ՀՀ-ում Իրանի դեսպան. Կարեւոր տարածաշրջանային խնդիրների շուրջ միասնական մոտեցումների անհրաժեշտություն կա
Վերջին տարիներին իրադարձությունների զարգացումը վկայում է տարածաշրջանային կարեւոր, ինչպես նաեւ երկկողմ հարաբերությունների հարցերի շուրջ խորհրդակցությունների եւ մոտեցումների միասնականության արդյունավետության եւ անհրաժեշտության մասին։ Այս մասին փետրվարի 9-ին «Հայաստան-Իրան. պատմական անցյալը եւ ներկան» թեմայով միջազգային համաժողովին հայտարարեց Հայաստանում Իրանի արտակարգ եւ լիազոր դեսպան Աբբաս Բադախշան Զոհուրին։
Քաղաքական սերտ հարաբերությունների պահպանման համար, նրա խոսքով, անհրաժեշտ է շարունակել բարձր մակարդակի շփումները։ Նա հավելեց, որ այս առումով մեկնարկած ռազմավարական երկխոսությունը, որի շուրջ արդեն պայմանավորվածություն է ձեռք բերվել, արդյունավետ եւ օգտակար կլինի։ «Սյունիքի մարզում գլխավոր հյուպատոսության բացումը, որի շուրջ աշխատանքներն ավարտական փուլում են, վկայում է Հայաստանի հետ հարաբերությունները տարբեր ուղղություններով խորացնելու շահագրգռվածության մասին»,- ընդգծեց դեսպանը։
Նա վստահություն հայտնեց, որ 2018 թվականին Իրանի եւ ԵԱՏՄ-ի միջեւ կնքված համաձայնագիրը դրական ազդեցություն ունեցավ երկու երկրների միջեւ ապրանքաշրջանառության աճի վրա։ «Հայաստանի եւ Իրանի պաշտոնյաները 1 միլիարդ դոլարի առեւտուրն իրատեսական թիրախ են համարում։ Անցյալ տարի ապրանքաշրջանառության լուրջ աճ է գրանցվել, ինչը կրկին վկայում է վերոնշյալ նպատակին հասնելու եւ Հայաստանի արտաքին առեւտրաշրջանառության մեջ Իրանի մասնաբաժինը 10 տոկոսի հասցնելու իրագործելիության մասին»,- պարզաբանեց Զոհուրին։
Էներգետիկայի եւ տրանսպորտի ոլորտներում համագործակցությունը, ըստ նրա, ամուր հիմքեր է ստեղծում ոչ միայն տնտեսական կապերի ընդլայնման, այլ նաեւ տարածաշրջանում անվտանգության եւ կայունության պահպանման համար, ինչին պետք է լուրջ ուշադրություն հատկացնել:
Դիվանագետը կարեւորեց Պարսից ծոցը եւ Սեւ ծովը կապող ճանապարհի շուտափույթ գործարկումը՝ պարզաբանելով, որ Հայաստանով անցնող «Հյուսիս-Հարավ» ճանապարհը կարող է կարեւոր օղակ դառնալ այս կարեւոր ռազմավարական հաղորդակցության մեջ։ «Ռազմավարական այս նպատակի իրագործումը ջանքեր եւ վճռականություն է պահանջում, որոնք ցուցաբերում են կողմերը։ Հայաստանի տարածքով «Հյուսիս-Հարավ» տրանսպորտային նախագծի իրականացման արագացումն ընդհանուր նպատակ է դարձել տրանսպորտային ուղիների կայուն շահագործման մեջ՝ Հայաստանի եւ Իրանի շահերից ելնելով։ Հույս ունենք ամրապնդել Հայաստանի դերն այդ տարանցիկ օղակում»,- ընդգծել է դեսպանը։
Նա հայտարարեց, որ սուբյեկտիվ խոչընդոտները, որոնք խանգարում են գիտնականների եւ երկու երկրների մտավորականության միջեւ հաղորդակցությանը, պետք է հաղթահարվեն:
«Ցամաքային եւ օդային սահմանները պետք է ավելի ակտիվ լինեն եւ ազատականացվեն։ Երկու երկրների քաղաքացիները պետք է ավելի ակտիվ շփվեն միմյանց հետ։ Հայաստանի եւ Իրանի ժողովուրդներն ապրել եւ ապրելու են կողք կողքի»,- եզրափակեց Աբբաս Զոհուրին։
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Անթույլատրելի է դատարկել սահմանամերձ գյուղերը՝ կեղծ կրթական նախագծերով. Ատոմ Մխիթարյան
Առիթմիա․ որո՞նք են առաջին ախտանշանները, ինչի՞ն ուշադրություն դարձնել, ովքե՞ր են ռիսկի խմբում
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Մեր տարածաշրջանում այնպիսի իրավիճակ է, որ ով վերահսկում է Սյունիքը, վերահսկում է ողջ Կովկասը. Արշակ ...
Ինչո՞ւ են իշխանությունները թիրախավորել դատավորին. «Փաստ»
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...
Նարեկ Կարապետյանի հետ կապված միայն կարող է լինել քաղաքական հետապնդում, պատվեր ու վրեժխնդրություն