Ուսուցիչների որքա՞ն թափուր հաստիք կա դպրոցներում. «Փաստ»
«Փաստ» օրաթերթը գրում է.
Օրերս մեծ աղմուկ բարձրացրեց տեղեկությունը, որ «Ֆիզիկա» առարկայի կամավոր ատեստավորման մասնակիցների շուրջ 68 %-ը չի հաղթահարել նվազագույն՝ 60 %-ի շեմը: Ուսուցիչները չափազանց դժգոհ են, նրանք նշում են, որ թեստերը չեն համապատասխանել ուղեցույցին, առաջադրանքները եղել են չափազանց բարդ ու ժամանակատար։
Ընդ որում, կամավոր ատեստավորման գործընթացի կազմակերպումից դժգոհ են ոչ միայն ֆիզիկոսները. այլ առարկաների մասնագետները ևս շատ մեծ դժգոհություն ունեն: Ավելին, կա տեսակետ, թե ամեն ինչ արվում է, որ հնարավորինս քիչ ուսուցիչ ատեստավորվի, որպեսզի մեծ մասը բարձր աշխատավարձ չստանա: Այնինչ, առանց այդ էլ գնալով ավելի քիչ են ձգտում մասնագետները աշխատել դպրոցներում: Պատահական չէ, որ, ըստ բաց աղբյուրների, մասնավորաբար Կրթության կառավարման տեղեկատվական հարթակում հրապարակված տվյալների, Հայաստանի դպրոցներում երեկվա դրությամբ առկա էր 918 թափուր հաստիք, որից 734-ը՝ ուսուցչական, 106-ը՝ ոչ ուսուցչական, 78-ը՝ վարչատնտեսական:
Ուսուցչական հաստիքներից 562-ը թափուր է մարզերում, 172-ը՝ Երևանում: Մարզերից այս առումով «առաջատարներն» են Արարատը (100 ուսուցչական թափուր հաստիք), Կոտայքը (85), Արմավիրը (84), Լոռին (60): Ինչ վերաբերում է առարկաներին, ապա բոլորից շատ թափուր հաստիքներ կան բնագիտական առարկաների առումով. Մաթեմատիկա՝ 51, Երկրաչափություն՝ 34, Հանրահաշիվ՝ 34, Ֆիզիկա՝ 23: Կա նաև ֆիզկուլտուրայի 41 ուսուցչի կարիք: Թափուր տեղեր կան նաև այլ առարկաների համար. Հայաստանի պատմություն՝ 34, Ռուսաց լեզու՝ 27, Հայոց լեզու՝ 26, ՀԶՊ՝ 23, Անգլերեն՝ 21, Գրականություն՝ 18 (առանձին տողով կա նաև Հայ գրականություն՝ 13), Աշխարհագրություն՝ 13 և այլն, և այդպես շարունակ:
Մանրամասները՝ «Փաստ» օրաթերթի այսօրվա համարում




















Երբ տեսական գիտելիքը հանդիպում է արտադրական փորձին. տեսանյութ
Երիտասարդները՝ հանքարդյունաբերության իրական խնդիրների լուծման ճանապարհին․ ԶՊՄԿ-ն՝ CaseKey 2026-ում
Բնակարանի ընտրությունից մինչև ֆինանսավորում․ Ամերիաբանկի հատուկ առաջարկը TOON EXPO-ի այցելուներին՝ ս...
Շատ մեծ հավանականությամբ 10 տարի հետո ԵՄ չի լինելու, բայց Փաշինյանը 20 տարի հետո Հայաստանը տեսնում է...
Նաև ներդրումային անշարժ գույք և հիփոթեք ոչ ռեզիտենտներին. Կոնվերս Բանկը՝ TOON EXPO-ում
Բաքուն ՉԻ՛ ԿԱՐՈՂ Հայաստանի Հանրապետությանը պարտադրել ներքին օրակարգ. Մարիաննա Ղահրամանյան
«Բարգավաճ Հայաստան» կուսակցությունը նոյեմբերի 15-17-ը մասնակցում է Մոսկվայում անցկացվող «Հանուն ազգե...
Յուրաքանչյուր ընդդիմադիր պատգամավոր պետք է երաշխավորի, որ չի քվեարկի ալիևյան սահմանադրության օգտին. ...
Արևմուտքը կընդունի՞ արդյոք ՆԱՏՕ-ի՝ մինչև ընդլայնումն ունեցած տեղակայմանը վերադառնալու պահանջները՝ դե...
Իբր հեգնում էր. հիմա իրագործում է. Դավիթ Սարգսյան