Թիրախը, իհարկե, Դամասկոսն է. Էրդողանը՝ Սիրիայում իրավիճակի մասին
Թուրքիայի նախագահ Ռեջեփ Թայիփ Էրդողանը մեկնաբանել է Սիրիայում տիրող իրավիճակը, որտեղ շարունակվում է Թուրքիայի աջակցությունը վայելող ահաբեկչական խմբավորումների հարձակումը բանակի դեմ, գրում է «Անադոլու» գործակալությունը:
«Իդլիբ, Համա, Հոմս և թիրախը, իհարկե, Դամասկոսն է։ Սիրիայում ընդդիմության (ահաբեկիչների-Խմբ.) երթը շարունակվում է: Մենք հուսով ենք, որ դա տեղի կունենա առանց ցնցումների ու աղետների»,- մասնավորապես ասել է Թուրքիայի ղեկավարը։
Նա հիշեցրել է, որ Անկարան դիմել է Սիրիայի նախագահ Բաշար ալ Ասադին՝ համատեղ քննարկելու Սիրիայում կարգավորման հեռանկարները, սակայն դրական պատասխան չի ստացել։
«Մենք դիմել ենք Ասադին՝ միասին որոշելու Սիրիայի ապագան։ Ցավոք , այս կոչին դրական արձագանք չեղավ»,- ասել է Էրդողանը։
Նոյեմբերի 27-ին Սիրիայի հյուսիսում գտնվող ահաբեկչական խմբավորումները Հալեպ նահանգում հարձակվել են բանակի վրա։ Նոյեմբերի 27-28-ին ահաբեկիչները Հալեպի արևմտյան շրջաններից առաջ են շարժվել դեպի կենտրոն և նոյեմբերի 30-ին վերահսկողություն հաստատել Հալեպ քաղաքի մեծ մասի վրա։
Նոյեմբերի 30-ին ահաբեկիչները վերահսկողություն են հաստատել Խան Շեյխուն քաղաքի և Իդլիբի ամբողջ տարածքի վրա։ Դեկտեմբերի 5-ին կատաղի մարտերից հետո Համա քաղաքն անցել է ահաբեկիչների վերահսկողության տակ։ Բաշար ալ Ասադի իշխանությանն ընդդիմացող ահաբեկիչները վերահսկողություն են հաստատել Հոմս նահանգի մի շարք ռազմավարական նշանակություն ունեցող բնակավայրերի վրա, որոնք համարվում են Դամասկոս տանող «դարպասը» և սկսել են առաջ շարժվել։
«Համահայկական ճակատ» շարժման անդամ Աննա Ղուկասյանի գրառումը Գնդապետ Արտակ Ղազարյանի մասին
Կապանում ունենալու ենք վիեննական վալս. Սեւակ Ավանեսյան
Եթե շարունակենք ժողովրդին բաժանել սևերի ու սպիտակների, դրանից ոչինչ չենք շահի. Արեգ Սավգուլյան
Եղել են նաև երեխաների մահվան դեպքեր. ի՞նչ գործնական, կիրառական նշանակություն կարող է ունենալ ատենախո...
Վարկային և քրեական համաներում՝ հանուն սոցիալական արդարության․ Հրայր Կամենդատյան
Ու՞մ շահերից էր գործում Փաշինյանը փաստացի փչացնելով հարաբերությունները․ հարցում
Կան մարդիկ, որոնց հանդիպելուց հետո երկար ժամանակ չես կարողանում ազատվել այն ջերմությունից, որ թողնու...
Մոսկվայում բողոքի ձայն են բարձրացրել ի պաշտպանություն Հայաստանի քաղբանտարկյալների. «Սփյուռքը չի լռել...
Մեր երկրի պատմությունը շատ դաժան է եղել, բայց շնորհիվ մեր ամուր գենետիկ կոդի` մենք ունենալու ենք լավ...
Ինչո՞ւ է Բաքվի թիրախում հայտնված հայտնի գործարարը հալածվում իշխանությունների կողմից. «Փաստ»