Ղրղզստանի և Չինաստանի սահմանին մի քանի երկրաշարժ է գրանցվել

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Ղրղզստանի և Չինաստանի սահմանին մինչև 5,2 մագնիտուդով մի քանի երկրաշարժ է տեղի ունեցել. հայտնում է Ղրղզստանի սեյսմոլոգիայի ինստիտուտը։

Ինստիտուտի տվյալներով՝ 4,3 մագնիտուդով առաջին երկրաշարժը տեղի է ունեցել նախորդ առավոտյան։ Երկրորդը՝ 5,2 մագնիտուդով։ Երրորդը՝ 4,2 մագնիտուդով, երկուշաբթի առավոտյան էր։

Ստորգետնյա ցնցումների էպիկենտրոնը գտնվել է Չինաստանում՝ հունվարի 23-ին 7 մագնիտուդ ուժգնությամբ հզոր երկրաշարժի վայրի մոտ, սակայն երկրակեղևի տատանումներ են զգացվել նաև Ղրղզստանի տարածքում։ Էպիկենտրոնին ամենամոտ Ղրղզստանի Յշտիկ և Բեդել բնակավայրերում ստորգետնյա ցնցումների ուժգնությունը տատանվել է 2,5-ից 3 բալ:

Ղրղզստանի սեյսմոլոգիայի ինստիտուտի տվյալներով՝ հունվարի 23-ի գիշերը ժամը 00.09-ին Չինաստանում Ղրղզստանի սահմանի մոտ՝ Բիշքեկից 339 կիլոմետր հեռավորության վրա, տեղի է ունեցել 7 մագնիտուդով երկրաշարժ։ Առաջին ամենաուժեղ ցնցումից հետո մոտ տասը հետցնցումներ են եղել 3-ից 6 մագնիտուդով, իսկ հաջորդ օրերին այս տարածքում գրանցվել են մոտ 40 և ավելի երկրաշարժեր՝ մինչև 5,9 մագնիտուդով:

Հանրապետության արտակարգ իրավիճակների նախարարության փոխանցմամբ՝ Ղրղզստանի տարածքում տեղի ունեցած ցնցումների հետևանքով զոհեր և վիրավորներ չկան։