Թրամփի վարչակազմում հայամետ գործիչների թիվն աճում է
ԱՄՆ նորընտիր նախագահ Դոնալդ Թրամփի ընտրությունը կարող է նոր հնարավորություններ բացել Հայաստանի, ամերիկահայ համայնքի, լոբբիստական կազմակերպությունների համար։ Մինչ Փաշինյանի իշխանությունն ու նրան կցված հաստիքային արևմտամետները ողբում են դեմոկրատների պարտության համար և նոր պատերազմ գուժում, 47-րդ նախագահն առանցքային պաշտոններում նշանակվելու առաջարկներ է անում գործիչների, որոնք բավական լավ հայտնի են հայկական շրջանակներին, քանիցս առաջ են մղել հայկական օրակարգը։
Երեկ հայտնի դարձավ, որ նախկին կոնգրեսական Թուլսի Գաբարդը կղեկավարի Ազգային հետախուզությունը: Նա փաստացի ղեկավարում և համակարգում է 18 հետախուզական գործակալություն: Համատեղության կարգով նախագահի գլխավոր խորհրդականն է հետախուզության գծով: Գաբարդը 2017 թ. Ֆրենկ Փալոնի հետ այցելել է Հայաստան և Արցախ, միշտ միացել է Ցեղասպանության ճանաչման բանաձևերին, դատապարտել ադրբեջանական հարձակումն Արցախի վրա։
Ավելի վաղ հայտնի էր դարձել, որ պետքարտուղարի պաշտոնն առաջարկվել է մեկ այլ հայամետ գործչի՝ Ֆլորիդայից սենատոր Մարկո Ռուբիոյին, ով ևս մշտապես միացել է հայկական բանաձևերին։ ԱՄՆ առողջապահության նախարարը լինելու է Ռոբերտ Քենեդի կրտսերը, որի հայամետ հայտարարությունները ևս քաջ հայտնի են։ Առաջիկայում ևս նշանակումներ են սպասվում, և հայկական կազմակերպությունների համար նոր հնարավորություններ կստեղծվեն։ Ամերիկագետ Սուրեն Սարգսյանի գնահատմամբ, հայ համայնքի, հայկական կազմակերպությունների, լոբիստների և եկեղեցու համար բացվում են նոր հորիզոններ հայկական օրակարգն առաջ մղելու հարցում:
Իհարկե, այդ նշանակումները կարող են մտահոգել միայն փաշինյանական իշխանությանը, որն ընտրարշավի ընթացքում ավելի շատ դեմոկրատների թելն է թելել, նաև երբեք հստակ աշխատանք չի տարել ԱՄՆ Հանրապետական կուսակցության հետ, բայց ստեղծված հնարավորությունները բնավ էլ երկրորդական չեն, իսկ հանրապետական կուսակցության հետ աշխատանքի նոր ասպարեզ է բացվում։
Նոնա Կիրակոսյան
«Համահայկական ճակատ» շարժման անդամ Աննա Ղուկասյանի գրառումը Գնդապետ Արտակ Ղազարյանի մասին
Կապանում ունենալու ենք վիեննական վալս. Սեւակ Ավանեսյան
Եթե շարունակենք ժողովրդին բաժանել սևերի ու սպիտակների, դրանից ոչինչ չենք շահի. Արեգ Սավգուլյան
Վարկային և քրեական համաներում՝ հանուն սոցիալական արդարության․ Հրայր Կամենդատյան
Եղել են նաև երեխաների մահվան դեպքեր. ի՞նչ գործնական, կիրառական նշանակություն կարող է ունենալ ատենախո...
Կան մարդիկ, որոնց հանդիպելուց հետո երկար ժամանակ չես կարողանում ազատվել այն ջերմությունից, որ թողնու...
Ու՞մ շահերից էր գործում Փաշինյանը փաստացի փչացնելով հարաբերությունները․ հարցում
Կուրթան. խնդիրներից դեպի լուծումներ․ Նարեկ Կարապետյան
Ինչո՞ւ է Բաքվի թիրախում հայտնված հայտնի գործարարը հալածվում իշխանությունների կողմից. «Փաստ»
Մոսկվայում բողոքի ձայն են բարձրացրել ի պաշտպանություն Հայաստանի քաղբանտարկյալների. «Սփյուռքը չի լռել...