Ինչո՞ւ կալանավորեցին ՀՅԴ-ական Գագիկ Սարգսյանին․ հետաքրքիր մանրամասներ
Օրեր առաջ ԱԱԾ-ն, ապա և քննչական կոմիտեն մեծ աղմուկով հայտարարեցին, որ ՔՊ-ական պատգամավոր Գագիկ Մելքոնյանի տան մոտ տեղի ունեցած ահաբեկչության փորձի, Գուրգեն Արսենյանի, ինչպես նաև ՔՊ գրասենյակների մոտ հայտնաբերված ռումբերի դեպքերով կասկածյալներ են հայտնաբերվել և ձերբակալվել։
Այս քրեական գործով հայտնվել էր չորս անձի, այդ թվում՝ ՀՅԴ անդամ Գագիկ Սարգսյանի, ձերբակալման մասին։
Գագիկ Սարգսյանն ավելի ուշ կալանավորվեց մեկ ամսով։ Վերջինիս փաստաբանը տեղեկացրեց, որ նա իրեն առաջադրված մեղադրանքը չի ընդունում։
Մեկ-երկու օր լրահոսի թոփում մնալուց հետո, թեման կարծես մարեց։ Անհասկանալի լռություն է անգամ կուսակիցների շրջանում։ Այնինչ այս անձի հետ կապված, կուլիսներում բավական հետաքրքիր թեմաներ են շրջանառվում։
Գագիկ Սարգսյանը ՀՅԴ հնաբնակներից է, բայց հանրությանը համեմատաբար քիչ ծանոթ։ Հանրային կյանքում՝ «պասիվ», բայց երկրի համար զգալի ներդրում ունեցած դաշնակցականին աղմուկով կալանավորելը բազմաթիվ հարցերի տեղիք է տալիս:
Նախ փորձենք հասկանալ ով է Գագիկ Սարգսյանը և ինչով է աչքի ընկել վերջին շրջանում։ Կուսակցությունում հեղինակություն վայելող այս գործիչը մշտապես զբաղվել է հայ-իրանական հարաբերություններով, բավական սերտ կապեր ուներ մեր հարավային հարևան երկրում ու լուրջ աշխատանքներ էր տանում։ Բացի այդ, նա մշտապես բարձրաձայնում էր Ադրբեջանի ազգային փոքրամասնությունների հիմնախնդիրները։ Վերջին շրջանում հատկապես ակտիվ էր սոցիալական ցանցերում՝ ադրբեջանական քարոզչությանը հակազդելու գործում։ Տարբեր քարտեզներ հրապարակելով՝ փաստերով հերքում էր ադրբեջանական պետական քարոզչության ստերը՝ Ալիևի վարչակազմի «Արևմտյան Ադրբեջան» եզրույթին հակադարձելով «Արևելյան Հայաստան» տերմինով։
Ի տարբերություն սոցիալական ցանցերի հայկական դաշտի՝ Գագիկ Սարգսյանն ադրբեջանական հատվածում առավել հայտնի էր և մշտապես նյարդայնացնում էր ալիևյան քարոզիչներին։ Նրան Ադրբեջանում դիտում են որպես ռևանշիզմ քարոզող։ Եվ այստեղ է, որ հարց է առաջանում՝ գուցե նրա կալանավորումը հենց ադրբեջանական կողմի պահանջ էր։ Գագիկ Սարգսյանն ու նրա հայացքները կիսող բոլոր անձինք նաև սեփական երկրում «խաղաղության խաչմերուկ» ստեղծողների համար անցանկալի են։ Ուստի չի բացառվում որ մեր «ռևանշիստ» հայրենակցի մեկուսացումը կարող է թելադրված լինել մերձակա արևելքից։
Հայկ Մանուկյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
Երբ ջնջվում է... ոգին. «Փաստ»
Փաշինյանն ի զորու չէ ոչնչացնելու եկեղեցին և մեր հավատն առ Աստված. Ավետիք Չալաբյան
18 արդարների գործով հաջորդ դատական նիստը տեղի կունենա հոկտեմբերի 15-ին