ՔՊ-ն Ամասիայում հրաժարվեց մանդատներից, բայց մյուս ուժերը կկարողանան ավագանի ձեւավորել ու համայնքապետ ընտրել
Շիրակի մարզի թիվ 30 տարածքային ընտրական հանձնաժողովի՝ այսօր կայացած նիստում որոշում է կայացվել ուժը կորցրած ճանաչել Ամասիա խոշորացված համայնքում դեկտեմբերի 5-ի ՏԻՄ ընտրություններին մասնակցած «Քաղաքակացիական պայմանագիր» կուսակցության ավագանու թեկնածուների գրանցումը: Այս մասին NEWS.am-ի հետ զրույցում հայտնեց ՏԸՀ նախագահ Արթուր Խաչատրյանը:
Ավելի վաղ հայտնի էր դարձել, որ «Քաղաքացիական պայմանագիր» կուսակցության ավագանու թեկնածուներն ինքնաբացարկի դիմում են ներկայացրել: Իշխող կուսակցության համայնքապետի թեկնածու, Արփի խոշորացված համայնքի ղեկավար Մերգել Ղուկասյանը NEWS.am-ի հետ զրույցում ինքնաբացարկ հայտնելու պատճառների մասին հրաժարվել էր խոսել:
Թիվ 30 ՏԸՀ նախագահը մեզ հետ զրույցում մանրամասնեց, որ ՏԻՄ ընտրություններում ձայների 38,27 %-ը ստացած «Ամասիա-Արփի» դաշինքը 6 մանդատ ունի, 3 մանդատ՝ 22.89% ձայն ստացած ՀՀԿ-ն, իսկ ամենաշատ՝ 38,84 % ձայն ստացած ՔՊ-ն պետք է ունենար 6 մանդատ:
«Այս պարագայում ավագանի կարող է ձեւավորվել: Օրենքն ասում է՝ եթե ընտրված ավագանիում կա քվորում՝ 50+1, օրենքի ուժով ավագանի է ձեւավորվում: Եթե անգամ մեկ ուժ առաջադրված լիներ, էլի խնդիր չէր լինի՝ ՏԻՄ ընտրությունները խորհրդարանական ընտրությունների պես չեն»,- նշեց Խաչատրյանը:
Հարցին, թե երբ է կայանալու ավագանու առաջին նիստն ու համայնքի ղեկավարի ընտրությունը, ՏԸՀ նախագահը նշեց. «Մանդատների բաշխումից հետո մենք համապատասխան որոշումներն ուղարկում ենք թե՛ մարզպետին, թե՛ ԿԸՀ: Պետք է արդեն մարզպետն ավագանու առաջին նիստի օրը նշանակի»:
Ընտրական օրենսգրքի 142-րդ հոդվածի 2-րդ կետի համաձայն՝ եթե ավագանու ընտրությունների արդյունքով որևէ կուսակցություն (կուսակցությունների դաշինք) չի ստանում ավագանու անդամների տեղերի 50 տոկոսից ավելին, ապա համայնքի ղեկավարն ընտրվում է բաց քվեարկության միջոցով: Ամասիայում հենց այսպիսի իրավիճակ է:
Ըստ օրենսդրական նույն կարգավորման՝ եթե առաջադրվել է մեկից ավելի թեկնածու, ապա համայնքի ղեկավար է ընտրվում այն թեկնածուն, որն ստանում է ավագանու անդամների ընդհանուր թվի ձայների մեծամասնությունը: Եթե առաջադրված թեկնածուներից որևէ մեկը չի ստանում ավագանու անդամների ընդհանուր թվի ձայների մեծամասնությունը, ապա առավելագույն ձայներ ստացած երկու թեկնածուների միջև անցկացվում է քվեարկության երկրորդ փուլ: Եթե հավասար ձայների պատճառով հնարավոր չէ պարզել առավելագույն ձայներ ստացած երկու թեկնածուներին, ապա երկրորդ փուլին մասնակցում են նաև հավասար ձայներ ստացած մյուս թեկնածուները: Երկրորդ փուլում համայնքի ղեկավար է ընտրվում առավելագույն ձայներ ստացած թեկնածուն: Ձայների հավասարության դեպքում անցկացվում է լրացուցիչ քվեարկություն` քվեաթերթիկում ընդգրկելով միայն հավասար ձայներ ստացած անձանց: Լրացուցիչ քվեարկության արդյունքով ձայների հավասարության դեպքում առավելությունը տրվում է տարիքով ավագին:
Անթույլատրելի է դատարկել սահմանամերձ գյուղերը՝ կեղծ կրթական նախագծերով. Ատոմ Մխիթարյան
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Առիթմիա․ որո՞նք են առաջին ախտանշանները, ինչի՞ն ուշադրություն դարձնել, ովքե՞ր են ռիսկի խմբում
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Նարեկ Կարապետյանի հետ կապված միայն կարող է լինել քաղաքական հետապնդում, պատվեր ու վրեժխնդրություն
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Աշխարհաքաղաքական խժդժությունների մետաստազները. ի՞նչ է փնտրում Հայաստանը ուժեղների բախման արանքում. «...
Ինչո՞ւ են իշխանությունները թիրախավորել դատավորին. «Փաստ»
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...