Երևանում պետք է շրջել կա՛մ հակագազով կամ դիմակով. օդի աղտոտվածության մակարդակը բարձրացել է
Երևանում պետք է շրջել կա՛մ հակագազով կամ քովիդյան ժամանակների դիմակով։
Թվացյալ գեղեցիկ մառախուղը, որ կապում ենք եղանակի հետ և հիանում ենք, ոչ թե մառախուղ է, այլ փոշու և կեղտի վտանգավոր ամպ։
Երևանում օդի աղտոտվածությունը վերջին շրջանում դարձել է լուրջ խնդիր՝ գերազանցելով Առողջապահության համաշխարհային կազմակերպության (ԱՀԿ) սահմանած նորմերը։ Մասնավորապես, օդի աղտոտվածության ինդեքսը, որը նորմայում պետք է չգերազանցի 50-ը, վերջին օրերին հասել է մինչև 430-ի, ինչը 5-7 անգամ գերազանցում է ԱՀԿ չափանիշները:
Օդի աղտոտվածության հիմնական պատճառներն են շինարարական աշխատանքները, տրանսպորտային միջոցների արտանետումները, ինչպես նաև ջեռուցման նպատակով վառելիքի այրումը։ Ձմռան ամիսներին, երբ քամիները նվազում են և մառախուղը հաճախանում է, օդի աղտոտվածությունը հատկապես սրվում է:
Օդի բարձր աղտոտվածությունը կարող է առաջացնել առողջական լուրջ խնդիրներ, այդ թվում՝ շնչառական համակարգի հիվանդություններ, սրտի և ուղեղի կաթվածներ, ինչպես նաև թոքի քաղցկեղ:
Երևանի քաղաքապետարանը ձեռնարկում է միջոցառումներ օդի որակի բարելավման ուղղությամբ, սակայն դրանք մինչ այսօր չեն ունեցել զգալի արդյունք։ Մասնավորապես, տեղադրվել են օդի որակի դիտարկման 151 սարքավորումներ քաղաքի տարբեր հատվածներում՝ աղտոտվածության մակարդակը վերահսկելու համար։ Սակայն հարկ է նշել, որ վերահսկումը դեռ խնդրի լուծում չէ։
Բացի սա, քաղաքապետարանը նախատեսում է մշակել քառամյա պլան՝ օդի աղտոտվածության նվազեցման համար, որը ներառում է կանաչապատման ծրագրեր, նոր ջրային ավազանների կառուցում, ինչպես նաև հին ավտոմեքենաների շահագործման սահմանափակումներ։ Այս ամենը թղթի վրա է, և գործնականում մի քանի լաբորատոր հետազոտությունից բացի ոչինչ չի արվել։
Երևանի պես փոքր քաղաքի համար, սա ոչ թե սովորական երևույթ է, այլ աղետ է բնապահպանության և մարդկության համար, որի սպառնալիքներն ավելի մեծ են։
Խորհուրդ է տրվում օդի աղտոտվածության բարձր մակարդակի դեպքում հնարավորինս մնալ փակ տարածքներում, փակել պատուհանները, իսկ դրսում գտնվելու դեպքում՝ կրել դիմակներ և հաճախ լվանալ ձեռքերը և դեմքը։
Մանրամասները՝ տեսանյութում
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
Երբ ջնջվում է... ոգին. «Փաստ»
Քաղաքական «մարտեր առանց կանոնների». «Փաստ»
Փաշինյանն ի զորու չէ ոչնչացնելու եկեղեցին և մեր հավատն առ Աստված. Ավետիք Չալաբյան