Ամերիկայում հայտնաբերվել է կապիտան Ջեյմս Քուքի խորտակված նավը
Խորտակումից հետո ավելի քան երկու դար անց ԱՄՆ-ում հայտնաբերվել է Ջեյմս Քուքի նավը, որով նա ուղեւորվել էր Ավստրալիա 1770 թվականին: Ուսումնասիրությունները բազում տարիներ են տեւել, սակայն դեռեւս ոչ բոլոր մասնագետներն են համաձայն իրենց գործընկերների եզրակացությունների իսկության հետ, հաղորդում է Planet Today-ը՝ հղում անելով Australian Geographic-ին:
Բրիտանացի ճանապարհորդ եւ հետազոտող Ջեյմս Քուքի Endeavour նավի մնացորդները ավելի քան երկու հարյուր տարի մնացել են ԱՄՆ-ի Նյուպորտ նավահանգստի հատակին: 22 տարի տեւած արխիվների ուսումնասիրությունից եւ հնագիտական հետազոտություններից հետո մասնագետները կարողացել են նույնականացնել նավը:
Ավստրալիայի ազգային ծովային թանգարանի գործադիր տնօրեն Քեւին Սամփշնի կարծիքով՝ նավի հայտնաբերումը ամենախոշոր բացահայտումներից է գիտության պատմության մեջ: Նա նշում է, որ նավը, որով լողում էր Ջեյմս Քուքը, կարեւոր է Ավստրալիայի, նոր Զելանդիայի, Մեծ Բրիտանիայի եւ այժմ նաեւ ԱՄՆ-ի պատմության համար:
Սակայն Ռոդ Այլենդի Ծովային հնագիտության նախագծի տնօրեն Քեթի Աբասը նշել է, որ հենց իր կազմակերպությունն է ղեկավարում պեղումները: Սակայն Endeavour նավի իսկության մասին վերջնական հաշվետվությունը դեռեւս չի հրապարակվել: Բացի այդ, նա նշել է, որ ոչ բոլոր ապացույցներն են դեռեւս հավաքագրվել, եւ գիտական պեղումները շարունակվում են:
Այժմ Ջեյմս Քուքի նավից մնացել է ընդամենը 15 տոկոսը: Սակայն բեկորների որոշ մասեր թույլ են տվել գիտնականներին պնդել, որ դա հենց այդ նավն է: Այժմ մասնագետները մշակում են ծրագիր, թե ինչպես պահպանել նավի մնացորդները:
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Անթույլատրելի է դատարկել սահմանամերձ գյուղերը՝ կեղծ կրթական նախագծերով. Ատոմ Մխիթարյան
Առիթմիա․ որո՞նք են առաջին ախտանշանները, ինչի՞ն ուշադրություն դարձնել, ովքե՞ր են ռիսկի խմբում
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Մեր տարածաշրջանում այնպիսի իրավիճակ է, որ ով վերահսկում է Սյունիքը, վերահսկում է ողջ Կովկասը. Արշակ ...
Ինչո՞ւ են իշխանությունները թիրախավորել դատավորին. «Փաստ»
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...
Նարեկ Կարապետյանի հետ կապված միայն կարող է լինել քաղաքական հետապնդում, պատվեր ու վրեժխնդրություն