Ի՞նչ կտան մայրաքաղաքի փոքր կենտրոնում բեռնատարների մուտքի սահմանափակումն ու վճարովի ավտոկայանատեղիի տեղական վճարի վերանայումը. «Փաստ»
![](/timthumb.php?src=/disc/07-11-23/34dc359a52ee6bcc6e3c40473f275695.jpg&w=450)
«Փաստ» օրաթերթը գրում է.
Օրեր առաջ «Փաստը» տեղեկացրել էր, որ առաջիկայում Երևանի քաղաքապետարանի նախաձեռնությամբ մայրաքաղաքի որոշակի, հատկապես կենտրոնական հատվածներում արգելվելու է մեծ բեռնվածությամբ բեռնատարների մուտքը առավոտյան ժամը 7:00-ից մինչև երեկոյան 21:00-ն: Երեկ այս նախաձեռնությունն իրականություն դարձավ: Երևանի քաղաքապետարանի տրանսպորտի վարչության պետի ժամանակավոր պաշտոնակատար Վազգեն Հարությունյանը «Փաստի» հետ զրույցում ներկայացրեց մանրամասները:
«Փոքր կենտրոնում ենթակառուցվածքներն այնպիսին են, որ ճանապարհների թողունակությունը սահմանափակ է: Տրանսպորտային մեծ միջոցների հոսքերի դեպքում կառավարել անհնար է դառնում: Փողոցները լայնացնելու հնարավորություն չկա, ուստի երթևեկության կազմակերպման համար պետք է կիրառել սահմանափակումներ: Սա իրենից ենթադրում է որոշակի բարեփոխումների փաթեթ, որի առաջին քայլով որոշվել է ժամային սահմանափակում կիրառել բեռնատար ավտոմեքենաների մասով: Ժամային սահմանափակման տրամաբանությունը հետևյալն է՝ 2,5 և ավելի տոննա ընդհանուր բեռնվածության գործակից ունեցող տրանսպորտային միջոցները պետք է մուտք գործեն տվյալ հատված երեկոյան ժամը 21:00ից մինչև առավոտյան 7:00-ն ընկած ժամանակահատվածում: Սա իր հերթին կբերի երթևեկության մասնակիցների որոշակի նվազում, որն ինքնին որոշակի ազդեցություն կունենա երթևեկության վրա: Միանշանակ սա ամբողջությամբ չի լուծելու խցանումների խնդիրը փոքր կենտրոնում, բայց լուծման գործընթացում իր մասնակցությունը միանշանակ կունենա»,-ասում է Հարությունյանը:
Երթևեկության կարգավորմանը նպաստելուն է ուղղված նաև հանրային տրանսպորտի համար գծերի առանձնացումը: «Երթևեկության մասնակիցների նկատմամբ հասարակական տրանսպորտը պետք է ունենա առավելություն: Մասնավոր տրանսպորտային միջոցի օգտագործումը պետք է լինի ոչ գրավիչ: Քաղաքացին պետք է միշտ մտածի, որ հասարակական տրանսպորտով երթևեկելը լինելու է ավելի հարմար և իր ցանկալի վայրը հասնելու է ավելի շուտ, քան իր մասնավոր մեքենայով: Այս որոշումը կյանքի կոչելու առաջնային ուղղություններից մեկն այն է, որ հասարակական տրանսպորտի համար պետք է լինի առանձնացված գիծ, որպեսզի հասարակական տրանսպորտը չհայտնվի խցանումների մեջ, ժամանակ չկորցնի, երթևեկի ավելի արագ, հարմարավետ ու անվտանգ:
Ավարտում ենք Հերացի փողոցի կահավորումը համապատասխան տեխնիկական միջոցներով, այս շաբաթ արդեն կգործի ամբողջությամբ, երկու կողմում առաջին երթևեկելի գոտին կհատկացվի հասարակական տրանսպորտին: Այս գործընթացը շարունակական է լինելու, իսկ տրամաբանությունը հետևյալն է՝ հիմնական ուղևորահոսքը սպասարկող երթուղիները, որոնք իրար են կապում խոշոր վարչական շրջանները, գրեթե ամբողջությամբ պետք է ունենան առանձնացված ավտոբուսային գծեր, որպեսզի տվյալ երթուղիները մաքսիմալ արագ կարողանան քաղաքացիների սպասարկում իրականացնել: Այսօր արդարացի դժգոհություն կա, որ հասարակական տրանսպորտի հաճախականության գրաֆիկները խախտվում են, և արդյունքում ուղևորը կանգառում երկար է սպասում իրեն սպասարկող տրանսպորտին: Այս խնդրի կարգավորմամբ տվյալ ուշացումների հարցը կլուծվի, և պատշաճ որակի սպասարկում կիրականացվի»,-նշում է մեր զրուցակիցը:
Չնայած, որ մայրաքաղաքը ձերբազատվեց գազելներից, և հիմա քաղաքացիներին սպասարկում են անվտանգ ու տարողունակ ավտոբուսները, հատկապես պիկ ժամերին դրանք գերծանրաբեռնված են: Հարությունյանը նախ իր արտահայտած նախորդ մտքին է հղում անում, իսկ հետո հավելում, որ արդեն հաջորդ տարի Երևան կհասնի ավտոբուսների նոր խմբաքանակը: «Ծանրաբեռնվածության մի խնդիրը ժամային գրաֆիկի հաճախականության խախտումն է, եթե ավտոբուսը նախատեսված 10 րոպեն մեկ կանգառ չի հասնում, այնտեղ ուղևորահոսքն ավելանում է, և մոտեցած տրանսպորտային միջոցում ծանրաբեռնվածությունը շատանում է: Առանձնացված երթուղիները որոշ չափով այս խնդիրը կկարգավորեն: Երկրորդ՝ պետք է պահանջվող թվաքանակի շարժակազմի ավելացում, որ այս խնդիրը վերջնականապես լուծվի:
Այս մասով ունենք 30 սպասվող ավտոբուս գործող պայմանագրով, որն անցած տարվա մրցույթի արդյունքում հայտարարվել էր, Երևան համայնքը բանակցեց մատակարարի հետ և թվով 30 ավտոբուս ավելացվեց` առանց պայմանագրի գնից համայնքի կողմից ավելի վճարելու: Այս 30 ավտոբուսը հաջորդ տարվա հունվար-փետրվար ամիսներին կլինի Երևանում: Գնումների վարչությունը և տրանսպորտի վարչությունը գնման հայտ է ուղարկել 170 հատ 8 և 6 մետր երկարությամբ և 60 տեղատարողությամբ ավտոբուսների ձեռքբերման, մրցույթի կայացման արդյունքում նախնական հաշվարկների արդյունքում հունիս-հուլիս ամիսներին դրանք կժամանեն Երևան: Ինչպես նաև ներկայումս շարունակվում է գործընթացը Վերակառուցման և զարգացման եվրոպական բանկի ֆինանսական միջոցներ հատկացնելու մասով, որը պետք է ուղղվի 250 էլեկտրական 18 մետր երկարությամբ ավտոբուսների ձեռքբերմանը: Մայրաքաղաքի ավտոբուսային պարկում էական փոփոխություն կլինի արդեն 2024 թ.-ի ընթացքում»,-ընդգծում է վարչության պետի ժամանակավոր պաշտոնակատարը: Որպես բարեփոխումների փաթեթի փուլային գործողություն դիտարկվում է նաև վճարովի ավտոկայանատեղիի տեղական վճարի վերանայում:
«Սրա տրամաբանությունը ոչ թե վճարի չափի ավելացումն ու շատ գումար հավաքագրումն է, այլ սա հստակ դիտարկվում է որպես սահմանափակման գործիք: Վճարի չափի գումարի վերանայման արդյունքում կսահմանափակենք տրանսպորտային միջոցների մուտքը դեպի փոքր կենտրոն, որը նույնպես կառաջացնի երթևեկության մասնակիցների քանակի նվազեցում ու երթևեկության միջին արագության բարձրացում»,-եզրափակում է Վազգեն Հարությունյանը:
ԼՈՒՍԻՆԵ ԱՌԱՔԵԼՅԱՆ
Մանրամասները՝ «Փաստ» օրաթերթի այսօրվա համարում
![](/timthumb.php?src=/disc/26-07-24/37542d5dafe1075cca9721bccf2f06e8.jpg&w=100&h=60)
![](/timthumb.php?src=/disc/26-07-24/da4ff82f7005bfad24091b8d09bfbaaa.jpg&w=100&h=60)
![](/timthumb.php?src=/disc/26-07-24/58bfd250e4c4104c383af4d95ed289c0.jpg&w=100&h=60)
![](/timthumb.php?src=/disc/26-07-24/d1c41eaad76483d956e1ac55d9674058.jpg&w=100&h=60)
![](/timthumb.php?src=/disc/26-07-24/6c0f43ad553c9840b2fc86c7b9130561.jpg&w=100&h=60)
![](/timthumb.php?src=/disc/26-07-24/abadcb58af6fa271c05deb8271b02962.jpg&w=100&h=60)
![](/timthumb.php?src=/disc/26-07-24/87d842d78e620d8425e01eabfc1dab10.jpg&w=100&h=60)
![](/timthumb.php?src=/disc/26-07-24/1bd123e97d35946b01b059a08d45e9e7.jpg&w=100&h=60)
![](/timthumb.php?src=http://img.youtube.com/vi/onS54-sji0k/0.jpg&w=100&h=60)
![](/timthumb.php?src=/disc/26-07-24/8d5943e1b2fb98dcee7503aeb6a3093c.jpg&w=100&h=60)
![](/timthumb.php?src=/disc/26-07-24/0f4bc968d01124c238c7911f4786a4f2.jpg&w=100&h=60)
![](/timthumb.php?src=/disc/26-07-24/3b54b56e261fe2a2a9e5dbbf45380978.jpg&w=100&h=60)
![](/timthumb.php?src=/disc/26-07-24/ee4f9bc2099518ff29340f417e7f6f6a.jpg&w=100&h=60)
![](/timthumb.php?src=/disc/26-07-24/8e33e7e3aa901e9a7a68313d6b6b25be.jpg&w=100&h=60)
![](/timthumb.php?src=/disc/26-07-24/b3f93d7c2f49b84d204383722bb96c0e.jpg&w=100&h=60)
![](/timthumb.php?src=/disc/26-07-24/c10dc07deda780398b37d3664b8cf50a.jpg&w=100&h=60)
![](/timthumb.php?src=/disc/26-07-24/9d335e6d1e7ba0844f5d017e1ccb4d1c.jpg&w=100&h=60)
![](/timthumb.php?src=/disc/26-07-24/234fb407c3f389838edb08cf5acb5391.jpg&w=100&h=60)
![](/timthumb.php?src=/disc/26-07-24/0a0c1e7a3d9310e77ac913cb2da908da.jpg&w=100&h=60)
![](/timthumb.php?src=/disc/26-07-24/e8be530b3e222aa6c0728fe5e31c5453.jpg&w=100&h=60)
![](/timthumb.php?src=/disc/25-07-24/0948e5dd193d0601bde85035f76315b7.jpg&w=240&h=150)
![](/timthumb.php?src=/disc/25-07-24/3087d4ccd7cbd6732758c30298dba629.jpg&w=240&h=150)
![](/timthumb.php?src=/disc/25-07-24/56286eb3c31965bd8c79878edbdcd512.jpg&w=240&h=150)
![](/timthumb.php?src=/disc/25-07-24/8e5b5e4bce5aad37d0fca304d780dab8.jpg&w=240&h=150)
![](/timthumb.php?src=/disc/25-07-24/09ce71c2b148caeb0c97739953adebf9.jpg&w=240&h=150)
![](/timthumb.php?src=/disc/25-07-24/000d9653dcbb086d2d7854f3e2c1b1c3.jpg&w=240&h=150)
![](/timthumb.php?src=/disc/25-07-24/13b2c1bea2beda7feceb4c1f20ecffcb.jpg&w=240&h=150)
![](/timthumb.php?src=/disc/23-07-24/ad68e4ba899cab21954aa9b5455c768f.jpg&w=240&h=150)
![](/timthumb.php?src=/disc/26-07-24/0f4bc968d01124c238c7911f4786a4f2.jpg&w=240&h=150)
![](/timthumb.php?src=/disc/26-07-24/8e33e7e3aa901e9a7a68313d6b6b25be.jpg&w=240&h=150)
![](/timthumb.php?src=/disc/26-07-24/c16bb7170355e3cef200e0a3f1b9a3d1.jpg&w=240&h=150)
![](/timthumb.php?src=/disc/25-07-24/5a821e074ab0e9b6a849aea971437b70.jpg&w=240&h=150)
![](/timthumb.php?src=/disc/25-07-24/9d62869aed8ef73c62ba1ad62cff61d3.jpg&w=240&h=150)
![](/timthumb.php?src=/disc/25-07-24/c2d06d5d7b241cb669d667f1cec07838.jpg&w=240&h=150)
![](/timthumb.php?src=/disc/24-07-24/847ca5523afdd243bc8244721cde95ac.jpg&w=240&h=150)
![](/timthumb.php?src=/disc/24-07-24/12102e3764a4cc55c696ca0162283f15.jpg&w=240&h=150)