բաքու թռչելու համար
Մանկավարժականի ռեկտորը ազատ արձակվեց. որոշում․ «Ժողովուրդ»
Արագածոտնի մարզում փրկարարները մորն ու նրա 3 անչափահաս երեխաներին տեղափոխել են հիվանդանոց
Արամ Զավենիչի քայլն ընդունել են որպես քաղաքական թարս չափալախ ու թաղմանը չեն գնացել․ «Հրապարակ»
Փաշինյանի պլանները կաթողիկոսի մասով չեն հաջողվում. 57-ից 10-ը անբավարար են. «Ժողովուրդ»
Փաշինյանը Կաթողիկոսին հեռացնելու ժամկետ է դրել. «Իրավունք»
Միայն քպականների կյանքում պետք է «բան փոխվի», թոշակառուն ո՞վ է նրանց համար. «Փաստ»
Հրազդան գետում հայտնաբերել է երիտասարդ տղայի մարմին. այն դուրս բերելու համար ժամանել են փրկարարներ