Հռոմի պապը պատմել է իր դեմ մահափորձի մասին
Հռոմի պապ Ֆրանցիսկոսը պատմել է, որ երեք տարի առաջ Իրաք կատարած պապական այցի ժամանակ իրեն հաջողվել է խուսափել մահափորձից: Այս մասին գրում է The Guardian-ը:
Պոնտիֆիկոսը բացահայտումն արել է Spera («Հույս») ինքնակենսագրական գրքում, որից որոշ հատվածներ հրապարակել է Corriere della Sera թերթը:
Ֆրանցիսկոս պապի խոսքով՝ իրեն վճռականորեն խորհուրդ էին տվել չուղևորվել Իրաք 2021 թվականի մարտին, քանի որ Covid-ը դեռ մոլեգնում էր, իսկ անվտանգության ռիսկերը բավականին բարձր էին, հատկապես Մոսուլում՝ «Իսլամական պետություն» ահաբեկչական խմբավորման զինյալների կողմից ավերված հյուսիսային քաղաքում: Սակայն կաթոլիկների հովվապետի խոսքով՝ ինքը վճական էր կատարել առաջին պապական այցն Իրաք:
Նրա խոսքով՝ Մեծ Բրիտանիայի հետախուզական ծառայությունն իր՝ Բաղդադ ժամանելուց հետո ծրագրված մահափորձի մասին տեղեկությունը փոխանցել է Իրաքի ոստիկանությանը: Վերջինս տեղեկացրել է Վատիկանի անվտանգության ծառայությանը:
Հռոմի պապի խոսքով՝ մահապարտներից մեկը կին էր, որը Մոսուլ էր ուղևորվում պապական այցի ժամանակ իրեն պայթեցնելու համար: Բացի այդ, կազմակերպիչները մահափորձի համար որոշել էին օգտագործել արագ ընթացող բեռնատար:
Ֆրանցիսկոս պապն այնուհետև Վատիկանի անվտանգության ծառայությունից հետաքրքրվել է՝ ինչ է պատահել մահապարտների հետ:
«Հրամանատարը հակիրճ պատասխանեց. «Նրանք այլևս այստեղ չեն: Իրաքյան ոստիկանությունը բռնել է նրանց, ինչից հետո նրանք իրենց պայթեցրել են»: Սա ինձ ցնցեց. դա ևս պատերազմի թունավոր պտուղն է», - նշել է կաթոլիկների հովվապետը:




















Երիտասարդները՝ հանքարդյունաբերության իրական խնդիրների լուծման ճանապարհին․ ԶՊՄԿ-ն՝ CaseKey 2026-ում
«Բարգավաճ Հայաստան» կուսակցությունը նոյեմբերի 15-17-ը մասնակցում է Մոսկվայում անցկացվող «Հանուն ազգե...
Հարյուրավոր հասցեներում լույս չի լինելու նոյեմբերի 17/18-ին
Վարդան Ջհանյանը՝ հանքարդյունաբերության ոլորտի զարգացման և նոր միասնական ստանդարտների ներդրման մասին
Բաքուն ՉԻ՛ ԿԱՐՈՂ Հայաստանի Հանրապետությանը պարտադրել ներքին օրակարգ. Մարիաննա Ղահրամանյան
Արևմուտքը կընդունի՞ արդյոք ՆԱՏՕ-ի՝ մինչև ընդլայնումն ունեցած տեղակայմանը վերադառնալու պահանջները՝ դե...
Պետությունը ձեզ համար հոր տնից բերված օժիտ չէ, որ մաշված շորի պետ դեն նետեք. Աննա Կոստանյան
Քաղաքական հետապնդումների նպատակը հասարակությանը վախի մթնոլորտում պահելն է՝ Ալիևի պարտադրած Սահմանադր...
Երևանը մերժում է «Ալիևյան Սահմանադրությունը». Հայաստանի Սահմանադրության ճակատագիրը որոշելու են հայեր...
Արսեն Գևորգյանի մահվան ամբողջ պատասխանավտությունը մինչև իր կյանքի վերջ կրելու է Նիկոլ Փաշինյանը․ Հար...