Մեծ Բրիտանիայի թագուհու անվտանգության ապահովման նպատակով արգելվելու են Վինձոր ամրոցի շուրջ թռիչքները

Մեծ Բրիտանիայի թագուհի Եղիսաբեթ 2-րդի  մշտական կեցության վայր հանդիսացող Վինձորյան ամրոցի շրջակայքում՝ մինչև 762  մետր հեռավորությամբ, սահմանվելու է ոչ թռիչքային գոտի՝ թագուհու անվտանգության ապահովման նպատակով։ Այս մասին հայտնում է The Sun-ը՝ նշելով, որ հունվարի 27-ին համապատասխան որոշում կընդունվի, որի համաձայն արգելվելու են նաև ամրոցի շուրջ թռիչքները ՝ 2․2 կիլոմետր շառավղով  ։

Նշենք, որ դեկտեմբերի 27-ին Վինձոր ամրոցի, որտեղ Եղիսաբեթ 2-րդ թագուհին դիմավորում էր Ամանորը,  տարածք էր ներթափանցել զինված տղամարդ։ Իրավապահ մարմինների աշխատակիցները հայտնել էին, որ տղամարդուն հաջողվել էր ներթափանցել ամրոցի տարածք , սակայն նա չէր կարողացել մուտք գործել այնտեղ տեղակայված որևէ  շենք։ Ավելի ուշ հայտնեցին, որ տղամարդն, ամենայն հավանականությամբ,  հոգեկան խանգարումներ ունի։

The Sun-ն էլ հայտնել էր, որ տղամարդը ցանկացել է վրեժ լուծել թագավորական ընտանիքից՝ Հնդկաստանում Լոնդոնի վարած  գաղաթուտիրիական քաղաքականության համար։