ԵՄ դիտորդական առաքելության ժամկետը երկարաձգվելու է
Եվրամիության արտաքին քաղաքական հարցերով բարձր ներկայացուցիչ Կայա Կալասն առաջարկել է ևս երկու տարով երկարաձգել Հայաստանում Եվրամիության քաղաքացիական առաքելության տեղակայումը։ ԵՄ արտգործնախարարի գրասենյակից հայտնել են, թե անդամ երկրները ողջունել են առաջարկը և քննարկում են անհրաժեշտ օրինական ակտերը՝ Եվրամիության խորհրդի համապատասխան մարմինների հետ։ Խորհրդի որոշումը երկարաձգման շուրջ սպասվում է առաջիկա օրերին։
ԵՄ դիտորդները Հայաստան էին ժամանել 2 տարի առաջ՝ 2023-ին։ Առաքելության ժամկետը լրանում է այս փետրվարին։ Բաքուն տևական ժամանակ նրանց մեղադրում է լրտեսության և տարածաշրջանի կայունությունը խախտելու մեջ՝ պահանջելով Երևանից դադարեցնել դիտորդների գործունեությունը սահմանին: Ալիևը նաև կտրուկ պահանջել է հեռացնել դիտորդներին, ի պատասխան Երևանից ասել էին, թե դիտորդները դուրս կգան միայն այն հատվածներից, որտեղ արդեն սահմանազատում իրականացվել է։
Ընդ որում, տևական ժամանակ պաշտոնական Երևանը չէր պատասխանում դիտորդական առաքելության ժամկետը երկարաձգելու առաջարկին՝ ասես սպասելով ինչ-որ զարգացման։ Թերևս, Փաշինյանն ու իր թիմը հասկացել են, որ զարգացումներն իրենց ցանկացած հունով չեն գնալու, որոշել են դիմել դիտորդական առաքելությունը երկարաձգելու համար։
Բաքուն առաջիկայում նոր վայնասուն է բարձրացնելու այս հարցով։ Կասկած չկա, որ նոր պահանջներ էլ են հնչելու։
Անուշ Մինասյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Ռուբլին թանկացել է․ փոխարժեքն՝ այսօր
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը