UFC. Իսլամ Մախաչևը պաշտպանեց չեմպիոնական գոտին
Ռուսաստանցի մարտիկ Իսլամ Մախաչևը հաղթել է բրազիլացի Ռենատո Մոյկանոյին UFC 311 մրցաշարի գլխավոր մենամարտում, որը տեղի է ունեցել Ինգլվուդում (ԱՄՆ, Կալիֆոռնիա նահանգ), հայտնում է armsport.am-ը։
Մենամարտն ավարտվել է առաջին ռաունդում, երբ ռուսաստանցի մարտիկը հաջողությամբ խեղդող հնարք է կիրառել մեջքի վնասվածք ստացած մարտիկ Արման Ծառուկյանին փոխարինած Մոյկանոյի նկատմամբ։ Այսպիսով, Մախաչևը UFC-ի թեթև քաշային կարգում չորրորդ անգամ է պաշտպանել չեմպիոնի տիտղոսը։
Մախաչևի հաղթանակների թիվը UFC-ում հասել է 15-ի։ Անպարտելիությամբ Իսլամը երկրորդ տեղում է՝ հավասարվելով Կամարու Ուսմանին։
UFC-ում ավելի երկար հաղթանակների շարք ունեն միայն Անդերսոն Սիլվան (16) և Ջոն Ջոնսը (20):
Մախաչևը չեմպիոնի գոտին նվաճել է 2022 թվականի հոկտեմբերին՝ հաղթելով Չառլզ Օլիվեյրային։ Հետագայում նա հաղթել է Ալեքսանդր Վոլկանովսկուն երկու անգամ և 2024 թվականի հունիսին հաղթել Դասթին Պորյեին։
33-ամյա Մախաչևը խառը մենամարտերում ունի 27 հաղթանակ և մեկ պարտություն։ Մոյկանոյի ակտիվում կա 20 հաղթանակ, մեկ ոչ ոքի և վեց պարտություն։
Նշենք, որ UFC-ի թեթև քաշային կարգի դասակարգման առաջին համար Արման Ծառուկյանի ներկայացուցիչ Էդուարդ Վարդանյանը պատմել էր մարզիկի ստացած վնասվածքի մասին, որի պատճառով չեղարկվել է նույն քաշային կարգի չեմպիոն Իսլամ Մախաչևի հետ նրա՝ հունվարի 19-ին նշանակված մենամարտը: Վարդանյանի խոսքով՝ ակտիվ մարզումների ժամանակ Ծառուկյանի մոտ մեջքի հետ կապված խնդիր է առաջացել:
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Անթույլատրելի է դատարկել սահմանամերձ գյուղերը՝ կեղծ կրթական նախագծերով. Ատոմ Մխիթարյան
Առիթմիա․ որո՞նք են առաջին ախտանշանները, ինչի՞ն ուշադրություն դարձնել, ովքե՞ր են ռիսկի խմբում
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Տեր ենք կանգնելու մեր ընտրական իրավունքին. արտերկրում ապրող ՀՀ քաղաքացիներ
Մեր տարածաշրջանում այնպիսի իրավիճակ է, որ ով վերահսկում է Սյունիքը, վերահսկում է ողջ Կովկասը. Արշակ ...
Ինչո՞ւ են իշխանությունները թիրախավորել դատավորին. «Փաստ»
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...
Նարեկ Կարապետյանի հետ կապված միայն կարող է լինել քաղաքական հետապնդում, պատվեր ու վրեժխնդրություն