«Պատկերացրեք միայն, թե ինչ կլինի Հայաստանի հետ, եթե այստեղ բախվեն Իրանը, Թուրքիան, Ադրբեջանն ու Ռուսաստանը». Արշակ Կարապետյան
![](/timthumb.php?src=/disc/14-07-24/faaa5797682f77da2bacb3394d46268f.jpg&w=450)
Օրերս «Համահայկական ճակատ» շարժման ղեկավար, պաշտպանության նախկին նախարար, գեներալ-մայոր Արշակ Կարապետյանը լիբանանյան հեղինակավոր «Ալ-Ահեդ» թերթի հետ զրույցում անդրադարձել է տարածաշրջանային հարցերին և Արցախյան հիմնահարցին: Արշակ Կարապետյանը կարծում է, որ մեր տարածաշրջանում բոլոր կոնֆլիկտները փոխկապակցված են: Իսկ Լեռնային Ղարաբաղի կոնֆլիկտը համարում է արհեստականորեն ստեղծված: «Այս կոնֆլիկտի նպատակներից մեկը ոչ միայն այս հողակտորն օկուպացնելն է, այլ ժողովրդին վերահսկելը, նրա հարստությունը, արժեքները և մշակույթը ոչնչացնելը: Սրա հիմնական պատճառը սեփական գոյությունն արդարացնելն է: Խոսքս Ադրբեջանի մասին է, չէ՞ որ մինչև 1918 թ.-ը նման պետություն գոյություն չի ունեցել»,-ասում է նա:
Անդրադառնում է Լեռնային Ղարաբաղի հակամարտությանը: Նշում՝ այն ունի պատմական խորը արմատներ և իրենից ներկայացնում է գաղափարախոսությունների և կրոնների առճակատում: «Արցախյան հողը ուղղակի հողակտոր չէ, որը Հայաստանի կառավարությունը հանձնեց և որին դավաճանեց: Հայաստանը ոչինչ չարեց Լեռնային Ղարաբաղի անկախությունը ճանաչելու համար: Վարչապետ Նիկոլ Փաշինյանը հանձնեց այն` հայտարարարելով, որ այդ հարցն իրեն չի վերաբերում: Մեկ տարի առաջ ստորագրվեցին ԼՂ-ի նկատմամբ Ադրբեջանի ինքնիշխանությունը ճանաչող փաստաթղթեր, իսկ 1994 թ.-ի մայիսի 8-ին ադրբեջանցիները ստորագրեցին զինադադարի պայմանագիր։ Այդ համաձայնության մեջ նշված է, որ մեկ տարվա ընթացքում պետք է սկսել բանակցություններ և ստորագրել խաղաղության պայմանագիր: Ավելի քան երեսուն տարի նրանք չէին ճանաչում Լեռնային Ղարաբաղը և սկսեցին ուժ կուտակել, որպեսզի գերազանցեն Հայկական զինված ուժերին: 2015 թ.-ին աստիճանաբար սկսվեց Ադրբեջանի ռազմական գերազանցության գործընթացը, երբ նրանք հինգ միլիարդ դոլարի՝ զենքի մատակարարման պայմանագիր կնքեցին, զենք գնեցին Իսրայելից և այլ երկրներից, իսկ թուրքական սպաները սկսեցին մասնակցել ադրբեջանական զինված ուժերի կատարելագործմանը: Մինչև 2015 թ.-ը ուժերի գերազանցությունը Հայկական զինված ուժերի կողմում էր, և Հայաստանը կարող էր ռազմական գործողություններ սկսելու որոշում կայացնել: Չնայած, որ Հայաստանի ղեկավարությունը գիտակցում էր մոտեցող վտանգը, նա չէր ճանաչում Լեռնային Ղարաբաղը հայկական տարածք կամ էլ անկախ պետություն»,-նշում է «Համահայկական ճակատ» շարժման ղեկավարը:
Խոսելով այն մասին, որ 2023 թ.-ին Նիկոլ Փաշինյանը հայտարեց, որ «Արցախը ադրբեջանական տարածք է, և մենք այն չենք պաշտպանելու», ընդգծում է՝ այս հայտարարությունը Սահմանադրության խախտում է, քանի որ այնտեղ գրված է, որ հայկական պետությունն է Լեռնային Ղարաբաղի անվտանգության երաշխավորը: Վստահ է՝ Նիկոլ Փաշինյանը և նրա թիմն այս արարքի համար պատասխանատվություն են կրելու. «Հայաստանի ներկայիս իշխանությունները, նրանց ամբողջ թիմը պատմության մեջ մնացին որպես հայրենիքին և իրենց ժողովրդին դավաճանած անձինք: Նրանք, անշուշտ, պատասխանատվության կենթարկվեն այս հանցագործությունների համար։ Ցավոք, գինը կվճարեն նրանց սերունդները: 21-րդ դարում 120 հազար մարդ վտարվել է իրենց տներից: Ղարաբաղում չմնաց բնաչության մեկ տոկոսն անգամ, միայն մատների վրա հաշված մարդիկ: Չեմ կարծում, թե մոտ ժամանակներս կստեղծվեն բարենպաստ պայմաններ մարդկանց՝ Լեռնային Ղարաբաղ վերադարձի համար»:
Շեշտում է՝ այսօր աշխարհաքաղաքական տեսանկյունից բախվում են Ռուսաստանի, Իրանի, ԱՄՆ-ի շահերը: «Փաշինյանը հույսը դնում է ամերիկյան ուժերի միջամտության վրա, որպեսզի պաշտպանի իրեն, բայց ամերիկյան ուղիղ միջամտությունը աշխարհագրորեն անհնար է, քանի որ ամերիկյան օժանդակությունը պետք է անցնի Վրաստանի տարածքով, որը 2008 թ.-ին ներքաշվեց պատերազմի մեջ և չեմ կարծում, որ կցանկանա նույն սցենարի կրկնությունը: Եթե խոսքը միջանցք ապահովելու մասին է, այս հարցը կարելի է լուծել, սակայն դա ուղղակի ճանապարհ չէ, այլ լուրջ աշխարհաքաղաքական փոփոխություն: Այդ միջանցքի բացումը հիմք կտա աշխարհին մոռանալ Հայաստանի մասին: Հայաստանը գոյություն ունի իր աշխարհաքաղաքական ազդեցության և դիրքի շնորհիվ: Երբ գոյություն ուներ Լեռնային Ղարաբաղը, գոյություն ունեին խնդիրներ նրա շուրջը, երբ այն հանձնեցին, բոլոր խնդիրները տեղափոխվեցին Հայաստանի շուրջ: Կգոյատևի՞ Հայաստանն առանց Լեռնային Ղարաբաղի մեր պետության ներկայիս իշխանության օրոք, շատ մեծ հարց է»:
Սակայն Կարապետյանը վստահ է՝ հայերն անպայման կմնան տարածաշրջանում, նրանք անպայման կվերադառնան Լեռնային Ղարաբաղ: Համարում է, որ դա կլինի ինքնավար տարածք Հայաստանի կամ Ռուսաստանի պաշտպանության ներքո: Սակայն մտահոգություն ունի՝ Հայաստանի ներկայիս իշխանությունների օրոք պատերազմն ավելի արագ վրա կհասնի: «Ադրբեջանը կշարունակի առաջխաղացումը, նրանք պատմական հնարավորություն են ստացել և բաց չեն թողնի շանսը էլ ավելի շատ տարածքներ գրավելու: Նրանք իրավիճակը եռման կետի կհասցնեն: Հայ ժողովուրդը պատերազմող ժողովուրդ է, հավանական է, որ հայտնվեն դիմադրության օջախներ, ինչն էլ կհանգեցնի լայնածավալ պատերազմի Փաշինյանի իշխանության ներքո:
Այս պարագայում տարածաշրջանում մեծ պատերազմ կսկսվի: Իրանը չի կարողանա նեյտրալ դիրք գրավել: Իրանի ազգային շահերը կտուժեն, եթե Ադրբեջանն օկուպացնի «Զանգեզուրի միջանցքը»: Պատկերացրեք միայն, թե ինչ կլինի Հայաստանի նման փոքր տարածքի հետ, եթե այստեղ բախվեն Իրանը, Թուրքիան, Ադրբեջանն ու Ռուսաստանը»,-եզրափակում է Արշակ Կարապետյանը:
![](/timthumb.php?src=/disc/07-09-24/f7c0a4a9a57bb447c210122e74ecfd22.jpg&w=100&h=60)
![](/timthumb.php?src=/disc/07-09-24/350b4cf879635926600564884069ce35.jpg&w=100&h=60)
![](/timthumb.php?src=/disc/07-09-24/4e05a932818c76e7fc1db97f98a918d1.jpg&w=100&h=60)
![](/timthumb.php?src=/disc/07-09-24/384715a4c324d1e55230eb349e73ae15.jpg&w=100&h=60)
![](/timthumb.php?src=/disc/07-09-24/ec5ec67ce2b37f9a8443ba3b34e00ef2.jpg&w=100&h=60)
![](/timthumb.php?src=/disc/07-09-24/8b16b881f8f84380e14ef6c5ff50b41a.jpg&w=100&h=60)
![](/timthumb.php?src=/disc/07-09-24/881f7a7680a0732ac46bb582697d3eb7.jpg&w=100&h=60)
![](/timthumb.php?src=/disc/07-09-24/b6d2a59381860ff05dbb42b5038c7074.jpg&w=100&h=60)
![](/timthumb.php?src=/disc/07-09-24/ce6486d2a56b8b546c514cdb47a79917.jpg&w=100&h=60)
![](/timthumb.php?src=/disc/07-09-24/56ab3c8da8deff0d5979eba2840b84c1.jpg&w=100&h=60)
![](/timthumb.php?src=/disc/07-09-24/82e5265a344aec5d2808cdac334ee6bd.jpg&w=100&h=60)
![](/timthumb.php?src=/disc/07-09-24/b0c0e2aef0e88745dd112b6ee2aeef49.jpg&w=100&h=60)
![](/timthumb.php?src=/disc/07-09-24/2a3ec997dc0b82367a59c77780b13140.jpg&w=100&h=60)
![](/timthumb.php?src=/disc/07-09-24/d33ece4586d0a457fdc01f190ee35c14.jpg&w=100&h=60)
![](/timthumb.php?src=/disc/07-09-24/6c8803ecb32c5d959c8db03d1bd85e6e.jpg&w=100&h=60)
![](/timthumb.php?src=/disc/07-09-24/d9053f95b87b70d83a1497978d2f333d.jpg&w=100&h=60)
![](/timthumb.php?src=/disc/07-09-24/25bd9e1353e06af26b4382369249f961.jpg&w=100&h=60)
![](/timthumb.php?src=/disc/07-09-24/c966d741acb1de5a7beb727a2accda0b.jpg&w=100&h=60)
![](/timthumb.php?src=/disc/07-09-24/6a85a078f0ed6b5983c7aec205b469a4.jpg&w=100&h=60)
![](/timthumb.php?src=/disc/07-09-24/c71bd8811c7498972c5ca90133cb3882.jpg&w=100&h=60)
![](/timthumb.php?src=/disc/07-09-24/c71bd8811c7498972c5ca90133cb3882.jpg&w=240&h=150)
![](/timthumb.php?src=/disc/07-09-24/3bab7313a8b101aeddbda4652a29e72a.jpg&w=240&h=150)
![](/timthumb.php?src=/disc/07-09-24/ffef170df9c1c7c6fe47778a528869b9.jpg&w=240&h=150)
![](/timthumb.php?src=/disc/07-09-24/03f1b5d866d2669e86743855a7f23cdd.jpg&w=240&h=150)
![](/timthumb.php?src=/disc/07-09-24/f640da8c115f134414590f0a3b1a37c3.jpg&w=240&h=150)
![](/timthumb.php?src=/disc/07-09-24/b1998cebfecdbe852ffab1b3fd75b099.jpg&w=240&h=150)
![](/timthumb.php?src=/disc/07-09-24/4b0128398eeecdbaf014c80098e9ff88.jpg&w=240&h=150)
![](/timthumb.php?src=/disc/07-09-24/4d0d94c86cbc8ba653928fd931a1acd3.jpg&w=240&h=150)
![](/timthumb.php?src=/disc/07-09-24/4e05a932818c76e7fc1db97f98a918d1.jpg&w=240&h=150)
![](/timthumb.php?src=/disc/07-09-24/ec5ec67ce2b37f9a8443ba3b34e00ef2.jpg&w=240&h=150)
![](/timthumb.php?src=/disc/07-09-24/881f7a7680a0732ac46bb582697d3eb7.jpg&w=240&h=150)
![](/timthumb.php?src=/disc/07-09-24/b6d2a59381860ff05dbb42b5038c7074.jpg&w=240&h=150)
![](/timthumb.php?src=/disc/07-09-24/ce6486d2a56b8b546c514cdb47a79917.jpg&w=240&h=150)
![](/timthumb.php?src=/disc/07-09-24/2b947eb139fa9a41cbe3f7fe29a2bc89.jpg&w=240&h=150)
![](/timthumb.php?src=/disc/06-09-24/f87a4917d7027f062d10b181ac1f1e17.jpg&w=240&h=150)
![](/timthumb.php?src=/disc/06-09-24/f2fc050d052843c3a2f7550d059f51fc.jpg&w=240&h=150)