Գործող իշխանությունը սրում է պետություն-եկեղեցի հարաբերությունները
Մայր Աթոռը հրաժարվել է ցուցադրել Ամենայն Հայոց կաթողիկոսի ամանորյա ուղերձը Հանրային հեռուստաընկերությամբ։ Մայր Աթոռի տեղեկատվական համակարգը հաղորդագրություն է տարածել, նշել, թե ուղերձը նախատեսվում է հեռարձակել դեկտեմբերի 31-ին ժամը 21:55-ին: Հանրայինի դեկտեմբերի 31-ի ծրագրում կաթողիկոսի ելույթն այս տարի պետք է հաջորդի նախագահի, ԱԺ նախագահի ելույթներին, ապա եթերում կլինի լուրերի հավելվածը։
2025-ի նախօրերին 20 րոպե առանձնացված է վարչապետի ուղերձի համար։
Այս տարի էլ առարկություն ունենալով ժամի ընտրության հետ՝ տեղեկացրել են, որ ընդհանրապես նպատակահարմար չեն համարում Գարեգին երկրորդի ուղերձի հեռարձակումը Հանրայինով։ «Հեռուստաընկերությունը շարունակում է շրջանցել Ամենայն Հայոց Կաթողիկոսների ամանորյա ուղերձի հեռարձակման՝ տասնամյակների ավանդույթը՝ անտեսելով Մայր Աթոռի դիրքորոշումն ու Հայոց Եկեղեցու հայրենաբնակ և աշխարհասփյուռ հավատացյալների պահանջներն ու սպասումները», - ասվում է հայտարարության մեջ:
Ավանդաբար կաթողիկոսի ուղերձը լինում էր կեսգիշերից առաջ, նախորդում երկրի ղեկավարի ուղերձին։ Անցած տարի Գարեգին Բ-ի ուղերձն ընդհանրապես չհեռարձակվեց՝ Հանրայինն այլ ժամ էր առաջարկել, Մայր Աթոռը մերժել էր։ Թե որն է պատճառը, հեռուստաընկերությունը համառորեն չի հայտնում, փաստը հստակ է, որ որոշումը կայացվել է ոչ թե Նորքի բարձունքում կամ ՀՌԽ-ում, այլ կառավարության շենքում, անձամբ մեկ հոգու կողմից։
Երկրորդ տարին նույն վարքը կրկնելը վկայում է, որ Փաշինյանը մտահոգություն ունի կաթողիկոսի ուղերձի շեշտադրումներից։ Ի տարբերություն գործող վարչախմբի, որի ղեկավարը վախենում է բառ անգամ ասել արցախահայության իրավունքների մասին, Գարեգին Բ-ն իր ուղերձներում թե՛ «Արցախ» բառն է շեշտում, թե՛ նշում արցախահայության իրավունքների մասին։ Թերևս, հենց դա էլ գլխավոր պատճառն է, թե ինչու են արգելում կաթողիկոսի ուղերձի հեռարձակումը։
Սվետլանա Մարգարյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
Փաշինյանն ի զորու չէ ոչնչացնելու եկեղեցին և մեր հավատն առ Աստված. Ավետիք Չալաբյան
ԶՊՄԿ ՓԲԸ գլխավոր տնօրեն Ռոման Խուդոլին շնորհավորել է «Լիդիան Արմենիա» ընկերությանը արտադրության մեկն...
Երբ ջնջվում է... ոգին. «Փաստ»