Թուրքիայում երկրաշարժից հետո աճել է թութակների պահանջարկը

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Թուրքիայում ավերիչ երկրաշարժերից հետո թութակների նկատմամբ հետաքրքրությունն աճել է։ Այս թռչունների վաճառքն աճել է այն պատճառով, որ նրանք նախօրոք ցնցումներ են զգում, գրում է Yeni Akit թերթը։

Քաղաքացիների ակտիվ հոսք դեպի կենդանիների խանութներ նկատվում է, մասնավորապես, Էլյազիգ նահանգում։ Թութակների վաճառքով զբաղվող Ֆաթիհ Գուրբուզը պատմել է, որ երկրաշարժերից հետո խոսող թռչունների վաճառքը աճել է շուրջ 10 անգամ։ «Քաղաքացիները հետաքրքրություն են ցուցաբերում, քանի որ ասում են, որ թռչունները ցնցումներ են զգում»,-ասել է նա։

Նաև թուրք ընտանիքները թութակներ են գնում, որպեսզի հաղթահարեն երկրաշարժի ժամանակ առաջացած վախը։

Հիշեցնենք, որ փետրվարի 6-ին Թուրքիայի Ղահրամանմարաշ նահանգում 7,7 և 7,6 մագնիտուդ ուժգնությամբ երկրաշարժեր են տեղի ունեցել, որոնց հետևանքով զոհերի թիվը գերազանցում է 50 հազարը։