Ուկրաինայի նախագահն ազատել է մի շարք երկրների դեսպանների եւ նշանակել նորերին
Ուկրաինայի նախագահ Վլադիմիր Զելենսկին ուկրաինացի դեսպանների վերադասավորումներ է կատարել։ Համապատասխան հրամանագրերը ստորագրվել են դեկտեմբերի 21-ին, տեղեկացրել է «РБК-Украина»-ն՝ հղում կատարելով Զելենսկու աշխատասենյակին։
Ազատվել են.
Անդրեյ Պրավեդնիկը, որը զբաղեցնում էր Ռուանդայում Ուկրաինայի Արտակարգ եւ լիազոր դեսպանի պաշտոնը,
Անդրեյ Տարանը, Սլովենիայում Ուկրաինայի դեսպան,
Պյորտ Բեշտան, Լիտվայում Ուկրաինայի դեսպան,
Սերգեյ Կորսունսկին, Ճապոնիայում Ուկրաինայի դեսպան,
Վասիլի Գամյանինը, Ինդոնեզիայում Ուկրաինայի դեսպան եւ Ուկրաինայի ներկայացուցիչ Հարավարեւելյան Ասիայի պետությունների ասոցիացիայում,
Էմինե Ջապարովան, Ուկրաինայի ներկայացուցիչ Վիեննայում միջազգային կազմակերպություններում,
Եվգենի Ֆիլիպենկոն, Ուկրաինայի դեսպան ՄԱԿ եւ Ժնեւում այլ միջազգային կազմակերպությունների բաժանմունքում։
Բացի այդ, Զելենսկին ազատել է Չինաստանում Ուկրաինայի դեսպան Պավել Ռյաբիկինին։ Նա այդ պաշտոնում նշանակվել էր 2023թ. ապրիլին։ Մինչ այդ Ռյաբիկինը եղել է Ուկրաինայի պետական մաքսային ծառայության ղեկավարը, իսկ 2021-23թթ. գլխավորել է արդյունաբերության ռազմավարական ճյուղերի նախարարությունը։
Ուկրաինայի նախագահն ազատել է նաեւ Սերգեյ Կիսլիցային ՄԱԿ-ում Ուկրաինայի մշտական ներկայացուցչի եւ Բահամյան կղզիների եւ Տրինիդադ եւ Տոբագոյի Հանրապետության դեսպանի պաշտոնից։
Ուկրաինայի նախագահը նաեւ ստորագրել է մի շարք հրամանագրեր Ուկրաինայի նոր դեսպանների նշանակման մասին, մասնավորապես.
Վյաչեսլավ Յացյուկին նշանակել է Ռուանդայում Ուկրաինայի դեսպան,
Յուլիա Ֆեդիվին՝ Ֆիլիպիններում դեսպան,
Օլգա Նիկիտչենկոյին Լիտվայում դեսպան,
Ֆյոդոր Շանդորին Հունգարիայում դեսպան,
Պյոտր Բեշտային Սլովենիայում դեսպան
Վասիլի Գամյանինին Կոնգոյի Դեմոկրատական Հանրապետությունում դեսպան,
Եվգենի Ցիմբալյուկին Ուկրաինայի ներկայացուցիչ ՄԱԿ եւ Ժնեւում միջազգային այլ կազմակերպություների բաժանմունքի ներկայացուցիչ։
Զելենսկին նաեւ փոխել է Ուկրաինայի ՅՈւՆԵՍԿՕ-ի գործերով ազգային հանձնաժողովի նախագահին։ Պաշտոնից ազատել են Իրինա Բորովեցին, նրա փոխարեն նշանակվել է Մարյանա Բեցան՝ Ուկրաինայի արտաքին գործերի փոխնախարար։
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
Փաշինյանն ի զորու չէ ոչնչացնելու եկեղեցին և մեր հավատն առ Աստված. Ավետիք Չալաբյան
ԶՊՄԿ ՓԲԸ գլխավոր տնօրեն Ռոման Խուդոլին շնորհավորել է «Լիդիան Արմենիա» ընկերությանը արտադրության մեկն...
Երբ ջնջվում է... ոգին. «Փաստ»