Հայաստանը չի մասնակցի ՀԱՊԿ նիստերին
Հայաստանի արտաքին գործերի նախարար Արարատ Միրզոյանը չի մասնակցելու Հավաքական անվտանգության պայմանագրի կազմակերպության (ՀԱՊԿ) արտաքին գործերի նախարարների, պաշտպանության նախարարների և անվտանգության խորհրդի քարտուղարների հանձնաժողովի համատեղ նիստին, հայտնել է ԱԳՆ մամուլի քարտուղար Անի Բադալյանը։ Նոյեմբերի 28-ին Աստանայում կկայանա նախ ԱԳ նախարարների խորհրդի, պաշտպանության նախարարների խորհրդի և Անվտանգության խորհուրդների քարտուղարների կոմիտեի համատեղ նիստը, ապա՝ ՀԱՊԿ Հավաքական անվտանգության խորհրդի նիստը։
Աստանայում նաև ՀԱՊԿ անդամ պետությունների ղեկավարների գագաթնաժողով է կայանալու։ Մեր տեղեկություններով, Փաշինյանն էլ է հրաժարվել մասնակցել։ Վերջին անգամ այդպիսի գագաթաժողովի Հայաստանը մասնակցել էր 2022 թ. նոյեմբերին, Երևանում, երբ Նիկոլ Փաշինյանը հրաժարվեց ստորագրել ամփոփիչ հռչակագիրը։ Դրանից հետո Հայաստանի և ՀԱՊԿ-ի ջրերը մի առվով չեն հոսում։
Միևնույն ժամանակ, ՀՀ իշխանությունները ոչ միայն չեն լքում ՀԱՊԿ-ն, այլև չեն խոչընդոտում որոշումների ընդունմանը։ Այս դեպքում էլ, ինչպես հաստատել է ՀԱՊԿ-ում Ռուսաստանի մշտական ներկայացուցիչ Վիկտոր Վասիլևը, Երևանը դեմ չէ այդ հանդիպումներում ծրագրված փաստաթղթերի ընդունմանը։ Թերևս, Երևանը դեռ բաց է թողնում վերադարձի դուռը, վերջնականապես չի խզում կապերը։ Իսկ այդ դեպքում, Հայաստանը լուրջ քաղաքական և տնտեսական խնդիրների կարող էր բախվել։
Ինգա Օհանյան
«Համահայկական ճակատ» շարժման անդամ Աննա Ղուկասյանի գրառումը Գնդապետ Արտակ Ղազարյանի մասին
Կապանում ունենալու ենք վիեննական վալս. Սեւակ Ավանեսյան
Եթե շարունակենք ժողովրդին բաժանել սևերի ու սպիտակների, դրանից ոչինչ չենք շահի. Արեգ Սավգուլյան
Վարկային և քրեական համաներում՝ հանուն սոցիալական արդարության․ Հրայր Կամենդատյան
Եղել են նաև երեխաների մահվան դեպքեր. ի՞նչ գործնական, կիրառական նշանակություն կարող է ունենալ ատենախո...
Կան մարդիկ, որոնց հանդիպելուց հետո երկար ժամանակ չես կարողանում ազատվել այն ջերմությունից, որ թողնու...
Ու՞մ շահերից էր գործում Փաշինյանը փաստացի փչացնելով հարաբերությունները․ հարցում
Կուրթան. խնդիրներից դեպի լուծումներ․ Նարեկ Կարապետյան
Ինչո՞ւ է Բաքվի թիրախում հայտնված հայտնի գործարարը հալածվում իշխանությունների կողմից. «Փաստ»
Մոսկվայում բողոքի ձայն են բարձրացրել ի պաշտպանություն Հայաստանի քաղբանտարկյալների. «Սփյուռքը չի լռել...