Ինչո՞ւ Փաշինյանը փոխեց մայրաքաղաքի ղեկավարին. փորձագետի կարծիք
Հայկ Մարությանին մայրաքաղաքի քաղաքապետի պաշտոնից հեռացնելու գործընթացը ինքնուրույն բնույթ էր կրում եւ շատ կարեւոր նշանակություն ուներ իշխանությունների համար, որոնք փորձում են վերահսկողության տակ առնել ռեսուրսները, այդ թվում՝ վարչական։ Այս մասին NEWS.am-ի թղթակցի հետ զրույցում ասաց քաղտեխնոլոգ Վիգեն Հակոբյանը։
Իշխանությունները, նրա խոսքով, հիանալի գիտակցում են, որ իրենց սպասվում են նոր ընտրական գործընթացներ, քանի որ հենց իրենք կարող են հանրաքվե նախաձեռնել՝ կապված Սահմանադրության մեջ փոփոխություններ կատարելու եւ կառավարման ձեւը փոխելու ցանկության հետ՝ վերադառնալով կիսանախագահական համակարգին։ «Եթե դա այդպես է, ապա ապագայում, ամենայն հավանականությամբ, Փաշինյանը կփորձի նախագահական ընտրություններ անցկացնել եւ առաջադրել իր թեկնածությունը։ Այս դեպքում շատ կարեւոր է մայրաքաղաքում վարչական ռեսուրսի օգտագործումը։ Անցած արտահերթ խորհրդարանական ընտրությունների ժամանակ իշխանությունները ամենաթույլ արդյունքը ցույց տվեցին մայրաքաղաքում, որն իրենց վերահսկողության տակ չէր գտնվում։ ՏԻՄ ընտրությունների արդյունքները ցույց են տալիս իշխանությունների վարկանիշի արագ եւ կտրուկ անկում, եւ իշխանություններին այլընտրանքի առկայության դեպքում ընտրազանգվածն ընտրում է հենց այս այլընտրանքը։ Ընտրություններում Մարությանն, ըստ էության, հրաժարվեց (եւ նա հայտարարեց այս մասին) վարչական ռեսուրսը իշխող ուժի օգտին օգտագործել, ինչը նյարդայնացրեց իշխանություններին։ Մարությանին աշխատանքից ազատելով՝ նրանք ցանկանում են իրենց ձեռքը հավաքել վարչական ռեսուրսը, քանի որ կյանքը ցույց է տվել, որ միայն օլիգարխների եւ տեղական իշխանությունների ռեսուրսները բավարար չեն, որպեսզի իշխանություններն իրենց կողմը գրավեն Երեւանի ավելի իրազեկ բնակչությանը»,- ընդգծեց Հակոբյանը։
Փորձագետը համոզմունք հայտնեց, որ ժամանակն աշխատում է «Քաղաքացիական պայմանագիր» կուսակցության դեմ, իսկ Փաշինյանի վարկանիշն էլ ավելի է ընկել վերջին արտահերթ ընտրություններից հետո։ «Ինչ վերաբերում է Երեւանի նոր քաղաքապետի թեկնածությանը, ապա դա Փաշինյանի համար ոչ սկզբունքային էր, ավելի կարեւոր էր Մարությանին հեռացնելը։ Չեմ կարծում, որ այս դեպքում նա շեշտը դնում է քաղաքապետի անձի վրա, ավելի կարեւոր է կարողանալ նրա շուրջ լուրջ ուժեր կենտրոնացնել, գործող միավոր ստեղծել եւ գոնե ինչ-որ կերպ վերահսկողության տակ առնել մայրաքաղաքը։ Փաշինյանը հասկանում է, որ հաջորդ տարվա հունիսին խորհրդարանը կարող է բարձրացնել արդեն վարչապետի վստահության հարցը, հատկապես, եթե արտաքին քամիները այլ կողմ փչեն։ Ուստի նա որոշակի կախվածության մեջ է, ինչպես ասում են, «ուսապարկերից» եւ ցանկանում է նվազեցնել դրա աստիճանը։ Բացի այդ, կիսանախագահական համակարգի դեպքում նա կազատվի տնտեսական հարցերում պատասխանատվությունից եւ այն կդնի վարչապետի ուսերին։ Սա նույնպես քիչ կարեւոր է՝ հաշվի առնելով տնտեսության անկումը»,- ասաց նա։
Մոսկվայում մայիսի 9-ին կայանալիք Հաղթանակի շքերթը կանցկացվի առանց ռազմական տեխնիկայի շարասյան
Ադրբեջանական կողմից նախապատրաստվել և առաջ են մղվում անհիմն ու արհեստական թեզեր․ փորձագետ
Սամվել Ալեքսանյանը 350 հազար կիլոգրամ գոմեշի միս է ներկրելու Հնդկաստանից․ Կառավարությունից աջակցությ...
Մեքսիկայում ձերբակալել են թմրաբարոնի, որին բռնելու համար ԱՄՆ-ն 5 միլիոն դոլար էր խոստացել
Թափանցիկության բացակայություն՝ ադրբեջանական պատվիրակության այցի շուրջ. «Ժողովուրդ»
Որպես Փաշինյանին օգնություն Ալիևն ուզում է մինչև ընտրություն գերիների մի մասին վերադարձնել. Hraparak
Արցախցի գործարարը, որին հյուրընկալվեց Փաշինյանը, առնչվում է փողերի լվացման գործին. «Ժողովուրդ»
Եկեղեցում երիտասարդին հարվածած Փաշինյանի թիկնապահին արգելել են հանրային վայրերում երևալ. «Ժողովուրդ»
ՊԵԿ-ը բացահայտել է խոշոր չափերի` կանխիկ 72,6 մլն ռուսական ռուբլու ներկրման դեպքեր
Երևանում՝ Ռուսաց լեզվի օրերի շրջանակներում անցկացվեց թատերական փառատոն