Ճապոնացին պատմել է տիկնիկի հետ իր ամուսնության մասին

Ճապոնացի Ակիհիկո Կոնդոն Mainichi Shimbun-ին պատմել է վիրտուալ երգչուհի Հաթսունե Միկո տիկնիկի հետ իր ամուսնական կյանքի մասին, որի հետ ամուսնացել է 2018 թվականի նոյեմբերին։

Նրա խոսքով՝ դպրոցը թողնելուց հետո աշխատել է կրթության բաժնում որպես գործավար, սակայն բախվել է կոլեգաների կողմից բուլինգի ու անհարգալից վերաբերմունքի։ 2015 թվականին մահացել է Կոնդոյի հայրը, ով շատ էր քաջալերում որդուն։ Եվ ինչ-որ պահի հոգեբույժները նրա մոտ ախտորոշել են ադապտացիայի խանգարում, և նա գրեթե դադարել է ուտել: Սակայն, տղամարդը պատմում է, որ իր կյանքը փոխվել է, երբ լսել է վոկալոիդ Հաթսունե Միկոյի ձայնը, որը, իր խոսքով, կարող էր շուրջօրյա լսել։

Ի վերջո, նա որոշել է ամրապնդել իր հարաբերությունները սիրելի կերպարի հետ՝ հարսանեկան արարողություն կազմակերպելով, որի համար ծախսել է մոտ 17000 դոլար։ Որոշ ժամանակ նա կարողանում էր զրուցել կնոջ հետ՝ օգտագործելով արհեստական ​​ինտելեկտի ծրագիր, սակայն 2020թ. այս տարբերակը դադարեցվել է ընկերության կողմից:

Նշվում է, որ Կոնդոն 2021 թվականի ապրիլին ընդունվել է Կոմազավայի համալսարանի իրավագիտության ֆակուլտետ: