WSJ. Թրամփը ցանկանում է պաշտոնավարման առաջին 100 օրվա ընթացքում այցելել Չինաստան
ԱՄՆ նորընտիր նախագահ Դոնալդ Թրամփն իր խորհրդականներին հայտնել է, որ, որպես գլխավոր հրամանատար երդում տալուց հետո, ցանկանում է այցելել Չինաստան՝ Չինաստանի նախագահ Սի Ծինփինի հետ իր լարված հարաբերությունները կարգավորելու համար, գրում է The Wall Street Journal-ը։
ԱՄՆ ապագա 47-րդ նախագահը, որը երդվելու է երկուշաբթի օրը, ցանկություն է հայտնել մեկնել Չինաստան իր պաշտոնավարման առաջին 100 օրվա ընթացքում, գրում է թերթը՝ վկայակոչելով քննարկումներին ծանոթ մարդկանց:
Թրամփն ու Սի Ծինփինը իրենց ներկայացուցիչների միջոցով քննարկել են դեմ առ դեմ հանդիպումը, և տարբերակներից մեկը Չինաստանի նախագահին այցով Միացյալ Նահանգներ հրավիրելն է, ասում են աղբյուրները:
Թրամփը երկուշաբթի օրը Չինաստանի նախագահին հրավիրել է իր երդմնակալության արարողությանը, սակայն Սի Ծինփինը չի մասնակցելու, պարբերականին հայտնել է խնդրին ծանոթ աղբյուրը։
ԱՄՆ-ում Չինաստանի դեսպանը կնոջ հետ մտադիր է, ավանդույթի համաձայն, ներկա գտնվել արարողությանը բազմաթիվ երկրների դիվանագիտական պատվիրակությունների հետ։ Հանդիպմանը ներկա կլինի նաև Չինաստանի փոխնախագահ Հան Չժենը:
2024 թվականի իր նախագահական արշավի ժամանակ Թրամփը կոչ էր արել 10%-ից 20% համընդհանուր մաքսատուրք սահմանել բոլոր երկրներից Միացյալ Նահանգներ ներմուծվող ապրանքների համար, սակայն սպառնացել էր մինչև 100% ներմուծման տուրք սահմանել BRICS դաշինքի երկրների վրա, ինչպիսիք են Ռուսաստանը և Չինաստանը, եթե նրանք վնաս հասցնեն ԱՄՆ դոլարի փոխարժեքին։
Դեկտեմբերին նա խոստացել էր իր պաշտոնավարման առաջին օրը հրամանագիր ստորագրել Չինաստանից, Մեքսիկայից և Կանադայից ԱՄՆ բոլոր ներմուծումների վրա 25 տոկոս մաքսատուրք սահմանելու մասին, ինչպես նաև հավելյալ 10 տոկոս մաքսատուրք Չինաստանի համար «ֆենտանիլի անօրինական ներմուծումը կասեցնել չկարողանալու համար»:
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
Փաշինյանն ի զորու չէ ոչնչացնելու եկեղեցին և մեր հավատն առ Աստված. Ավետիք Չալաբյան
Երբ ջնջվում է... ոգին. «Փաստ»
ԶՊՄԿ ՓԲԸ գլխավոր տնօրեն Ռոման Խուդոլին շնորհավորել է «Լիդիան Արմենիա» ընկերությանը արտադրության մեկն...