Haaretz. Ուկրաինայի շուրջ իրավիճակը կարող է սրել լարվածությունը Մոսկվայի եւ Անկարայի հարաբերություններում
«Ռուսաստանի կողմից Ուկրաինա ներխուժման սպառնալիքը կարող է սրել լարվածությունը Մոսկվայի եւ Անկարայի միջեւ՝ հատկապես հաշվի առնելով, որ Թուրքիայի նախագահ Ռեջեփ Թայիփ Էրդողանը տնտեսական եւ անձնական շահեր ունի Ուկրաինայում»,- գրում է վերլուծաբան Ցվի Բարելը իսրայելական Haaretz թերթում:
«Հաշվի առնելով Ուկրաինայի նկատմամբ Էրդողանի տնտեսական եւ անձնական շահերի եւ Ռուսաստանի ռազմավարական շահերի սարդոստայնը՝ այն շուտով կարող է ճակատագրական որոշում կայացնել: Եթե Ռուսաստանը որոշի ներխուժել իր հարեւանի մոտ, արդյո՞ք Թուրքիան կանցնի Արեւմուտքի կողմը, թե՞ չեզոքություն կպահպանի, ինչը նրան թանկ կարժենա ֆինանսական առումով։
Թուրքիան սերտ կապեր ունի ինչպես Ռուսաստանի, այնպես էլ Ուկրաինայի հետ։ 2019 թվականին Թուրքիան «Ս-400» զենիթահրթիռային համակարգեր ստացավ Ռուսաստանից, ինչը հանգեցրեց ԱՄՆ-ի պատժամիջոցների սահմանմանը։ Թուրքիան եւ Ռուսաստանը սերտ տնտեսական համագործակցություն ունեն, հատկապես՝ էներգետիկ ոլորտում։
Ուկրաինան եւ Թուրքիան վերջին մի քանի տարիների ընթացքում բարելավել են իրենց հարաբերություններն առեւտրի, ներդրումների եւ ռազմական համագործակցության հաշվին: Թուրքիան Bayraktar TB2 անօդաչու սարքեր վաճառեց Ուկրաինային՝ արժանանալով Մոսկվայի սուր քննադատությանը։ Թուրքիան նաեւ միլիոնավոր դոլարների մեծ ներդրումային պորտֆել ունի Ուկրաինայում:
Թուրքիան արագ առաջարկեց միջնորդի դեր խաղալ Մոսկվայի եւ Կիեւի միջեւ։ Հունվարին Էրդողանը կրկնեց միջնորդության իր կոչը եւ Ռուսաստանի ու Ուկրաինայի առաջնորդներին հրավիրեց Թուրքիա։ Կրեմլը հայտարարեց, որ ՌԴ նախագահը կայցելի Թուրքիա Էրդողանի հրավերով, սակայն օրը դեռ նշանակված չէ:
Թուրքիան 2014 թվականին դեմ հանդես եկավ Ռուսաստանին Ղրիմի բռնակցմանը, սակայն չաջակցեց Մոսկվայի դեմ արեւմտյան պատժամիջոցներին։ Անկարան նույն կերպ պնդում է, որ Ռուսաստանի դեմ պատժամիջոցները դեռեւս չեն լուծում ներկայիս լարվածությունը: Միացյալ Նահանգները եւ Եվրամիության երկրները սպառնացին Մոսկվային «զանգվածային» տնտեսական պատժամիջոցներով, եթե այն շարունակի հարձակվել Ուկրաինայի վրա։
Ուկրաինա ներխուժելու ռուսական սպառնալիքն այժմ Մոսկվայի եւ Անկարայի միջեւ դիմակայության եւս մեկ հնարավոր ճակատ է ստեղծում , քանի որ երկու երկրները գրեթե ավարտել են Ռուսաստանից Թուրքիա երկու գազատարի շինարարությունը:
Այս երկու խողովակաշարերն էլ այժմ գտնվում են ԱՄՆ պատժամիջոցների սպառնալիքի տակ։ Եթե այդ պատժամիջոցներն ուժի մեջ մտնեն, ապա լուրջ տուգանքներ կկիրառվեն ընկերությունների եւ ներդրողների նկատմամբ, որոնք ներգրավված են խողովակաշարերի մշակման մեջ, ինչպես նաեւ՝ այն ընկերությունների, որոնք ծառայություններ են մատուցում այդ նախագծերի կապալառուներին:
Էրդողանը կրկին բարդ խաչմերուկում է հայտնվել»,- գրում է թերթը։
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Անթույլատրելի է դատարկել սահմանամերձ գյուղերը՝ կեղծ կրթական նախագծերով. Ատոմ Մխիթարյան
Առիթմիա․ որո՞նք են առաջին ախտանշանները, ինչի՞ն ուշադրություն դարձնել, ովքե՞ր են ռիսկի խմբում
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Մեր տարածաշրջանում այնպիսի իրավիճակ է, որ ով վերահսկում է Սյունիքը, վերահսկում է ողջ Կովկասը. Արշակ ...
Ինչո՞ւ են իշխանությունները թիրախավորել դատավորին. «Փաստ»
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...