Երևանը փորձում է արագ կարգավորել հարաբերություններն Անկարայի հետ
Թուրք-ադրբեջանական հարաբերությունների որոշակի սառեցման ֆոնին պաշտոնական Երևանը փորձում է արագ կարգավորել հարաբերություններն Անկարայի հետ։ Թուրքիան, պատճառաբանելով Ադրբեջանի դիրքորոշումները, երկար ժամանակ չէր ուզում կատարել պայմանավորվածությունները, այն է՝ սահմանը բացել 3-րդ երկրների դիվանագիտական անցագիր ունեցողների համար։ Մեր աղբյուրների փոխանցմամբ, վերջին օրերին տենդագին բանակցություններ են ընթանում ոչ միայն այս, այլև այլ հարցերի շուրջ։
Անկարան 44-օրյա պատերազմից հետո փորձել է Հարավային Կովկասում ավելի լայն ներկայություն ապահովել, բայց Բաքուն նախօրեին Իլհամ Ալիևի բերանով է մերժել թուրքական ռազմակայանի տեղակայումն Ադրբեջանի տարածքում։ Եվ այժմ, Թուրքիան փորձում է «պատժել» Ալիևին իր խամաճիկ Փաշինյանի միջոցով։ Վերջինս, իշխանությունը պահելու մարմաջով տառապելով, դեմ չէ Թուրքիայի ազդեցության աճին։
ՀՀ ԱԳ նախարար Արարատ Միրզոյանը ելույթ է ունեցել ՍԾՏՀԿ արտաքին գործերի նախարարների խորհրդի 49-րդ հանդիպմանը, որտեղ նշել է, թե Հայաստանը և Թուրքիան արդեն համաձայնել են համատեղ գնահատել Գյումրի-Կարս երկաթուղով սահմանի անցման տեխնիկական պահանջները։ «Միևնույն ժամանակ, Ադրբեջանին առաջարկել ենք երկաթուղային ենթակառուցվածքը վերագործարկելու, սահմանի հատման և մաքսային ընթացակարգերի պարզեցման և երկու անվտանգության որոշ լրացուցիչ մեխանիզմներ ապահովելու եղանակներ։ «Խաղաղության խաչմերուկ» նախագիծը, որը որպես խաղաղության հիմք մեծապես կարևորում է փոխվստահության ձևավորումը և փոխկապակցվածության հնարավոր ընդլայնումը, տարածաշրջանային համագործակցությունը բազմաթիվ ուղղություններով խթանելու ներուժ ունի: Այն կարող է արդյունավետորեն կապել Ծոցը, Սև և Կասպից ծովերը` այդպիսով զգալիորեն նպաստելով համաշխարհային տրանսպորտային շղթաներին մեր տարածաշրջանի ինտեգրմանը և հսկայական օգուտ բերելով մեր տարածաշրջանի բոլոր երկրներին: Այն արդեն արժանացել է բազմաթիվ միջազգային գործընկերների դրական արձագանքների, իսկ մենք կշարունակենք մեր ջանքերը՝ ապահովելու նախագծի իրականացմանն ուղղված հետագա աջակցությունը»,- նշել է Միրզոյանը:
Փաստացի, ՀՀ իշխանությունը դեմ չէ «Զանգեզուրի միջանցքի» վերահսկողությունը հանձնել թուրքական կողմին, բայց դեմ է ռուսական վերահսկողությանը։ Ընդ որում, շատ աչք չծակելու համար ցանկանում են իբր միջազգային «անկախ» մասնավոր ընկերություն բերել, որն էլ իրականում կլինի Թուրքիայի ազդեցության ներքո։
Արմինե Ալեքսանյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
Փաշինյանն ի զորու չէ ոչնչացնելու եկեղեցին և մեր հավատն առ Աստված. Ավետիք Չալաբյան
ԶՊՄԿ ՓԲԸ գլխավոր տնօրեն Ռոման Խուդոլին շնորհավորել է «Լիդիան Արմենիա» ընկերությանը արտադրության մեկն...
Երբ ջնջվում է... ոգին. «Փաստ»