Ուսիկը ռևանշ մենամարտում հաղթել է Ֆյուրիին՝ պաշտպանելով բռնցքամարտի աշխարհի չեմպիոնի տիտղոսը
Ծանր քաշային կարգում բռնցքամարտի աշխարհի չեմպիոն ուկրաինացի Ալեքսանդր Ուսիկը երկրորդ հաղթանակն է տարել բրիտանացի Թայսոն Ֆյուրիի նկատմամբ, հայտնում է bbc.com-ը։Ուկրաինացի քաղաքական գործիչներն ու ռազմական պաշտոնյաները, այդ թվում՝ նախագահ Վլադիմիր Զելենսկին, ցնծությամբ են արձագանքել Ուսիկի հաղթանակին՝ այն համեմատելով ամբողջ երկրի հաղթանակի հետ։ Զելենսկին իր հայրենակցի հաղթանակը խորհրդանշական է համարել:
Նախագահի պաշտոնական հաղորդագրությունում գրված է. «Հաղթանակ. Այնքան կարևոր և այնքան անհրաժեշտ բոլորիս այժմ: Պաշտպանելով չեմպիոնական տիտղոսը՝ Ալեքսանդրն ապացուցեց՝ մենք՝ ուկրաինացիներս, չենք զիջի այն, ինչ ունենք։ Եվ որքան էլ դժվար լինի, մենք հաղթելու ենք։ Ռինգ, մարտադաշտ կամ դիվանագիտական ասպարեզ՝ մենք պայքարում ենք և չենք զիջի այն, ինչ ունենք»։
«Պատմական» որակված և Սաուդյան Արաբիայում կայացած մենամարտին մասնակցելու համար բռնցքամարտիկները միասին կստանան ռեկորդային հոնորար՝ 190 միլիոն դոլար։
12 ռաունդների արդյունքներով մրցավարները միաձայն հաղթանակը տվել են Ուսիկին՝ 116-112։ Մենամարտn ուկրաինացի բռնցքամարտիկին բերել է 23-րդ հաղթանակը։ Նա պահպանել է երեք չեմպիոնական գոտի և մնացել անպարտելի։
Սա 37-ամյա ուկրաինացի Ուսիկի և 36-ամյա բրիտանացի Ֆյուրիի երկրորդ հանդիպումն էր։ Առաջինը տեղի է ունեցել 2024 թվականի մայիսին կրկին Սաուդյան Արաբիայում։ Ուկրաինացի բռնցքամարտիկը հաղթող էր ճանաչվել, սակայն Ֆյուրին չի ընդունել պարտությունը: Ուստի կայացել էր ռևանշ մենամարտը:
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը