Արա Աբրահամյանը հանդիպել է գործարար շրջանակների ներկայացուցիչների հետ
Ռուսաստանի հայերի միության նախագահ Արա Աբրահամյանը մարտի 19-ին հանդիպել է Մոսկվայի և ՌԴ այլ տարածաշրջանների գործարար շրջանակների ներկայացուցիչների հետ: Հանդիպման ընթացքում քննարկվել են Հայաստանում ընթացող գործընթացների, հայկական պետականության, Հայաստանի քաղաքացիների և Սփյուռքի վրա դրանց երկարաժամկետ հետևանքների հետ կապված հարցեր: Արա Աբրահամյանը ներկաներին ծանոթացրել է իր կողմից հիմնած «Արարատյան ալյանս» ինստիտուտի գործունեությանը, միջազգային կազմակերպությունների հետ համագործակցությամբ Հայաստանի զարգացման նպատակով մշակված ճանապարհային քարտեզին և ինստիտուտի այլ ծրագրերին:
«Հայաստանի իշխանությունների վարած քաղաքականությունը վտանգում է պետականության հիմքերը, տանում է ավանդական արժեքների և ազգային հենասյուների լղոզման, բարդացնում է հայ-ռուսական հարաբերությունները, ինչը բացասաբար է անդրադառնում յուրաքանչյուր հայի վրա՝ հասարակ աշխատողից մինչև խոշոր բիզնեսի սեփականատեր»,- ասել է Աբրահամյանը:
Նրա խոսքով՝ կատարվածի համար ժողովրդին մեղադրելը սխալ է: «Տեղի ունեցածի համար պատասխանատվությունն ընկնում է իշխանությունների և համախմբման անընդունակ էլիտաների վրա: Այս ամենը կարող է միայն էլիտան, եթե իմաստնություն ունենամի կողմ դնել անձնական ամբիցիաները և միավորվի»,- ասել է Արա Աբրահամյանը:
Աբրահամյանը ցավով նշել է, որ երկրի համար դժվարին իրավիճակում իշխանությունը ոչ մի անգամ չի դիմել Սփյուռքի լայն կապեր և հնարավորություններ ունեցող ներկայացուցիչների օգնությանը, որպեսզի կանգնեցնի հայության համար բացասական զարգացումները: Նրա խոսքով՝ երբ Ալիևը մշտապես բացահայտ սպառնում է Հայաստանին, նրա վարչապետը պարտավոր է ամրապնդել իր երկրի պաշտպանունակությունը, այլ ոչ թե կրկնել այդ սպառնալիքներն իր բնակչությանը և վախեցնել, իբր, եթե Արցախից հետո չհանձնենք մեր հողերը՝ կհարձակվեն մեր վրա:
Հանդիպման ընթացքում տեղի է ունեցել մտքերի կառուցողական քննարկում և պայմանավորվածություն է ձեռք բերվել պարբերաբար հանդիպումներ ունենալ՝ սույն թվականի մայիսին Երևանում «Արարատյան ալյանսի» կայանալիք համաժողովին ընդառաջ:
«Համահայկական ճակատ» շարժման անդամ Աննա Ղուկասյանի գրառումը Գնդապետ Արտակ Ղազարյանի մասին
Մեր երկրի պատմությունը շատ դաժան է եղել, բայց շնորհիվ մեր ամուր գենետիկ կոդի` մենք ունենալու ենք լավ...
Վարկային և քրեական համաներում՝ հանուն սոցիալական արդարության․ Հրայր Կամենդատյան
Եղել են նաև երեխաների մահվան դեպքեր. ի՞նչ գործնական, կիրառական նշանակություն կարող է ունենալ ատենախո...
Կուրթան. խնդիրներից դեպի լուծումներ․ Նարեկ Կարապետյան
Անթույլատրելի է դատարկել սահմանամերձ գյուղերը՝ կեղծ կրթական նախագծերով. Ատոմ Մխիթարյան
Կոտրելով «ընտրական սինդրոմը». երբ քաղաքացուն չեն մոռանում քվեարկությունից հետո. «Փաստ»
Գաղափարը չի կարելի մոռանալ, իսկ հավատը՝ կոտրել. Ցոլակ Ակոպյան
Ընկերությունները կապարակնքելը վատ պրակտիկա է. Հրայր Կամենդատյան
Ռուսաստանուոմ երկարացրել են պերովսկիտային արևային վահանակի կյանքի տևողությունը. 1800 ժամ աշխատանք և ...