Որևէ շրջա­դարձ չկա, անհ­րա­ժեշ­տու­թյուն՝ ևս. «Փաստ»

«Փաստ» օրաթերթը գրում է.

Ընդհանրապես արտաքին քաղաքականության իմպլեմենտացիայի գործիքակազմը բավականին մեծ է, և դիվանագիտությունն ու ԱԳՆ-ն այդ խողովակներից ընդամենը երկուսն են: Արձագանքելով ԱԳՆ-ի կողմից միջազգային հարթակներում մեր պատվիրակությունների աշխատանքը կոորդինացնելու վերաբերյալ հարցին՝ «Փաստի» հետ զրույցում նշեց քաղաքագետ Սուրեն Սարգսյանը:

«Առանձին խողովակ է նաև խորհրդարանական դիվանագիտությունը: Տարբեր պետություններում առանձին խողովակ կարող է լինել, այսպես կոչված, ժողովրդական դիվանագիտությունը, ինչպես նաև եկեղեցու կողմից տարվող դիվանագիտությունը: Տարբեր երկրներում արտաքին քաղաքականության մասով ընդհանուր կոորդինացիա լինում է և, այո, ԱԳՆ-ն է, որ կոորդինացնում է նաև արտաքին քաղաքական ուղենիշներն ու ուղղությունները, որոնք հաստատվում են երկրի ղեկավարի կամ գործադիրի կողմից»,-ասաց նա:

Այդ համատեքստում միջազգային ատյաններում Հայաստանի կողմից վերջին մի շարք քվեարկությունները Սուրեն Սարգսյանը հետաքրքիր է համարում:

«Վրաստանի հետ կապված ՄԱԿ-ում այս անգամ չքվեարկեցինք այնպես, ինչպես վերջին տարիներին: Սա քայլ է, որը պետք է արժանանա վրացական կողմի համապատասխան քայլին: Ինչ վերաբերում է ԵԽԽՎ-ում ռուսական պատվիրակության ձայնի իրավունքի վերականգնման հետ կապված քվեարկությանը, ապա կարծում եմ, որ տեխնիկական խնդիր է եղել, ինչի պատճառով մեր պատվիրակության ներկայացուցիչը դեմ է քվեարկել:

Եթե ՌԴ ԱԳ նախարարությունը և Ռուսաստանի Պետդուման այդ հարցի վերաբերյալ որևէ խնդիր մինչ այս պահը չի տեսել, ապա համարում եմ, որ խնդիրը և դրա հետ կապված բացատրությունը ռուսական կողմի համար ընդունելի են եղել: Համենայն դեպս, մինչ այս այդ հարցի վերաբերյալ որևէ բարձրաձայնում չի եղել, ինչը հույս է տալիս կարծել, որ ռուսական կողմը ընկալել է Հայաստանի բացատրությունը, հասկանում է, որ ՀՀ-ի համար ՌԴ-ն ռազմավարական դաշնակից է և որևէ պետական պաշտոնյա Ռուսաստանի դեմ որևէ քայլ չի իրականացնի»:

Սուրեն Սարգսյանի հետ զրույցում անդրադարձանք նաև տարածաշրջանային մի շարք գործընթացների՝ դիտարկելով հատկապես Իրան-ԱՄՆ, ռուս-վրացական սրված հարաբերությունները ու դրանց նկատմամբ Հայաստանի դիրքավորումը. «Ոչ ոքի համար գաղտնիք չէ, որ Ռուսաստանը մեր ռազմավարական դաշնակիցն է, իսկ Վրաստանը ռազմավարական նշանակություն ունեցող հարևանը:

Վրաստանը Հայաստանի համար երկու պատուհաններից մեկն է՝ դեպի արտաքին աշխարհ: Մեզ համար կենսական նշանակություն ունի Վրաստանի բարգավաճումը, հզորացումը և պայծառ ապագան: Հնարավորության դեպքում հայկական կողմը պետք է մեղմի այն իրավիճակը, որը կարող է լինել այդ երկու պետությունների հարաբերություններում: Ինչ վերաբերում է Իրանի շուրջ ստեղծվածին, ապա Իրանը ևս Հայաստանի համար դեպի արտաքին աշխարհ տանող երկու պատուհաններից մեկն է: ԱՄՆ ևս բարեկամ երկիր է մեզ համար: Այս երկու պետությունների միջև առճակատումը Հայաստանի վրա ազդեցություն ունեցել է և շարունակելու է ունենալ»:

Սուրեն Սարգսյանի դիտարկմամբ՝ մեծ հաշվով, Հայաստանի արտաքին քաղաքականության մեջ էական փոփոխություններ չեն եղել. «Հայաստանը, կարծես թե, շարժվում է արտաքին քաղաքական այն կուրսով, որն ունեցել ենք անկախության հռչակումից ի վեր: Այսօր ես որևէ շրջադարձ չեմ տեսել և չեմ կարող պնդել նաև, որ այս կամ այն ուղղությամբ հարաբերությունների խորացում է եղել»: Քաղաքագետը շրջադարձային փոփոխությունների անհրաժեշտություն չի տեսնում: Կարծում է, որ Հայաստանը պարզապես պետք է շարունակի ակտիվ աշխատել բոլոր ուղղություններով և միջազգային հարթակներում խորացնի հարաբերությունները գերխաղացողների հետ:

Մանրամասները՝ «Փաստ» օրաթերթի այսօրվա համարում

դիտվել է 7 անգամ
Լրահոս
Երևանի Սարյան փողոցի բնակարաններից մեկում հայտնաբերվել է բնակչի դին Երկրում չկա ռեսուրսների ընտրության հնարավորություն՝ բոլոր ռեսուրսները կա՛մ կենտրոնացել են բյուջեում, կա՛մ հայտնի հիմնադրամում. Վահե Հովհաննիսյան Եթե Սերժ Սարգսյանին «նստեցնելու» աղվամազաչափ առիթ ունենար Նիկոլ Փաշինյանը, վաղուց նստեցրել էր. Արմեն ԱշոտյանԱյսօր կա հանրային համաձայնություն, որ ԿԳՄՍ նախարար Արայիկ Հարությունյանն իր տեղում չէ. Սամվել Ֆարմանյան (տեսանյութ) Վարչապետի համար տրանսատլանտյան թռիչքներ իրականացնող օդանավ ձեռք բերելու համար նվազագույնը 30 մլն դոլար գումար կպահանջվի. Հովիկ Աղազարյան (տեսանյութ) 8 գոլ, 2 կարմիր քարտ․ «Չելսի» - «Այաքս» խելահեղ դիմակայությունը (տեսանյութ) Վերադարձ չեն ընդունում, պատասխանատու են որակի համար․ «Փաստ» Երբ անհաջողակները «վնգստում» են այլոց բերաններով 30-ամյա այս ալբանացին առանձնահատուկ մոլուցք ունի Versace բրենդի նկատմամբ. տեսեք, թե դրա պատճառով վերջին 7 տարիներին ինչի է վերածել իր տունը. լուսանկարներ Զապորոժյեի հայ համայնքի նախաձեռնությամբ նշվել է Հայաստանի Անկախության օրը (տեսանյութեր, լուսանկարներ)
Ամենաընթերցված