Իմ համար իմ անունն ու արժանապատվությունը որևէ գումարով հնարավոր չէ փոխհատուցել․ Լիաննա Մանուկյան
Ֆեյսբուքյան իր էջում Լիաննա Մանուկյանը գրել է․
Ի պատասխան սոցիալական ցանցերում վերջին օրերին իմ անվան հետ կապված շահարկումներին տեղեկացնում եմ, որ դեռևս նախորդ տարի Կոտայքի մարզի ընդհանուր իրավասության դատարանը բավարարել է Անուշ Զուրաբյանի կողմից իմ պատվին ու արժանապատվությանը հասցված վնասի փոխհատուցման և հերքման պարտավորեցնելու մասին պահանջը, որով Անուշ Զուրաբյանը պարտավորվել էր հրապարակային ներողություն խնդրել ինձ հասցրած վիրավորանքների և ստահոդ լուրերի տարածման համար և վճարել դատարանի կողմից սահմանված 2 միլիոն դրամը:
Դատարանի որոշումից ամիսներ անց՝ հոկտեմբեր ամսին Անուշ Զուրաբյանը զանգահարում է ինձ, բանավոր ներողություն է հայցում և խնդրում է, որ ես հրաժարվեմ 2 միլիոն դրամի վճարման պահանջից: Ես պատասխանում եմ, որ գումարն ինձ չի հետաքրքրում, ինչի մասին ես ավելի վաղ հայտարարել եմ նաև դատարանում, սակայն Անուշ Զուրաբյանը պետք է հրապարակային ներողություն խնդրի, ինչպես և հրապարակայնորեն արատավորել է իմ բարի համբավն ու արժանապատվությունը: Հակառակ պարագայում բռնագանձված գումարը այսպես թե այնպես ես չեմ վերցնելու, այլ նվիրատվություն եմ կատարելու որևէ մանկատան կամ ծերանոցի: Այսքանով մեր խոսակցությունն ավարտվում է:
Հիմա, ամիսներ անց, ես նոր տեղեկանում եմ, որ դեռևս օգոստոս ամսին Անուշ Զուրաբյանն իր ֆեյսբուքյան էջում տեղադրել է դատարանի պահանջով ամրագրված ներողության տեքստը, որից հետո ՀՀ Հարկադիր կատարումն ապահովող ծառայության Կոտայքի մարզային բաժնի Եղվարդի տարածաշրջանի բաժանմունքում գրավոր հաստատել է իր կողմից ներողության տեքստի հրապարակումը, սակայն այդ մասին ես պատշաճ կերպով տեղեկացված չեմ եղել, քանզի վերոգրյալի մասին ծանուցումն ուղարկվել է իմ հաշվառման հասցեով, որտեղ այս պահին որևէ մեկը չի բնակվում: Եթե ես տեղեկացված լինեի դատարանի պահանջով Անուշ Զուրաբյանի կողմից ինձ ուղղված հրապարակային ներողության փաստի մասին, ավելի վաղ կանդրադառնայի այս թեմային:
Հիմա, հաշվի առնելով այս ամենը, ես ուզում եմ խնդրով մտահոգ բոլոր մարդկանց տեղեկացնել, որ այսօր հրաժարվել եմ Անուշ Զուրաբյանից հոգուտ ինձ 2 միլիոն դրամ բռնագանձելու դատարանով բավարարված պահանջից, քանզի իմ համար իմ անունն ու արժանապատվությունը որևէ գումարով հնարավոր չէ փոխհատուցել և այստեղ ամենակարևորն իմ համար նրա կողմից հրապարակային ներողություն խնդրելու փաստն էր ու ինձ հասցված բարոյական վնասի փոխհատուցումը: Անուշ Զուրաբյանի կողմից ինձ ուղղված հրապարակային ներողությունը ես ընդունում եմ ի գիտություն և այսքանով թեման վերջնականապես համարում եմ փակված:
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Ռուբլին թանկացել է․ փոխարժեքն՝ այսօր
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը