Ինչ կենսագրություն ունի ՔԿ նախագահի նորանշանակ տեղակալ Արթուր Նահապետյանը
ՀՀ վարչապետ Նիկոլ Փաշինյանի որոշմամբ այսօր ՀՀ քննչական կոմիտեի նախագահի տեղակալ է նշանակվել Արթուր Նահապետյանը։ Նա մինչ այս զբաղեցնում էր Վերաքննիչ հակակոռուպցիոն դատարանի դատավորի պաշտոնը։
Արթուր Նահապետյանը ծնվել է 1990 թվականի սեպտեմբերի 7-ին, Գյումրի քաղաքում:
1997-2007 թթ․ սովորել է Գյումրու «Ֆրանց Վերֆելի անվան թիվ 40» միջնակարգ դպրոցում: 2007-2011 թթ. սովորել է ՀՀ ոստիկանության ակադեմիայի իրավագիտության ֆակուլտետում բակալավրի որակավորմամբ: 2013-2015 թթ. սովորել է ՀՀ ոստիկանության ակադեմիայի իրավագիտության ֆակուլտետում մագիստրոսի որակավորմամբ:
Ունի աշխատանքային մեծ փորձ։ 12.08.2011-21.06.2013 թթ. աշխատել է ՀՀ ոստիկանության քննչական գլխավոր վարչության Շիրակի մարզի քննչական բաժնում` որպես քննիչ։ 21.06.2013-01.02.2014 թթ. աշխատել է ՀՀ ոստիկանության քննչական գլխավոր վարչության Շիրակի մարզի քննչական բաժնի Գյումրի քաղաքի Կումայրիի քննչական բաժանմունքում` որպես քննիչ։ 01.02.2014-08.10.2014 թթ. աշխատել է ՀՀ ոստիկանության քննչական գլխավոր վարչության Շիրակի մարզի քննչական բաժնի Գյումրի քաղաքի Կումայրիի քննչական բաժանմունքում` որպես ավագ քննիչ։ 08.10.2014-10.09.2015 թթ. աշխատել է ՀՀ քննչական կոմիտեի Շիրակի մարզային քննչական վարչությունում` որպես հատկապես կարևոր գործերով ավագ քննիչ։ 18.09.2015-18.04.2017 թթ. աշխատել է Շիրակի մարզի դատախազությունում` որպես դատախազ։ 18.04.2017-25.06.2018 թթ. զբաղեցրել է Շիրակի մարզի դատախազի տեղակալի պաշտոնը: 01.09.2017-03.09.2018 թթ. աշխատել է «Շիրակի Մ.Նալբադյանի անվան պետական համալսարան» հիմնադրամի «Իրավագիտության և քաղաքագիտության» ամբիոնում որպես դասախոս:
Այնուհետև, 10.07.2018-21.01.2019 թթ. աշխատել է ՀՀ պետական եկամուտների կոմիտեի հետաքննության վարչությունում` որպես թիվ 1 բաժնի պետ: 08.07.2019-17.06.2020 թթ. զբաղեցրել է ՀՀ պետական վերահսկողական ծառայությունում որպես սոցիալական ոլորտի վերահսկողության վարչության պետի տեղակալի պաշտոնը։ 10.06.2020-01.10.2020 թթ․ եղել է ՀՀ ազգային անվտանգության ծառայության քննչական դեպարտամենտում որպես «հատուկ քննչական ծառայողների` իրենց պաշտոնական դիրքի կապակցությամբ հանցակցությամբ կամ նրանց հանցագործությունների վերաբերյալ գործերով, ինչպես նաև կոռուպցիոն, կազմակերպված և պաշտոնեական հանցագործությունների գործերով քննության» բաժնի պետ: 01.10.2020-17.03.2023 թթ․ զբաղեցրել է ազգային անվտանգության ծառայության քննչական դեպարտամենտ պետի տեղակալ պաշտոնը։ 17.03.2023-15.06.2023 թթ. նախագահի հրամանագրով նշանակվել է վերաքննիչ քրեական դատարանում կոռուպցիոն հանցագործությունների գործերով բողոքարկման ենթակա դատական ակտերի վերանայումն իրականացնող առանձին դատավորի պաշտոնում: 15.06.2023 թթ. մինչ օրս զբաղեցնում էր Վերաքննիչ հակակոռուպցիոն դատարանի դատավորի պաշտոնը:
Նա ունի արդարադատության մայորի և պահեստազորի փոխգնդապետի կոչում։
Ամուսնացած է, ունի մեկ երեխա:
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
Փաշինյանն ի զորու չէ ոչնչացնելու եկեղեցին և մեր հավատն առ Աստված. Ավետիք Չալաբյան
ԶՊՄԿ ՓԲԸ գլխավոր տնօրեն Ռոման Խուդոլին շնորհավորել է «Լիդիան Արմենիա» ընկերությանը արտադրության մեկն...
Երբ ջնջվում է... ոգին. «Փաստ»