Տիրանոֆոն. Caviar ընկերությունը ոսկեզօծ տարրերով նոր iPhone 13 Pro է ներկայացրել՝ դինոզավրի ներկառուցված ատամով (լուսանկար)

«Այֆոնների» թանկարժեք և արտասովոր տարբերակներ արտադրող Caviar ռուսական ընկերությունը, մի կողմ դնելով ոսկյա, պլատինե և թանկարժեք քարերով պատված, սմարթֆոնները, նոր մակարդակի է հասցրել եզակի հեռախոս ունենալու պահանջը:

Ինչպես ներկայացնում է Oddity Central-ը, խոսքն այս անգամ iPhone 13 Pro-ի մասին է, որը պատրաստվել է թեթե կոմպոզիտային նյութից՝ 24 կարատանոց ոսկեզօծ նախշերով: Սակայն սմարթֆոնի գլխավոր առանջնահատկությունը հետևի կորպուսին պատկերված տիրանոզավրի գլուխն է, որն իրականում դինոզավրի ներկառուցված ատամն է:

Խոսքը 80 միլիոն տարվա հնության ատամի մասին է: Եզակի «այֆոնը», որը ստացել է Տիրանոֆոն անվանումը, թողարկվելու է 7 օրինակով: 1տերաբայթ հիշողությամբ տարբերակը կարժենա 9 150 դոլար: