Կինն ահռելի գումար է ծախսել իր կատուների նորաձեւ հագուստի վրա (լուսանկարներ)
Սլովենիայի մի բնակչուհի իր երկու կատուների համար երեք հազար եվրոյով գնել է 350 հատ նորաձև հագուստ և աքսեսուար։ Այս մասին հայտնում է Daily Mirror-ը։
34-ամյա Անդրեյա Վրշչայը մի քանի տարի է ծախսել իր ընտանի կենդանիների՝ Լիլիի և Կալիի համար զգեստներից, բաճկոններից և այլ ժամանակակից դիզայներական հագուստներից զգեստապահարան ստեղծելու համար: Ընդհանուր առմամբ, նա կատուների համար գնել է 150 հագուստ և 200 ժապավենակապ: Կինը նախընտրում է վարդագույն իրեր, քանի որ կարծում է, որ դրանք հիանալի կերպով ընդգծում են իր ընտանի կենդանիների մորթի սպիտակությունը։
Վրշչայը տարված է իր պարսկական կատուների բարեկեցությամբ. նա ամեն օր լողացնում է նրանց, լվանում է ատամները և թաշկինակներ կապում նրանց վրա, որպեսզի չկեղտոտվեն ուտելու ժամանակ։ Բացի այդ, կատուները կարող են շրջել տանը, որտեղ ցանկանում են, և ցանկացած վայրում քնել: «Նրանք իմ փոքրիկ արքայադուստրերն են, և ես նրանց վերաբերվում եմ որպես թագավորական ընտանիքի», - բացատրել է կինը:
Նա հավելել է, որ ամեն անգամ գնումների գնալիս միշտ ինչ-որ բան է գնում նաև կատուների համար։ Բացի այդ, նա նրանց համար իրեր է պատվիրում ամբողջ աշխարհից։
Վրշչայն ասել է, որ առաջինը որդեգրել է Լիլիին, որն այդ ժամանակ շատ հիվանդ էր։ «Նրա աչքն այնքան էր ուռել, որ չէր կարողանում բացել և միայն մի քանի ամսից ապաքինվեց»,- պատմել է կինը։
Կալին հայտնվել է տանը, որպեսզի Լիլին չձանձրանա, և թեև սկզբում կատուներն այնքան էլ լավ չէին փոխհարաբերվում, նրանք ի վերջո ընկերացան: «Ես ուզում եմ նրանց տալ այն կյանքը, որը նրանք երբեք չեն ունեցել, և այդ ընթացքում փայփայել նրանց գեղեցիկ բաներով», - եզրափակել է կինը:





















Իդրամով արդեն կարելի է վճարել Glovo-ում. սպասված համագործակցությունն իրականություն է
Մենք նոր արմատներ ենք գցելու այն հողում, որից փորձելու են մեզ արմատախիլ անել․ Գոհար Մելոյան
Նրանք հնարավորություն չունեն պայքարելու մեր տարածքների համար․ Սամվել Կարապետյան
74 էջանոց «գլուխգործոց» կամ մարդամեկի կյանքի գլխավոր մատնագիրը. Հրայր Կամենդատյան
Ինքնիշխանությունը միայն բառ չէ, միայն զգացմունք չէ․ Մհեր Ավետիսյան
Ջերմաստիճանը կնվազի՞. ի՞նչ եղանակ է սպասվում՝ սեպտեմբերի 24-ից 28-ը
Փաշինյանն անհավասարակշիռ դիվանագիտություն վարող գործիչ է, որը պատերազմ է բերում. Սամվել Կարապետյան
Քանի դեռ Փաշինյանը ծրագրում է հանձնել Տիգրանաշենը, մենք կհոգանք զարգացման մասին. Աբրահամյան
Որոշ ընդդիմադիրներ սև գործ արեցին, օգնեցին Փաշինյանին մնալ, նրանց հետ համախմբում չի լինելու
Լոռի Բերդ խոշորացված համայնքի ղեկավար Արայիկ Ներսիսյանի անցած ճանապարհը