«Հանուն բնության»․ Ադրբեջանի պաշտոնյաները առիթը բաց չեն թողնում հակահայկական մեդիաարշավ իրականացնելու համար

Ապրիլի 4-ին Բաքվում կայացել է մերձկասպյան երկրների գլխավոր դատախազների հնգակողմ հանդիպումը։ Կասպից ծոցի ջրավազանում բնապահպանական իրավախախտումների թեմայով հանդիպումը Ադրբեջանը սահուն կերպով կարողացավ վերածել Հայաստանի դեմ բնապահպանական մեդիաարշավի։ Քննարկման ընթացքում Ադրբեջանի գլխավոր դատախազ Քյամրան Ալիևը մերձկասպյան երկրների իր գործընկերներին հայտնել է, որ գերատեսչության քննչական խումբը շարունակում է հետաքննել Հայաստանի կողմից ադրբեջանական տարածքների «օկուպացման» ընթացքում կատարված բնապահպանական հանցագործությունները։ Նրա խոսքով՝ միջազգային հանրությունը կտեղեկացվի այդ հանցագործությունների իրավական հետեւանքների մասին, իրավական միջոցներ կձեռնարկվեն ազգային և միջազգային իրավական նորմերին ու օրենքներին համապատասխան։

Հայաստանի դեմ բնապահպանական «էկոպատերազմի» պրակտիկան Ադրբեջանը սկսեց 44-օրյա պատերազմից անմիջապես հետո։ 2021 թվականի գարնանից ադրբեջանական մամուլը և տարբեր մակարդակների պաշտոնյաներ ու հասարակական գործիչներ, ամենօրյա ռեժիմով Հայաստանին սպառնում էին միջազգային դատարաններով ու սանկցիաներով։ Նույն սցենարի մաս էր կազմում նաև Արցախի շրջափակումը, որի կուլմինացիան դարձավ իր բնակավայրից 100 հազար մարդու տեղահանումն ու էթնիկ զտումը։

Այս շաբաթ Հաագայի Արբիտրաժային մշտական դատարանում մեկնարկել են Հայաստանի և Ադրբեջանի միջև արբիտրաժային վարույթի առաջին ընթացակարգային նիստը։ Միջազգային իրավական հարցերով ՀՀ ներկայացուցիչ Եղիշե Կիրակոսյանն իր ելույթում նշել է, որ բնապահպանության ոլորտում Հայաստանի հետագիծն ինքնին խոսուն է, և Հայաստանը բազմիցս է վերահաստատել իր հանձնառությունը տարածաշրջանում վայրի ֆլորայի ու ֆաունայի և բնական միջավայրի պահպանության առնչությամբ, ներառյալ՝ Բեռնի կոնվենցիայի մշտական հանձնաժողովի հետ իր սերտ համագործակցության եղանակով: Մյուս կողմից, Ադրբեջանը հավատարիմ է իր, այսպես կոչված, «բնապահպանական մտահոգությունները» քաղաքական դրդապատճառներով որպես Հայաստանի գլխին մահակ օգտագործելու ռազմավարությանը, և վերջին տարիներին Ադրբեջանի ռազմական ագրեսիան հանգեցրել է տարածաշրջանում լուրջ բնապահպանական խնդիրների՝ ոչնչացնելով անտառներ՝ աղտոտելով հողային և ջրային ռեսուրսներ, այդ թվում՝ սպառելով Սարսանգի ջրամբարի ռեսուրսները:

Ադրբեջանի բնապահպանության և բնական պաշարների փոխնախարար Ումայրա Թագիևայի հիմնական գործառույթներին վերջին շրջանում կարծես ավելացել է հնարավոր բոլոր միջոցառումների ընթացքում Հայաստանի և հայ ժողովրդի դեմ մտացածին բնապահպանական աղետների մեջ մեղադրելու մեդիաարշավի վարումը։ Թագիևան ամեն առիթով կրկնում է նույն թեզը՝ Մեծամորի ատոմակայանը ռադիոակտիվ նյութերով աղտոտում է Արաքս գետը, իսկ Զանգեզուրի պղնձամոլիբդենային կոմբինատը (ԶՊՄԿ)՝ Ողջին։ Ու քանի որ այս երկու գետերն ի վերջո թափվում են Կասպից ծով, տիկինը փորձում է ապացուցել, որ Հայաստանը էկոլոգիական խնդիրներ է առաջացնում կասպյան բոլոր երկրների համար և որպես լուծում առաջարկում է այս երկու ձեռնարկությունների փակումը։ Այսպիսով, այս արշավի տարածման համար օգտագործվեց անգամ առաջին հայացքից զուտ իրավական հանդիպումը։

Ադրբեջանի սանձազերծած տեղեկատվական պատերազմին Հայաստանը պետական մակարդակով լուրջ հակազդեցություն ցուցաբերի, քանի որ Ադրբեջանի իշխանությունների՝ առաջին հայացքից բնապահպանական բնույթ կրող քաղաքականության գլխավոր նպատակը մեր երկրի տնտեսությանը զգալի հարված հասցնելն է, ինչը ազգային անվտանգության համար լրջագույն սպառնալիք է։

Ադրբեջանական հակահայկական քարոզչությանը ուղղակի կամ անուղղակի նպաստում է նաև հայաստանյան բնապահպանական ՀԿ-ների գործունեությունը, որոնք հարևան երկրների ներկայացուցիչների հետ մասնակցում են միջազգային միջոցառումների, միանում Հայաստանի արդյունաբերական սեկտորը թիրախավորող հայտարարությունների։

Մեր երկրին զուսպ, գրագետ կառավարում է պետք. Վահե Հովհաննիսյան Ժամանակն է, որ ամենաշատ օլիմպիական ուղեգիր ապահոված մեր մարզիկները քաղեն իրենց ամենօրյա քրտնաջան աշխատանքի պտուղները․ Գագիկ Ծառուկյան (տեսանյութ) «Համահայկական ճակատ» կուսակցության չգրանցելը իշխանությունների ամենավերին օղակների ուղիղ պատվերն է. Արշակ Կարապետյան Սելարայանի գոլը հաղթանակ է պարգևել «Ալ Ֆաթեհ»-ին Ucom -ի աջակցությամբ մեկնարկեց «Արևորդի» 12-րդ միջազգային բնապահպանական փառատոնը Իսկ «ձեռքը կտրելն» ի՞նչ եղավ. «Փաստ» Այս գործը պարզապես հրաշալի են անում. երբ թշնամիների շահերն առավել մոլեռանդ են պաշտպանում. «Փաստ» Արցախը հազարամյակներով անառիկ պահած, իրական հայկական հայրենիք է, ու մենք այնտեղ կվերադառնանք. Չալաբյան «Փոփոխություն հնարավոր է անել՝ բացառապես հեռացնելով այն փտած գլուխը, որն այսօր ուղղակի նեխման պրոցեսի մեջ է դրել մեր պետությունը». «Փաստ» Ի՞նչ է սպասվում մայիսի 26-ին. վերկուսակցականության ու «կշեռքի» նժարների գործոնը. «Փաստ» Ի՞նչ են ցույց տալիս փաստաբանների հաղթանակները դատարաններում. «Փաստ» «Հասարակության բևեռացվածությունը միշտ խնդիր է եղել, բայց 2018-ից հետո այն հասել է խայտառակ ծավալների». «Փաստ» Արևմուտքն անցնում է բաց «խաղի՞». «Փաստ» Կարելի է գտնել այլ դաշնակիցներ, բայց որքանո՞վ է դա ձեռնտու հենց իրեն՝ Հայաստանին. Գասումյանով Ձերն է Երևանը դեպի լավը փոխելու, զարգացնելու և հզորացնելու ուժը. Ավինյանի ուղերձը՝ շրջանավարտներին Գ.Վ. Պլեխանովի անվան համալսարանի Երեւանի մասնաճյուղում անցկացվել է ՏՏ ոլորտի սթարթափ նախագծերի ուսանողական մրցույթ Աստղագուշակներն անվանել են կենդանակերպի նշանները, որոնք ամենահաջողակն են կարիերայում Դիարբեքիրի հայկական Սբ․ Սարգիս եկեղեցին կվերականգնվի Իսրայելական զորքը շարժվում է դեպի Ռաֆահի կենտրոն, ևս երեք պատանդի դի է հայտնաբերվել Ստամբուլում հրաձգության հետևանքով` երեք մարդ է մահացել
website by Sargssyan