Տեր-Պետրոսյանի ապտակը Փաշինյանին
2018 թ. իշխանափոխությունից հետո Նիկոլ Փաշինյանը հանդիպել էր առաջին նախագահ Լևոն Տեր-Պետրոսյանին՝ կառավարական առանձնատանը։ Կառավարությունից հայտնել էին, թե «առաջին նախագահն իր տեսակետներն է հայտնել Հայաստանի առջև ծառացած մի շարք մարտահրավերների հաղթահարման ուղիների վերաբերյալ: Քննարկվել են արտաքին քաղաքականությանը և Արցախյան հիմնախնդրին վերաբերող հարցեր»: Հանդիպումից հետո Փաշինյանը լկտիաբար հայտարարել էր, թե առաջին նախագահից չի լսել որևէ նոր բան, որ չգիտեր։
Այսօր արդեն թե՛ Փաշինյանը, թե՛ նրա կողմնակիցները մեղադրում են Տեր-Պետրոսյանին ու մյուս նախագահներին՝ իրենց «չկրթելու» մեջ։ Բանավեճի՝ Փաշինյանի հրավերին առաջին նախագահը երեկ անձամբ է արձագանքել։ «Ինչի՞ շուրջ բանավիճեմ քեզ հետ, երբ բանավեճի առարկան՝ հազարամյակների հայկական Արցախը, քո արկածախնդրության պատճառով այլևս գոյություն չունի, և քեզ այլ բան չի մնում այս դառն իրողությունից մեր ժողովրդի ուշադրությունը շեղելու հուսահատ ճիգերից բացի: Աղմկիր որքան ուզում ես, այս իրողությունն արդեն պատմական փաստ է, որն այլևս ջնջել չի լինի», - նշել է Տեր-Պետրոսյանը։
Առաջին նախագահը Փաշինյանին առաջարկել է հրապարակել Մինսկի խմբի համանախագահների կողմից պաշտոնապես ներկայացված խաղաղության բոլոր (այդ թվում՝ 2019 թ. հունիսի) պլանները և հայկական դիվանագիտության պաշտոնական պատասխանները:
«Իսկ եթե, Նիկոլ, ցանկանում ես, որ հանրությունն իմանա ողջ ճշմարտությունը ղարաբաղյան խնդրի կարգավորման դիվանագիտական գործընթացի մասին, ապա առաջարկում եմ. քանի որ Արցախի կործանումից հետո այդ գործընթացի խորհրդապահությունը կորցրել է իր իմաստը, հրապարակել Մինսկի խմբի համանախագահների կողմից պաշտոնապես ներկայացված խաղաղության բոլոր (այդ թվում՝ 2019 թ. հունիսի) պլանները և հայկական դիվանագիտության պաշտոնական պատասխանները դրանց։ Այ դա արդեն կլինի իսկական բանավեճ, հիմնված փաստերի վրա։ Իսկ, եթե դա չանես, ևս մեկ անգամ կապացուցես, որ փախչում ես ճշմարտությունից և զբաղված ես պատմական պատասխանատվությունից փոքրոգիաբար խուսափելու գործով», - նշված է հայտարարությունում:
Առաջին նախագահի այս կոշտ ապտակին Փաշինյանը դեռ չի պատասխանել, փոխարենը, այդ գործը ստանձնել են նրա կուսակիցները, իշխանական ֆեյքերն ու հաստիքային փորձագետները։ Ընդ որում, Տեր-Պետրոսյանի ապտակն այնքան լայն է, որ դրան արձագանքելու համար մոբիլիզացրել են բոլորին, պարտադրել նույնիսկ ամիսներ շարունակ լռող պատգամավորներին դուրս գալ իրենց բներից, «վոթսափով» ուղարկված լկտի մի տեքստ զետեղել ֆեյսբուքյան էջերում։ Իսկ Փաշինյանը, նշենք, շարունակում է բանավեճի հրավիրել նախկին նախագահներին՝ շեղելով հանրության ուշադրությունը երկրի դեմ նոր դավադրությունից։
Նաիրա Գասպարյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
Փաշինյանն ի զորու չէ ոչնչացնելու եկեղեցին և մեր հավատն առ Աստված. Ավետիք Չալաբյան
ԶՊՄԿ ՓԲԸ գլխավոր տնօրեն Ռոման Խուդոլին շնորհավորել է «Լիդիան Արմենիա» ընկերությանը արտադրության մեկն...
Երբ ջնջվում է... ոգին. «Փաստ»