Փաշինյանը լուրջ բարդությունների է բախվել Գյումրիում
Գյումրիում ստեղծված քաղաքական ճգնաժամը կարող է իսկական գլխացավանք դառնալ Նիկոլ Փաշինյանի և նրա թիմի համար։ Վարչախումբն, առանց այն էլ, Գյումրիում որևէ լուրջ հենարան չունի, ազդեցիկ և հեղինակավոր թեկնածու չի կարողանում ընտրել, իսկ նախապես առաջադրված թեկնածուն էլ հասցրել է այս ընթացքում սկանդալային պատմություններում հայտնվել։ Կարեն Սարուխանյանը, ի դեպ, ակնարկում է, որ «Քաղպայմանագրում» իր դեմ աշխատող ուժեր կան, որոնք էլ կանգնած են այդ սկանդալների ետևում։
Ավելի քան մեկ ամիս Գյումրին անիշխանության է մատնված։ «Բալասանյան» դաշինքի հրաժարականից անմիջապես հետո Հայաստանի իշխող ուժը հայտարարեց, թե պատրաստվում է արտահերթ ընտրությունների, ապա այլ տարբերակներից սկսեց խոսել։ Որպես քաղաքապետի թեկնածու ՔՊ-ն սկզբում հայտարարեց Կարեն Սարուխանյանի թեկնածության մասին։ Սակայն, թմրանյութերի պատմությունից հետո սկսեցին լուրեր շրջանառվել, որ ՔՊ-ն փոշմանել է և Կարեն Սարուխանյանի փոխարեն Գյումրիի քաղաքապետի այլ թեկնածու է առաջադրելու։
Փաշինյանն էլ չի ցանկանում միայնակ ստանձնել Գյումրիում հնարավոր ձախողման պատասխանատվությունը և որոշել է այն բարդել հենց գյումրեցի կուսակցականների վրա։ Տևական դադարից հետո նա երեկ տեսանյութ է հրապարակել, հայտարարել, թե Գյումրիում դեկտեմբերի 8-ին, 9-ին և 10-ին կկայանան նախնական ընտրություններ։ «Մենք կխնդրենք «Քաղաքացիական պայմանագիր» կուսակցության անդամների, համակիրների, համախոհների շրջանակից, որ առաջադրվեն թեկնածուներ, այդ թեկնածուներին քաղաքական որոշակի չափանիշներով կգրանցենք, ոմանց գրանցումը հնարավոր է մերժենք», - ասել է նա։
Ըստ Փաշինյանի, դրանից հետո ոչ բոլոր գյումրեցիների շրջանում քվեարկություն է լինելու, և հաղթած թեկնածուն կնշանակվի Գյումրիի քաղաքապետի պաշտոնակատար, որն ամենայն հավանականությամբ, Փաշինյանի խոսքով, կլինի ՔՊ-ի թեկնածուն հետագա ընտրություններում։ Նրա խոսքով, առաջիկայում ընդունվելիք օրենսդրական փոփոխությունների արդյունքում է քաղաքապետի ԺՊ նշանակելու։
Գործող իշխանությունները գիտակցում են, որ Գյումրիում կարող են, բլոտի լեզվով ասած, «թարս կապուտ» լինել, և այժմ, անհրաժեշտության դեպքում, տրնգի էլ կպարեն, որ իրենցից վանեն ձախողման հետևանքները։
Վանուհի Մելիքյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
ԶՊՄԿ ՓԲԸ գլխավոր տնօրեն Ռոման Խուդոլին շնորհավորել է «Լիդիան Արմենիա» ընկերությանը արտադրության մեկն...
Փաշինյանն ի զորու չէ ոչնչացնելու եկեղեցին և մեր հավատն առ Աստված. Ավետիք Չալաբյան
Երբ ջնջվում է... ոգին. «Փաստ»